Кармэ (спадарожнік)

З Вікіпедыі, свабоднай энцыклапедыі

Кармэ (стар.-грэч.: Κάρμη) — нерэгулярны натуральны знешні спадарожнік Юпітэра з рэтраградным рухам. Адкрыты ў ліпені 1938 года амерыканскім астраномам Сэтам Барнсам Нікалсанам у абсерваторыі Маўнт-Вільсан. Названая ў гонар міфалагічнай Кармэ, маці крыцкай багіні Брытамарціды.

Спадарожнік атрымаў імя ў 1975 годзе, да гэтага выкарыстоўвалася пазначэнне Юпітэр XI. У перыяд з 1955 да 1975 года спадарожнік часам называлі «Пан». У цяперашні час Панам называецца адзін са спадарожнікаў Сатурна.

Кармэ ўваходзіць у склад так званай "групы Кармэ" - групы нерэгулярных знешніх спадарожнікаў Юпітэра з рэтраградным рухам, з радыусам арбіты 23-24 мільёнаў кіламетраў і нахілам каля 165 ° (даныя на 2000). Элементы арбіты групы пастаянна змяняюцца з-за абурэнняў, выкліканых Сонцам і Юпітэрам.