Аднарог

З пляцоўкі Вікіпедыя
Jump to navigation Jump to search
«Нявінніца і Аднарог» Даменікіна Цамп'еры (1602)

Аднарог або Адзінарогміфічная істота, якая сімвалізуе чысціню і ласку. Могуць быць захопленыя толькі нявінніцай. Звычайна аднарога ўяўляюць у выглядзе каня з рогам. Згодна з эзатэрычнымі вучэннямі, мае белае цела, чырвоную галаву і блакітныя вочы.

Першыя выявы аднарога сустракаюцца прыкладна ў 4 ст. да н.э. на пячатках са старажытных гарадоў даліны Інда. Сустракаецца ў Атхарва-Веда і Махабхарата. Грэцкая і рымская традыцыі разглядалі аднарога як рэальную жывёлу, яго з’яўленне звязваюць з Афрыкай або Індыяй.

Вобраз аднарога ў розных традыцыях[правіць | правіць зыходнік]

Вавілон[правіць | правіць зыходнік]

У Вавілоне аднарога лічылі крылатым. На амулеце, які датуецца прыкладна 1800 годам да н.э., на процілеглых паверхнях намаляваны два аднарогі, якія сімвалізуюць два бакі Дрэва Жыцця. У шумера-семіцкай традыцыі аднарог — мясцовы сімвал, атрыбут цнатлівых багінь.

Старажытнаяўрэйская традыцыя[правіць | правіць зыходнік]

У старажытнаяўрэйскай традыцыі ёсць такая легенда: калі Яхве папрасіў Адама даць імёны ўсім жывёлам, аднарог быў першым, хто яго атрымаў, і, такім чынам, ён быў узведзены да найвышэйшага рангу. Калі Адам і Ева былі выгнаны з раю, Бог даў выбар аднарогу: застацца ў Эдэме або адправіцца з людзьмі. Аднарог абраў апошняе і быў назаўсёды блаславёны спагадаць людзям.

Хрысціянская традыцыя[правіць | правіць зыходнік]

У хрысціянстве адзіны рог аднарога — гэта сімвал чароўнай еднасці, духоўнай улады і высакароднасці, у сувязі з гэтым аднарог становіцца чынам Хрыста. Той факт, што аднарог невялікага росту, паказвае на аналогію зняважанасці Хрыста пры яго нараджэнні; яго белы колер сімвалізуе чысціню, тое, што неабходна атрымаць, каб ісці шляхамі сыноў Божых.

У геральдыцы[правіць | правіць зыходнік]

Сімвал аднарога ў геральдыцы пачынае з’яўляцца з 15 стагоддзя.

Сустракаецца на гербах Шатландыі, Канады, Вялікабрытаніі. Гл. таксама Бонча.

У беларускай культуры[правіць | правіць зыходнік]

У пражскім выданні Кнігі Быццё Скарыны, якое выйшла ў свет у 1519 годзе, на гравюры «Бог у раі» ёсць выява аднарога.

Гравюрная застаўка «Бог у раі»

У сучаснай культуры[правіць | правіць зыходнік]

У сучасных фінансах[правіць | правіць зыходнік]

Кампаніі называюць «Аднарог» (unicorn companies), калі іх рынкавая капіталізацыя перавышае 1 мільярд даляраў ЗША. Пераважна выкарыстоўваецца ў стартап кампаніях або тых якія хутка выраслі. [1]



Зноскі[правіць | правіць зыходнік]

  1. Investopedia. Unicorn (en-US), Investopedia (2015-10-01). Праверана 5 сакавіка 2018.