Цэнтр Пампіду

Цэнтр Пампіду
Краіна	Францыя
Месцазнаходжанне	Сен-Меры
Адкрыццё	31 студзеня 1977
Архітэктурны стыль	хай-тэк[d]
Вышыня	42 м
Архітэктар	Рычард Джордж Роджэрс[d] і Рэнца Піяна
Інжынер-будаўнік	Arup[d]
Карыстальнік	Musée National d'Art Moderne[d], Q2945278? і Bibliothèque publique d'information[d]
Emporis	110380
SkyscraperPage	24496
Сайт	centrepompidou.fr (фр.) centrepompidou.fr/… (англ.) centrepompidou.fr
Медыяфайлы на Вікісховішчы

Частка выстаў Цэнтра

Цэнтр Жоржа Пампіду (фр.: Centre Georges-Pompidou; поўная назва Нацыянальны цэнтр мастацтва і культуры імя Жоржа Пампіду (фр.: Centre national d’art et de culture Georges-Pompidou); у прастамоўі Бабур) — культурны цэнтр у квартале Бабур 4-й акругі Парыжа паміж кварталамі Ле-Аль і Марэ. Адкрыты з 1977 года, створаны па ініцыятыве французскага прэзідэнта Жоржа Пампіду. Цэнтр уключае ў сябе парыжскі Музей сучаснага мастацтва, вялікую бібліятэку, канцэртныя і выставачныя залы, Інстытут даследавання і каардынацыі акустыкі і музыкі. Вялікую плошчу перад Цэнтрам Пампіду аблюбавалі мастакі, вандроўныя артысты, музыканты і цыркачы. Справа ад Цэнтра Пампіду невялікую плошчу Стравінскага ўпрыгожвае аднайменны экстравагантны фантан.

Апісанне

Будынак сучаснай пабудовы і вельмі вялікіх для цэнтра Парыжа памераў мае ў даўжыню 166 м, у шырыню 60 м і ў вышыню 42 м. Пабудаваны па наватарскім праекце Рэнца П'яна і Рычарда Роджэрса, выбраным з 680 конкурсных работ. Арыгінальная ідэя архітэктараў была ў размяшчэнні ўсіх тэхнічных канструкцый (арматурныя злучэнні, усе трубаправоды, ліфты і эскалатары) звонку будынка, што дазволіла вызваліць максімум карыснай плошчы ў 40 тыс. м². Арматурныя злучэнні выфарбаваны белым колерам, вентыляцыйныя трубы — сінім, вадаправодныя — зялёным, электрападводка — жоўтым, а эскалатары і ліфты — чырвоным.

Цэнтр імя Пампіду з’яўляецца самым наведваемым турыстычным аб’ектам у Парыжы: 8 мільёнаў наведвальнікаў у год (у два разы больш, чым наведвальнікаў Эйфелевай вежы і амаль столькі ж, колькі гасцей Еўрадыснейленда).

Гл. таксама

• Сучаснае мастацтва

Спасылкі

• На Вікісховішчы ёсць медыяфайлы па тэме Цэнтр Пампіду
• Афіцыйны сайт Цэнтра Пампіду Архівавана 26 лютага 2009. (фр.), (англ.), (ісп.)