Горад Дзятлава

Горад Дзятлава Сцяг Герб Каардынаты 53.45, 25.453°27′00″ пн. ш. 25°24′00″ у. д.53.45, 25.4    Краіна Беларусь Вобласць Гродзенская Насельніцтва (2006) 8,2 тыс. чалавек

Дзятлава Дзятлава

Дзятлава на Вікісховішчы

Дзятлава (руск.: Дятлово, польск.: Zdzięcioł, літ.: Zietela) — горад ва ўсходняй частцы Гродзенскай вобласці Беларусі, адміністрацыйны цэнтр Дзятлаўскага раёна, на р. Дзятлаўка. У 165 км да паўднёвага ўсходу ад Гродна, 13 км ад чыгуначнай станцыі Наваельня на лініі Баранавічы—Ліда. Аўтамабільныя дарогі злучаюць горад са Слонімам, Лідай, Навагрудкам. Насельніцтва 8,2 тыс. чал. (2006).

Гісторыя

Упершыню згадваецца ў 1440—1450-я пад назвай Здятел. У 1498 вял. князь Аляксандр Ягелончык падарыў воласць Здятел вялікаму гетману літоўскаму К. І. Астрожскаму ў вечнае карыстанне і з правам заснаваць горад. К. І. Астрожскі пабудаваў тут у пач. 16 ст. замак («двор Здятело»), які некаторы час меў важнае абарончае значэнне і драўляную царкву (1508). У 1556 мястэчка Слонімскага павета. У 17 ст. Здзицел перайшоў ва ўладанне да Сапегаў. У 1624—1646 К. Сапега заснаваў касцёл, які часткова захаваўся да сённяшняга часу, пры ім дзейнічаў шпіталь. З 1685 уладанне Радзівілаў. У студзені 1708, падчас Паўночнай вайны (1700—1721), у ваколіцах Дзятлава некаторы час знаходзілася асноўная групоўка расійскіх войскаў, у горадзе на працягу тыдню кватэраваў Пётр I. Пасля мястэчка было занята шведамі якія спалілі яго разам з замкам. У 1751 Радзівілы пабудавалі ў Дзятлаве палац (Дзятлаўская сядзіба). З 1795 у Расійскай імперыі. Апошні ўладальнік Дзятлава Станіслаў Солтан прымаў удзел у паўстанні 1830—1831 гадоў, яго маёнткі былі канфіскаваныя. З 1921 у складзе Польшчы. З 1939 у БССР, з 1940 гарадскі пасёлак. У Вялікую Айчыную вайну акупанты знішчылі ў Дзятлаўскім раёне 12 тыс. жыхароў. У 1962—1965 у Слонімскім р-не. З 1990 — горад.

герб i сцяг Дзятлава

Герб і сцяг зацверджаны Указам Прэзідэнта Рэспублікі Беларусь ад 1.12.2004 № 590.

Эканоміка

Прадпрыемствы харчовай, дрэваапрацоўчай, будаўнічых матэрыялаў прамысловасці. Гасцініца «Ліпічанка».

Культура

Дзятлаўскі гісторыка-краязнаўчы музей.

Выдатныя мясціны

• Дзятлаўскі касцёл Ушэсця Найсвяцейшай Панны Марыі
• Спаса-Праабражэнская царква (пач. 20 ст.)
• Дзятлаўская сядзіба
• капліца (1813)

На цэнтральнай (былой гандлёвай) плошчы захаваліся каменныя дамы 17—19 ст.

На былой гандлёвай плошчы

Вядомыя асобы

• Удальрык Крыштоф Радзівіл (1712—1770), пісьменнік, паэт і гісторык

У Сеціве

• Летапіс гісторыі Дзятлаўшчыны
• Фотагалерэя — Дзятлава скрозь аб'ектыў
• Iнфармацыйна-забаўляльны партал горада Дзятлава
• Iнфармацыйны партал Дзятлаўскага раёна i горада Дзятлава
• Герб горада Дзятлава
• Сцяг горада Дзятлава
• Фотаздымкi Дзятлава на mysterya.org
• Горад Дзятлава на «Глобусе Беларуси»