Агракліматычнае раянаванне Беларусі

Агракліматы́чнае раянава́нне Белару́сі — падзел тэрыторыі Беларусі па ступені спрыяльнасці кліматычных умоў для земляробства. Пры падзеле бяруцца пад увагу такія чыннікі, як сярэдняя тэмпература вегетацыйнага перыяду, працягласці інтэрвалаў з асобнымі тэмпературамі паветра і гадавых сум ападкаў.

Выдзяляюць 3 агракліматычныя вобласці:

I. паўночная ўмерана цёплая вільготная;

II. цэнтральная цёплая ўмерана вільготная;

III. паўднёвая цёплая няўстойліва вільготная.

Для кожнай з гэтых абласцей вызначана спрыяльнасць агракліматычных умоў для вырошчвання тых ці іншых сельскагаспадарчых культур. У адпаведнасці з нарошчваннем кантынентальнасці клімату ў складзе кожнай з абласцей выдзяляюць заходнія і ўсходнія пад-вобласці (на малюнку пункцірная лінія з поўначы на поўдзень). Апошнія ў сваю чаргу падзяляюцца на раёны:

Агракліматычныя вобласці і раёны Беларусі

1. Ашмяна — Мінска — Свянцянскі;
2. Нарачана — Вілейскі;
3. Ушацка — Лепельскі;
4. Полацкі;
5. Асвейска — Браслаўскі;
6. Гарадоцка — Віцебскі;
7. Суражска — Лучоскі;
8. Аршанскі;
9. Гродзенска — Івацэвіцкі;
10. Лідска — Івянецкі;
11. Навагрудскі;
12. Баранавіцка — Ганцавіцкі;
13. Барысаўска — Рудзенскі;
14. Бярэзінскі;
15. Горацка — Касцюковіцкі;
16. Пружана — Брэсцкі;
17. Пінскі;
18. Жыткавіцка — Мазырскі;
19. Гомельскі.

Гл. таксама

• Агракліматычнае раянаванне

Літаратура

• Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз., С. 28—29