Іван Дзмітрыевіч Вятроў

Іван Дзмітрыевіч Вятроў
2-і Міністр юстыцыі БССР чэрвень 1953 — красавік 1960
Кіраўнік урада	Кірыл Мазураў Мікалай Аўхімовіч Ціхан Кісялёў
Папярэднік	Іван Падута
Пераемнік	Рыгор Басаў
7-ы Пракурор БССР 1944 — 1949
Кіраўнік урада	Панцеляймон Панамарэнка Аляксей Кляшчоў
Пераемнік	Аляксей Бондар
Пракурор БССР 1941
Папярэднік	Самуіл Новік
Нараджэнне	26 верасня 1905(1905-09-26) Саматэвiчы, Чэрыкаўскі павет, Магілёўская губерня, Расійская імперыя
Смерць	10 лютага 1986(1986-02-10) (80 гадоў) Мінск, Беларуская ССР, СССР
Месца пахавання	Чыжоўскія могілкі
Грамадзянства	Беларуская ССР
Партыя	КПСС
Адукацыя	Ваенна-юрыдычная акадэмія РСЧА[d]
Гады службы	1941—1944
Род войскаў	партызаны
Камандаваў	Палескім партызанскім злучэннем
Бітвы	Вялікая Айчынная вайна
Узнагароды

Іва́н Дзмі́трыевіч Вятро́ў (26 верасня 1905(1905-09-26), Саматэвiчы, Магілёўская губерня — 10 лютага 1986(1986-02-10), Мінск) — беларускі дзяржаўны дзеяч. Пракурор БССР (1940—1941, 1944—1949), Міністр юстыцыі БССР (1953—1960). Заслужаны юрыст БССР (1972), Заслужаны работнік культуры БССР (1980).

Адзін з арганізатараў і кіраўнікоў камуністычнага падполля і партызанскага руху на тэрыторыі Палескай вобласці ў гады Вялікай Айчыннай вайны.

Біяграфія

Нарадзіўся 26 верасня 1905 года ў в. Саматэвічы Магілёўскай губерні (цяпер — Касцюковіцкі раён Магілёўскай вобласці).

З 1925 года — на камсамольскай, з 1927 года — на партыйнай і савецкай рабоце ў Мсціслаўскім, Лёзненскім, Крупскім, Полацкім, Чэрыкаўскім раёнах, у Магілёве. Член КПСС з 1927 года.

У 1940 годзе скончыў Вышэйшую школу партыйных арганізатараў пры ЦК УКП(б). У 1940—1941 гадах — намеснік загадчыка аддзела кадраў ЦК КП(б)Б, Пракурор БССР.

У 1941—1942 гадах — у Чырвонай Арміі. З чэрвеня 1942 года — прадстаўнік ЦК КП(б)Б і БШПР на Заходнім фронце. Са жніўня 1943 упаўнаважаны ЦК КП(б)Б, ЦШПР, першы сакратар Палескага падпольнага абкама КП(б)Б, камандзір Палескага партызанскага злучэння.

У 1944—1949 гадах — Пракурор БССР.

У 1952 годзе скончыў Ваенную юрыдычную акадэмію Савецкай Арміі. У 1952—1953 гадах — пракурор Куйбышаўскай вобласці.

У 1953—1960 гадах — Міністр юстыцыі БССР.

Член ЦК КП(б)Б у 1940—1949 гадах, кандыдат у члены ЦК КПБ у 1954—1960 гадах. Дэпутат Вярхоўнага Савета БССР у 1938—1963 гадах і Вярхоўнага Савета СССР у 1946—1950 гадах.

Аўтар ваенных мемуараў.

Памёр 10 лютага 1986 года ў Мінску. Пахаваны ў Мінску на Чыжоўскіх могілках.

Узнагароды

• Ордэн Леніна
• Ордэн Чырвонага Сцяга
• Ордэн Айчыннай вайны I ступені
• Два ордэна Працоўнага Чырвонага Сцяга
• Ордэн Дружбы народаў
• Ордэн Чырвонай Зоркі
• Ордэны ПНР, ЧССР
• Заслужаны юрыст БССР (1972)
• Ганаровы грамадзянін г. Мазыра (1974)
• Заслужаны работнік культуры БССР (1980).

Літаратура

• Вятроў Іван Дзмітрыевіч // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — С. 403. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).
• Ветраў Іван Дзмітрыевіч // Памяць: Касцюк. р-н: гіст.-дак. хронікі гарадоў і раёнаў Беларусі. — Мн., 2000. — С. 411.
• Вятроў Іван Дзмітрыевіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 200. — 800 с. — 5 000 экз. — ISBN 985-11-0026-9.

Спасылкі

• Біяграфія(недаступная спасылка) (руск.)
• Біяграфія(недаступная спасылка) (руск.)
• Біяграфія Архівавана 17 лістапада 2015. (руск.)
• Ветров Иван Дмитриевич (руск.) // Праект «Партизаны Беларуси»
• Вятроў Іван Дзмітрыевіч на сайце анлайн-энцыклапедыі «Беларусь у асобах і падзеях»