Ліга чэмпіёнаў УЕФА

Футбол Ліга чэмпіёнаў УЕФА UEFA Champions League
Заснаваны:	1955
Рэарганізаваны:	1992
Краіна:	Еўропа (УЕФА)
Кол-ць каманд:	32 (групавы этап) 76 ці 77 (усяго)
Дзеючы чэмпіён:	Ліверпул (6-ы тытул)
Найбольш тытулаваны:	Рэал Мадрыд (13 тытулаў)
Бягучы сезон
Ліга чэмпіёнаў УЕФА 2018/2019
www.uefa.com

Ліга чэмпіёнаў УЕФА (англ.: UEFA Champions League) — штогадовае футбольнае спаборніцтва паміж вядучымі еўрапейскімі клубамі пад эгідай УЕФА.

Са свайго першага сезону 1955/1956 і да сезону 1991/1992 спаборніцтва называлася Кубкам еўрапейскіх чэмпіёнаў (англ.: European Champion Clubs’ Cup). З сезону 1992/1993 спаборніцтва атрымала сваю цяперашную назву і змяніла фармат, адступіўшыся ад алімпійскай сістэмы на карысць групавога этапу. Цяпер спаборніцтвы ў Лізе чэмпіёнаў уключаюць 4 кваліфікацыйныя раўнды, групавы этап (8 груп па 4 каманды, з якіх у наступную стадыю выходзяць першыя дзве, а каманда, якая заняла трэцяе месца, трапляе ў 1/16 фіналу Лігі Еўропы УЕФА) і, пачынаючы са стадыі 1/8 фіналу, гульню па сістэме плэй-оф з матчамі на сваім і на чужым стадыёне з заканчэннем у выглядзе фіналу з аднаго матчу на нейтральным стадыёне.

Пераможцамі турніру станавіліся 22 клуба, 12 з іх выйгравалі турнір больш за адзін раз. Іспанскія клубы атрымлівалі ў турніры 17 перамог. Рэкардсменам па колькасці выйграных тытулаў з’яўляецца іспанскі «Рэал Мадрыд», які перамагаў 13 разоў. Дзеючым чэмпіёнам з’яўляецца англійскі клуб «Ліверпул», які 1 чэрвеня 2019 года ў фінале ў Мадрыдзе перамог англійскі «Тотэнхэм Хотспур» з лікам 2:0.

Гісторыя

Асноўны артыкул: Гісторыя Кубка еўрапейскіх чэмпіёнаў і Лігі чэмпіёнаў УЕФА

Кубак еўрапейскіх чэмпіёнаў быў заснаваны ў 1955 годзе па прапанове французскага спартыўнага журналіста і рэдактара «L'Équipe» Габрыэля Ано. Ідэя аб кантынентальным футбольным турніры наведала Ано пасля заяваў англійскай прэсы аб тым, што «Вулверхэмптан Уондэрэрс», які перамог восенню 1954 «Спартак» і «Гонвед», з’яўляецца наймацнейшым клубам свету. У сваёй газеце Ано адказаў, што для выяўлення наймацнейшага клуба трэба правесці спаборніцтва, якое ўключае ў сябе і хатнія, і гасцявыя матчы. Ужо на наступны дзень Ано апублікаваў магчымы праект турніру, а ў студзені 1955 прайшоў першы Кубак еўрапейскіх чэмпіёнаў.

У перыяд з 1960 па 2004 год ўладальнік Кубка еўрапейскіх чэмпіёнаў ўдзельнічаў ў цяпер адмененым Міжкантынентальным кубку супраць ўладальніка паўднёваамерыканскага Кубка Лібертадорэс. Зараз пераможца Лігі чэмпіёнаў удзельнічае ў клубным чэмпіянаце свету — турніры пад эгідай ФІФА.

Фундатары

У момант заснавання Лігі было вырашана, што фундатарам турніру не могуць быць больш за 8 кампаній. Па ўмовах пагаднення гэтыя кампаніі атрымліваюць 4 рэкламных шчыта па перыметры поля, пэўную колькасць квіткоў на кожны матч і прысутнасць лагатыпаў кампаній на перадматчавых і пасляматчавых інтэрв’ю. Таксама гэтыя кампаніі атрымліваюць рэкламны час у перапынках паміж таймамі матчаў Лігі чэмпіёнаў.

У цяперашні час афіцыйнымі фундатарамі Лігі чэмпіёнаў з’яўляюцца:

• Nissan
• Heineken
• MasterCard
• Sony Computer Entertainment
• UniCredit
• Gazprom
• PepsiCo
• PlayStation

Таксама з турнірам супрацоўнічаюць:

• Adidas (па кантракце з УЕФА, як пастаўшчык мячоў на ўсе спаборніцтвы пад яе эгідай)
• Konami (як стваральнік афіцыйнай відэагульні Лігі чэмпіёнаў)

Статыстыка

Асноўны артыкул: Статыстыка Кубка еўрапейскіх чэмпіёнаў і Лігі чэмпіёнаў УЕФА

Камандная

Пераможцы

Асноўны артыкул: Спіс фіналаў Кубка еўрапейскіх чэмпіёнаў і Лігі чэмпіёнаў УЕФА

Спіс найлепшых клубаў у гэтым турніры ўзначальвае іспанскі «Рэал Мадрыд», які атрымліваў перамогу ў Лізе чэмпіёнаў (уключна з перамогай у Кубку чэмпіёнаў) 13 разоў. Сем разоў турнір выйграваў італьянскі «Мілан», 6 разоў — англійскі «Ліверпул», 5 разоў — мюнхенская «Баварыя» і іспанская «Барселона», 4 разы — нідэрландскі «Аякс» з Амстэрдама.

Клуб	П	Ф	КФ	Выйграныя фіналы	Прайграныя фіналы
Рэал Мадрыд	13	3	16	1956, 1957, 1958, 1959, 1960, 1966, 1998, 2000, 2002, 2014, 2016, 2017, 2018	1962, 1964, 1981
Мілан	7	4	11	1963, 1969, 1989, 1990, 1994, 2003, 2007	1958, 1993, 1995, 2005
Ліверпул	6	3	9	1977, 1978, 1981, 1984, 2005, 2019	1985, 2007, 2018
Баварыя	5	5	10	1974, 1975, 1976, 2001, 2013	1982, 1987, 1999, 2010, 2012
Барселона	5	3	8	1992, 2006, 2009, 2011, 2015	1961, 1986, 1994
Аякс	4	2	6	1971, 1972, 1973, 1995	1969, 1996
Інтэрнацыянале	3	2	5	1964, 1965, 2010	1967, 1972
Манчэстэр Юнайтэд	3	2	5	1968, 1999, 2008	2009, 2011
Ювентус	2	7	9	1985, 1996	1973, 1983, 1997, 1998, 2003, 2015, 2017
Бенфіка	2	5	7	1961, 1962	1963, 1965, 1968, 1988, 1990
Нотынгем Форэст	2	0	2	1979, 1980	-
Порту	2	0	2	1987, 2004	-
Сэлтык	1	1	2	1967	1970
Гамбург	1	1	2	1983	1980
Сцяўа	1	1	2	1986	1989
Марсель	1	1	2	1993	1991
Барусія Дортмунд	1	1	2	1997	2013
Чэлсі	1	1	2	2012	2008
Феенорд	1	0	1	1970	-
Астан Віла	1	0	1	1982	-
ПСВ Эйндхавен	1	0	1	1988	-
Црвена Звезда	1	0	1	1991	-
Атлетыка Мадрыд	0	3	3	-	1974, 2014, 2016
Рэймс	0	2	2	-	1956, 1959
Валенсія	0	2	2	-	2000, 2001
Фіярэнціна	0	1	1	-	1957
Айнтрахт	0	1	1	-	1960
Партызан	0	1	1	-	1966
Панатынаікос	0	1	1	-	1971
Лідс Юнайтэд	0	1	1	-	1975
Сент-Эцьен	0	1	1	-	1976
Барусія Мёнхенгладбах	0	1	1	-	1977
Бругэ	0	1	1	-	1978
Мальмё	0	1	1	-	1979
Рома	0	1	1	-	1984
Сампдорыя	0	1	1	-	1992
Баер Леверкузен	0	1	1	-	2001
Манака	0	1	1	-	2004
Арсенал	0	1	1	-	2006
Тотэнхэм Хотспур	0	1	1	-	2019

Асабістая

Бамбардзіры

Асноўны артыкул: Спіс найлепшых бамбардзіраў Кубка еўрапейскіх чэмпіёнаў і Лігі чэмпіёнаў УЕФА

№	Імя	Г	М	ГГ	Гады	Клубы
1	Крыштыяну Раналду	126	162	0.78	2003—…	Манчэстэр Юнайтэд, Рэал Мадрыд, Ювентус
2	Ліянель Месі	112	135	0.83	2005—…	Барселона
3	Рауль Гансалес	71	142	0.5	1995—2011	Рэал Мадрыд, Шальке 04
4	Карым Бензема	60	112	0.54	2006—…	Алімпік Ліён, Рэал Мадрыд
5	Руд ван Ністэлрой	56	73	0.77	1998—2009	ПСВ, Манчэстэр Юнайтэд, Рэал Мадрыд

Па колькасці гульняў

№	Імя	М	Клубы
1	Ікер Касільяс	177	Рэал Мадрыд, Порту
2	Крыштыяну Раналду	162	Манчэстэр Юнайтэд, Рэал Мадрыд, Ювентус
3	Хаві	151	Барселона
4	Раян Гігз	145	Манчэстэр Юнайтэд
5	Рауль Гансалес	142	Рэал Мадрыд, Шальке 04

Спасылкі

• UEFA CHAMPIONS LEAGUE RANKINGS AND MORE…
• Афіцыйны сайт (англ.)
• Навіны Лігі Чэмпіёнаў
• Ліга чэмпіёнаў УЕФА (нявызн.). УЕФА. Архівавана з першакрыніцы 23 жніўня 2011. (руск.)
• Гісторыя Лігі чэмпіёнаў УЕФА (нявызн.). УЕФА. Архівавана з першакрыніцы 23 жніўня 2011. (руск.)
• 50 гадоў Кубку еўрапейскіх чэмпіёнаў (нявызн.). УЕФА. Архівавана з першакрыніцы 23 жніўня 2011. (англ.)
• Кубак еўрапейскіх чэмпіёнаў і Ліга чэмпіёнаў УЕФА (нявызн.). RSSSF. Архівавана з першакрыніцы 23 жніўня 2011. (англ.)