Брусята

Брусята
Характарыстыка
Даўжыня	37 км
Басейн	140 км²
Расход вады	2,3 м³/с (у вусці)
Вадацёк
Выток	возера Нерыб
• Вышыня	169,1 м
• Каардынаты	54°06′53″ пн. ш. 29°06′51,10″ у. д.
Вусце	Бярэзіна
• Месцазнаходжанне	за 2 км на захад ад вёскі Журоўка
• Вышыня	144,5—144,6 м
• Каардынаты	53°53′22,10″ пн. ш. 29°00′08,20″ у. д.
Ухіл ракі	0,7 м/км
Размяшчэнне
Водная сістэма	Бярэзіна → Дняпро → Чорнае мора
Краіна	Беларусь
Рэгіён	Мінская вобласць
Раёны	Крупскі раён, Бярэзінскі раён
выток вусце
— выток, — вусце

Бруся́та — рака ў Крупскім і Бярэзінскім раёнах Мінскай вобласці Беларусі, левы прыток ракі Бярэзіна (басейн Дняпра).

Даўжыня ракі 37 км. Плошча вадазбору 340 км². Сярэднегадавы расход вады ў вусці 2,3 м³/с. Сярэдні нахіл воднай паверхні 0,7 м/км. Пачынаецца з возера Нерыб у Крупскім раёне, упадае ў Бярэзіну за 2 км на захад ад вёскі Журоўка Бярэзінскага раёна. Цячэ па Цэнтральнабярэзінскай раўніне.

Даліна ў вярхоўі невыразная, у сярэдняй і нізкай плыні трапецападобная, шырынёй да 2 км. Абалона пераважна двухбаковая, яе шырыня 0,3—0,5 км, месцамі да 0,8 км. Рэчышча ў высокай і сярэдняй плынях каналізаванае і выпрастанае на 27 км. Шырыня ракі ў межань 8—10 м. Асноўны прыток — рака Плаўня (злева).

Каля ракі населеныя пункты Міхеевічы, Дзмітравічы, Журоўка.

Літаратура

• Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).
• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
• Республика Беларусь. Атлас охотника и рыболова: Минская область / Редактор Г. Г. Науменко. — Мн.: РУП «Белкартография», 2009. — С. 21. — 60 с. — 20 000 экз. — ISBN 978-985-508-174-7. (руск.)
• Республика Беларусь. Минская область. Березинский район: карта. Березино: план / Ред. Г. П. Ляхова. — Минск: РУП «Белкартография», 2011. — 3 000 экз. (руск.)
• Brusiata // Słownik geograficzny Królestwa Polskiego i innych krajów słowiańskich. Tom I: Aa — Dereneczna (польск.). — Warszawa, 1880. — S. 389.
• Łoszyniec // Słownik geograficzny Królestwa Polskiego i innych krajów słowiańskich. Tom V: Kutowa Wola — Malczyce (польск.). — Warszawa, 1884. — S. 740.