Востраў Святога Лаўрэнція

Востраў Святога Лаўрэнція
Фізічная карта вострава Святога Лаўрэнція
Характарыстыкі
Плошча	4 640,12 км²
Найвышэйшы пункт	672 м
Насельніцтва	1 292 чал. (2000)
Шчыльнасць насельніцтва	0,28 чал./км²
Размяшчэнне
63°30′ пн. ш. 170°30′ з. д.
Краіна	ЗША
Штат	Аляска
Востраў Святога Лаўрэнція
Медыяфайлы на Вікісховішчы

Востраў Свято́га Лаўрэ́нція (англ.: St. Lawrence Island) — востраў у паўднёвай частцы Берынгава праліва, за 80 км ад паўвострава Чукотка (мыс Чапліна). Адміністрацыйна з’яўляецца часткай штата Аляска, хоць і знаходзіцца бліжэй да Чукоцкага паўвострава, чым да Аляскі. Гэта шосты па велічыні востраў у Злучаных Штатах і 113-ы па велічыні востраў у свеце.

Даўжыня вострава — 145 км, шырыня — ад 13 да 36 км, плошча — 4640,12 км². Найвышэйшая кропка — 672 м — гара Атук. Паверхня нізінная, з асобнымі ўзвышшамі вулканічнага паходжання. На востраве няма паўнавартасных дрэў, хмызнякі прадстаўлены арктычнай вярбой не больш 30 см у вышыню.

На востраве населеныя пункты Гамбел, Савунга.

Востраў адкрыты ў 1728 годзе В. І. Берынгам.

Літаратура

• Святога Лаўрэнція востраў // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 279. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Остров Святого Лаврентия (руск.) // Праект «Планета Земля» Geosfera.Org