Кальвінскі збор (Слуцк)
Славутасць | |
Кальвінскі збор | |
---|---|
![]() Збор і школа на малюнку Н. Орды | |
53°01′33″ пн. ш. 27°33′33″ у. д.HGЯO | |
Краіна |
![]() |
Горад | Слуцк |
Канфесія | кальвінізм |
Епархія | Літоўская правінцыя |
Архітэктурны стыль | неаготыка і эклектыка |
Архітэктар | Казімір Мельхіёравіч Хршчановіч |
Заснавальнік | Януш Радзівіл |
Дата пабудовы | 1851 год |
![]() |
Кальвінскі збор — колішні кальвінскі храм у Слуцку, кафедральны сабор Літоўскай правінцыі
Гісторыя[правіць | правіць зыходнік]
Кальвінскі збор у Слуцку быў заснаваны князем Янушам Радзівілам у 1617 г. Пабудавалі яго з дрэва. Храм знаходзіўся ў Новым горадзе на беразе ракі Случ. Неаднойчы аднаўляўся пасля пажараў. Верагодна некалькі разоў стары будынак замяняўся новым. Як паведамляюць крыніцы, кальвіністы часам мелі два зборы: «… ідучы ад замку, праз мост малы да Новага горада … на левым баку … над ставамі ракі Случы стаяць два зборы, вялікі i малы».
![](http://upload.wikimedia.org/wikipedia/commons/thumb/5/57/S%C5%82ucki_zbor._%D0%A1%D0%BB%D1%83%D1%86%D0%BA%D1%96_%D0%B7%D0%B1%D0%BE%D1%80_%281901-17%29.jpg/220px-S%C5%82ucki_zbor._%D0%A1%D0%BB%D1%83%D1%86%D0%BA%D1%96_%D0%B7%D0%B1%D0%BE%D1%80_%281901-17%29.jpg)
У 1851 г. замест драўлянага па праекту архітэктара К. Хршчановіча ўзводзіцца мураваны будынак збору.
Падчас Другой сусветнай вайны збор быў пашкоджаны. Званіца, якая захавалася, была разабрана савецкай адміністрацыяй у пасляваенны час.
Архітэктура[правіць | правіць зыходнік]
![](http://upload.wikimedia.org/wikipedia/commons/thumb/1/1e/S%C5%82ucak%2C_Senatarskaja._%D0%A1%D0%BB%D1%83%D1%86%D0%B0%D0%BA%2C_%D0%A1%D1%8D%D0%BD%D0%B0%D1%82%D0%B0%D1%80%D1%81%D0%BA%D0%B0%D1%8F_%281901-17%29.jpg/220px-S%C5%82ucak%2C_Senatarskaja._%D0%A1%D0%BB%D1%83%D1%86%D0%B0%D0%BA%2C_%D0%A1%D1%8D%D0%BD%D0%B0%D1%82%D0%B0%D1%80%D1%81%D0%BA%D0%B0%D1%8F_%281901-17%29.jpg)
Новы будынак збора быў пастаўлены побач з гімназіяй, уваходам арыентыраваны на вуліцу Шырокую. Уяўляў сабой прамавугольны ў плане аб’ём, накрыты вальмавым дахам, з алтарнай апсідай i шатровай трох’яруснай вежай-званіцай на галоўным фасадзе. Чацверыковыя ярусы вежы аддзяляліся адзін ад аднаго прафіляванымі карнізамі. Ніжні, роўны вышыні асноўнага аб’ёма, меў уваходны праём i выконваў ролю бабінца. Невысокі сярэдні — yпрыгожваўся паўкруглым сандрыкам. Сцены чацвярыка трэцяга ярусу праразаліся парнымі аконнымі праёмамі. Завяршалася вежа высокім васьмігранным шатром, i развёрнутымі па дыяганалі чацвярыковымі шатровымі вежачкамі-пінаклямі, якія стаялі па вуглах i па перыметру злучаліся між сабою фігурнай металічнай агароджай. Вуглы вежы i асноўнага аб’ёма былі апрацаваны пілястрамі. Пілястры члянілі i бакавыя сцены будынка. Парныя, выцягнутыя ўгару, з паўкруглымі завяршэннямі, трохлапасцёвыя аконныя праёмы аб’ядноўваліся стрэлападобнымі ліштвамі. Прысутнасць элементаў раманскага, гатычнага i класіцыстычнага стыляў, гаворыць аб эклектычным характары будынку. Дамінаванне сярод іх выцягнутых уверх, стрэлападобных формаў, надае яму характэрны гатычны выгляд.
Літаратура[правіць | правіць зыходнік]
- Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
Спасылкі[правіць | правіць зыходнік]
На Вікісховішчы ёсць медыяфайлы па тэме Кальвінскі збор (Слуцк)
- Кальвінскі збор (Слуцк) на сайце Radzima.org