Вітэнска-Гердэкскі ўніверсітэт

Вітэнска-Гердэкскі ўніверсітэт
ням.: Universität Witten/Herdecke
Арыгінальная назва	ням.: Universität Witten/Herdecke
Міжнародная назва	англ.: Witten/Herdecke University
Заснаваны	1982
Студэнты	2 894
Размяшчэнне	Вітэн, Гердэке
Сайт	uni-wh.de
Медыяфайлы на Вікісховішчы

Вітэнска-Гердэкскі ўніверсітэт (ням.: Universität Witten/Herdecke) — нямецкая прыватная вышэйшая навучальная ўстанова са статусам універсітэта з кампусамі у гарадах Вітэн і Гердэке.

Агульная характарыстыка

Вітэнска-Гердэкскі ўніверсітэт — прыватны, прызнаны дзяржавай, некамерцыйны ўніверсітэт. Гэта была першая нямецкая прыватная вышэйшая навучальная ўстанова, якая атрымала акрэдытацыю як менавіта «ўніверсітэт» — статус, які прызнае акадэмічную якасць універсітэта, эквівалентную дзяржаўным універсітэтам, і дае права прысуджаць ступені бакалаўра і магістра, доктарскія і праводзіць хабілітацыю.

Яго заснаванне і гісторыя часта адзначаліся супярэчлівымі дыскусіямі і значнымі цяжкасцямі пры стварэнні новага ўніверсітэта ў нямецкай адукацыйнай сістэме. У 1995 годзе выданне «Times Higher Education» адзначыла, што ўніверсітэт аднымі лічыцца «ідэалістычнай мадэллю будучыні нямецкай вышэйшай адукацыі, а іншымі … карбункулам на ўніверсітэцкім ландшафце краіны, у якім жорстка пераважае дзяржава». Сёння Вітэнска-Гердэкскаму ўніверсітэту ўдалося атрымаць прызнанне адным з нямногіх прыватных універсітэтаў Германіі як «гумбальтавы» ўніверсітэт і ўзорам для пераймання з пункту гледжання структуры курсаў, інтэграцыі практычнай і тэарэтычнай падрыхтоўкі і інавацыйных падыходаў да аплаты навучання.

У 2019 годзе ва ўніверсітэце навучалася каля 2 500 студэнтаў і было 582 супрацоўнікаў, у тым ліку 71 прафесар і 232 выкладчыка / даследчыка. Каля 100 дактароў штогод атрымліваюць гэтую навуковую ступень у аспірантуры гэтай ВНУ. Студэнтаў магістратуры таксама больш, чым студэнтаў бакалаўрыяту, што паказвае моц універсітэта. У цяперашні час універсітэт пашырае кампус і павялічвае колькасць студэнтаў.

Факультэты

З мая 2020 года ўніверсітэт складаецца з двух факультэтаў:

• Факультэт здароўя, які складаецца з кафедраў:

1. Медыцыны чалавека
2. Стаматалогіі, аральнай і сківічна-тварнай медыцыны
3. Сястрынскай навукі
4. Псіхалогіі і псіхатэрапіі

• Факультэт эканомікі і грамадаздаўства, які складаецца з кафедраў:

1. Менеджменту і прадпрымальніцтва
2. Філасофіі, палітыкі і эканомікі
3. Цэнтр фундаментальных даследаванняў

Спасылкі

• На Вікісховішчы ёсць медыяфайлы па тэме Вітэнска-Гердэкскі ўніверсітэт
• Афіцыйная інтэрнэт-старонка ўстановы