Падэрборнскі ўніверсітэт

Падэрборнскі ўніверсітэт
ням.: Universität Paderborn
Арыгінальная назва	ням.: Universität Paderborn
Міжнародная назва	англ.: Paderborn University
Заснаваны	1972
Студэнты	19 110
Размяшчэнне	Падэрборн
Сайт	uni-paderborn.de
Медыяфайлы на Вікісховішчы

Падэрборнскі ўніверсітэт (ням.: Universität Paderborn) — нямецкая дзяржаўная вышэйшая навучальная ўстанова са статусам універсітэта з сядзібай у горадзе Падэрборн.

Агульная характарыстыка

Універсітэт - адзін з чатырнаццаці дзяржаўных даследчых універсітэтаў у зямлі Паўночны Рэйн-Вестфалія ў Германіі. Ён быў заснаваны ў 1972 годзе. 20 000 студэнтаў былі залічаны ва ўніверсітэт у зімовы семестр 2016/2017 года. Прапануе 62 праграмы навучання.

Ва ўніверсітэце ёсць некалькі лаўрэатаў прэміі імя Готфрыда Вільгельма Лейбніца, якая прысуджаецца Нямецкім даследчым фондам. Універсітэт цесна супрацоўнічае з Інстытутам Хайнца Ніксдорфа, Цэнтрам паралельных вылічэнняў Падэрборна і двума Інстытутамі Фраўнгофера для даследаванняў у галіне інфарматыкі, матэматыкі, электратэхнікі і квантавай фатонікі.

У 2018 годзе ў Інстытуце Хайнца Ніксдорфа ўніверсітэта быў дасягнуты сусветны рэкорд па аптычнай перадачы дадзеных з хуткасцю 128 гігабіт у секунду. Акадэмічны рэйтынг сусветных універсітэтаў 2018 года, вядомы як "Шанхайскі рэйтынг", паставіў гэты ўніверсітэт у на 50-75 месца ў свеце па напрамку "Матэматыка".

Факультэты

• Факультэт культуралогіі
• Эканамічны факультэт
• Факультэт прыродазнаўства
• Машынабудаўнічы факультэт
• Факультэт электратэхнікі, інфарматыкі і матэматыкі

Спасылкі

• На Вікісховішчы ёсць медыяфайлы па тэме Падэрборнскі ўніверсітэт
• Афіцыйная інтэрнэт-старонка ўстановы