Краснагорскі раён (Бранская вобласць)
| Краснагорскі раён | |
|---|---|
| Красногорский район | |
| Краіна |
 Расія |
| Статус | раён |
| Уваходзіць у | Бранскую вобласць |
| Адміністрацыйны цэнтр | Красная Гара |
| Дата ўтварэння | 1929 |
| Насельніцтва | 16 000 |
| Плошча | 1 120 км² |
 |
|
| Часавы пояс | UTC +3 |
| Тэлефонны код | +7 48346 |
| Код аўтам. нумароў | 32 |
| Афіцыйны сайт (руск.) | |
 Медыяфайлы на Вікісховішчы | |
Краснагорскі раён (руск.: Красногорский район) — адміністрацыйна-тэрытарыяльная адзінка на захадзе Бранскай вобласці Расіі. Адміністрацыйны цэнтр — пасёлак гарадскога тыпу Красная Гара.
Геаграфія
Плошча раёна — 1120 км². Раён размешчаны на захадзе Бранскай вобласці.
Мяжуе:
- на поўначы з Касцюковіцкім і Краснапольскім раёнамі Магілёўскай вобласці Беларусі;
- на захадзе з Чачэрскім і Веткаўскім раёнамі Гомельскай вобласці Беларусі;
- на ўсходзе з Гардзееўскім раёнам Бранскай вобласці;
- на поўдні з Навазыбкаўскім раёнам Бранскай вобласці.
Асноўныя рэкі — Бесядзь, Віхолка.
Экалогія
Краснагорскі раён — адзін з найбольш пацярпелых ад катастрофы на Чарнобыльскай АЭС і радыёактыўных ападкаў у наступныя дні пасля катастрофы. Чатыры населеныя пункты раёна — Барсукі, Князяўшчына, Прагрэс і Ніжні Млын былі ўключаны ў зону адчужэння. Шматлікія населеныя пункты раёну былі аднесены да зоны адсялення і зоне з правам на адсяленне. Максімальнае разліковае значэнне радыяцыйнага забруджвання — 9,4 мзв/год — адзначана ў пасёлку Забор’і[1].
Гісторыя
Яшчэ ў часы Вялікага Княства Літоўскага існавала Паповагорская воласць Старадубскага павета. У 1922 годзе ў сувязі з перайменаваннем Паповай Гары ў Красную Гару Паповагорскую воласць перайменавалі ў Краснагорскую. У 1929 годзе, з фарміраваннем раённага падзелу, воласць ліквідавалі, а на яе тэрытарыяльнай аснове сфарміравалі раён Клінцоўскай акругі Заходняй вобласці. 5 ліпеня 1944 года згодна з указам Прэзідыуму Вярхоўнага савета СССР утварылася Бранская вобласць, у склад якой, нароўні з іншымі, уключылі і Краснагорскі раён. У 1963 годзе раён ліквідавалі, але ў 1966 годзе яго аднавілі.
У 2004 годзе ў сувязі з працяглай эканамічнай стагнацыяй каля 5 тыс. чал. насельніцтва раёна (г. зн. прыкладна палова насельніцтва тагачаснага раёна) сабрало подпісы на карысць пераходу тэрыторыі раёна ў склад Беларусі[2].
Дэмаграфія
Насельніцтва раёна складае 16,1 тыс. чалавек. Усяго налічваецца 53 населеныя пункты.
Адміністрацыйна-тэрытарыяльны падзел
Па муніцыпальнай рэформе (2005) у раёне ёсць 1 гарадское і 6 сельскіх паселішчаў:
Мескае паселішча:
Сельскія паселішчы:
- Калюдаўскае сельскае паселішча
- Латакоўскае сельскае паселішча
- Любаўшанскае сельскае паселішча
- Макарыцкае сельскае паселішча
- Пераласкае сельскае паселішча
- Ялоўскае сельскае паселішча
Эканоміка
- Сыраробны завод у пасёлку Краснай Гары
Транспарт
Маршрут 540 «Красная Гара — Бранск».
Славутасці
- Гарадзішча ў пасёлку Краснай Гары
- Курганы радзімічаў у пасёлку Краснай Гары
- Царква Раства Хрыстова ў сяле Калюдах
- Вятрак у вёсцы Марозаўцы
- Царква Покрыва Багародзіцы ў сяле Медзведзях
- Царква Покрыва Багародзіцы ў сяле Ялоўцы
Асобы
- Васіль Цымбаліст — заслужаны вынаходнік Расіі, нарадзіўся 20 мая 1935 года ў вёсцы Рубанах у вялікай сялянскай сям’і
Зноскі
- ↑ Федэральная служба абароны правоў спажыўцоў (руск.)
- ↑ Симонов, Н. «Хотим жить на Украине»: Один из районов Брянской области собирается отделиться от России // Новые Известия. — 2004.
Спасылкі
На Вікісховішчы ёсць медыяфайлы па тэме Краснагорскі раён (Бранская вобласць)- Краснагорскі раён, Radzima.org
- Інфармацыйны партал Браншчыны (руск.)
