Касцёл Унебаўзяцця Найсвяцейшай Дзевы Марыі (Гомель)
Каталіцкі храм | |
Касцёл Унебаўзяцця Найсвяцейшай Дзевы Марыі | |
---|---|
52°24′15″ пн. ш. 30°54′27″ у. д.HGЯO | |
Краіна | Беларусь |
Горад | Гомель |
Канфесія | Рымска-каталіцкі касцёл |
Епархія | Пінская дыяцэзія |
Стан | Дзейнічае |
Медыяфайлы на Вікісховішчы |
Касцёл Унебаўзяцця Найсвяцейшай Дзевы Марыі — каталіцкі храм у Гомелі. Знаходзіцца на скрыжаванні Рэчыцкага праспекта і вуліцы Аб’язной.
Гісторыя[правіць | правіць зыходнік]
Парафія з такой назвай існавала ў горадзе да 1938 г. Калі савецкія ўлады ліквідавалі парафію, святары былі рэпрэсаваныя і забітыя, а стары касцёл Унебаўзяцця Найсвяцейшай Дзевы Марыі, які знаходзіўся на цэнтральнай плошчы, у 1940 г. быў узарваны.
Новы касцёл будуецца праз 80 год. У 2013 годзе біскуп Пінскі Антоні Дзям’янка заснаваў парафію, якая атрымала пляцоўку пад будову касцёла на ўскрайку горада, на скрыжаванні Рэчыцкага праспекта і вуліцы Аб’язной. Новым пробашчам стаў дапаможны біскуп Пінскай дыяцэзіі Казімір Велікаселец.
У 2015 годзе нарожны камень новага касцёлаў багаславіў Папа Рымскі Францыск.
15 жніўня 2018 года дапаможны біскуп Пінскай дыяцэзіі Казімір Велікаселец асвяціў крыж і зямлю пад будаўніцтва новай святыні[1]. 16 лістапада 2018 года ён жа асвяціў капліцу[2].
24 снежня 2018 года пробашчам парафіі быў прызначаны а. Леанард Адушкевіч з Ордэна айцоў паўлінаў.
26 жніўня 2023 года ў муры будучага касцёла, былі закладзеныя 2 камяні, адзін з Віфлеема, другі з Кальварыі.
Архітэктура[правіць | правіць зыходнік]
Будынак мураванага касцёла будзе падобны на Чырвоны касцёл у Мінску, плануецца, што тут будзе арган[3]. Будынак спраектаваны ў псеўдагатычным стылі, выцягнуты ўверх, з 30-метровымі вежамі[4].
Пробашчы[правіць | правіць зыходнік]
- Казімір Велікаселец (2013—2018)
- а. Леанард Адушкевіч (з 2018)
Крыніцы[правіць | правіць зыходнік]
Спасылкі[правіць | правіць зыходнік]
- Касцёл Унебаўзяцця Найсвяцейшай Дзевы Марыі (Гомель) на сайце Catholic.by (бел.)