Этнэ (спадарожнік)

Этнэ (ад стар.-грэч.: Αἴτνη) — нерэгулярны спадарожнік Юпітэра, вядомы таксама як Юпітэр XXXI.

Адкрыццё

Быў знойдзены 9 снежня 2001 г групай астраномаў з Гавайскага ўніверсітэта і атрымаў часовае абазначэнне S/2001 J 11. У жніўні 2003 года спадарожнік атрымаў назву Этнэ, ад імя адной з німф ў грэчаскай міфалогіі.

Арбіта

Этнэ здзяйсняе поўны абарот вакол Юпітэра на адлегласці ў сярэднім 23.229.000 км за 730 дзён, 4 гадзіны і 19 хвілін. Арбіта мае эксцэнтрысітэт 0,2643. Нахіл рэтраграднай арбіты 165,091 °. Належыць да групы Кармэ.

Фізічныя характарыстыкі

Дыяметр Этнэ складае каля 3 км. Спадарожнік складаецца, верагодна, з пераважна сілікатных парод. Вельмі цёмная паверхня мае альбеда 0,04. Зорная велічыня +22,7 m.