Ульмскі ўніверсітэт

Ульмскі ўніверсітэт
ням.: Universität Ulm
Арыгінальная назва	ням.: Universität Ulm
Міжнародная назва	англ.: University of Ulm
Заснаваны	1967
Рэктар	Michael Weber[d]
Студэнты	10 164
Размяшчэнне	Ульм
Сайт	uni-ulm.de
Медыяфайлы на Вікісховішчы

Ульмскі ўніверсітэт (ням.: Universität Ulm) — нямецкая дзяржаўная вышэйшая навучальная ўстанова са статусам універсітэта з сядзібай у горадзе Ульм.

Агульная характарыстыка

Адкрыццё універсітэта яшчэ ў 1959 годзе ініцыяваў Савет па навуцы і Міністэрства культуры ФРГ, у планах якіх было стварэнне новай вышэйшай навучальнай установы медыцынскага профілю. Афіцыйна адкрыццё адбылося 25 лютага 1967 года. Новай навучальнай установе першапачаткова была дадзена назва Ульмскі інстытут медыцыны і прыродазнаўства, але ў тым жа годзе ўлады зямлі Бадэн-Вюртэмберг далі інстытуту статус універсітэта. Да 1990-х гадоў ішло актыўнае будаўніцтва дадатковых карпусоў і пашырэнне структуры універсітэта. У 2007 годзе універсітэт адсвяткаваў 40-годдзе. У тым жа годзе ўзнікла ідэя назваць універсітэт у гонар Альберта Эйнштэйна, які нарадзіўся ў горадзе Ульм. Але рашэнне па гэтым пытанні прынята не было.

Структура

• Факультэт інжынерных і камп'ютарных навук
• Факультэт матэматыкі і эканомікі
• Факультэт прыродазнаўчых навук
• Медыцынскі факультэт

Спасылкі

• На Вікісховішчы ёсць медыяфайлы па тэме Ульмскі ўніверсітэт
• Афіцыйная інтэрнэт-старонка ўстановы