Шымон Перэс

Шымон ПЕ́РЭС (нар. 2 жніўня 1923, Вішнева, цяпер Валожынскі р-н Беларусі) — ізраільскі палітычны дзеяч, Прэзідэнт Ізраіля (з 13.6.2007). Актыўна ўдзельнічае ў палітычным жыцці Ізраіля болей за 50 гадоў. Займаў пасаду прэм'ер-міністра Ізраіля, шэраг іншых важных пасад. Нобелеўская прэмія міру (1994, разам з Іцхакам Рабінам і Ясірам Арафатам).

Скончыў Гарвардскі універсітэт, свабодна гаворыць на іўрыце, англійскай і французскай мовах, цікавіцца нанатэхналогіямі.

У палітыцы

Нягледзячы на тое, што на працягу шмат гадоў Перэс узначальваў партыю Авада(Рабочая партыя), ён ніколі сам выбары не выйграваў. Далучэнне да партыі Кадзіма (Наперад) дазволіла Перэсу ўвайсці ў склад Кнесета, ізраільскага парламента.

У 1943 годзе Перэса абралі Секратаром Рабоча-Сіянісцкага моладзевага руху, і ў 1944 годзе ён вяртаецца ў Кібуц Алумот, дзе працуе фермерам і пастухом.

У 1947 годзе назначаецца Давідам Бен Гурыёнам на пасаду адказнага за правізію ў Хагане. У 1952—1953 гадах працуе ў ваенных структурах, адказвае за закупкі сучаснай зброі і наладжанне стратэгічнага партнерства маладой дзяржавы Ізраіль. Адзначаецца яго роля ў набыцці ў Францыі ядзернага рэактара ў Дымоне.

У 1959 годзе Перэс быў абраны ў Кнесет у складзе партыі Мапаі. Пазней ён яе пакінуў і стварыў новую — Рафі. У 1968 годзе абедзве партыі далучыліся да Левага Альянса.

У 70-х гадах працуе рознымі міністрамі ў складзе Урада Ізраіля.

У 80-х гадах Перэс узначальвае Рабочую партыю, працуе Міністрам Замежных Спраў, Міністрам Фінансаў.

У 90-х Шымон Перэс узначальвае Рабочую партыю, але выйграць выбары яму ніяк не ўдаецца, і ў 1997 ён саступіў ролю лідэра Эхуду Бараку. Сам Перэс займаў у гэты час нязначныя пасты ва Урадзе Ізраіля.

У 2000 годзе ён прайграе ў выбарах Прэзідэнта Ізраіля Машэ Кацаву.

Сям'я

Шымон Перэс — апошні Прэм'ер-Міністр — выхадзень з Дыяспары. Яго бацькамі былі Іцхак і Сара Перскія. Бацька гандляваў лесам, маці выкладала рускую мову і літаратуру. Малодшага брата Шымона звалі Гершон. У сваім інтэрв'ю, якое Шымон Перэс даў ізраільскаму журналу Мішпаша, ён зазначыў, што ягоны дзед, Рабі Цві Мельцэр, навучаўся ў вядомай Валожынскай йешыве і сам з'яўляўся ўнукам Рэб Хаіма з Валожына, вядомага талмудзіста і этыка. «Ён [дзед] зрабіў вялікі ўплыў на маё жыццё… Я рос у доме дзеда… Ён мяне вучыў Талмуду. Гэта было нялёгка, як можа паказацца. Мае бацькі не былі артадоксамі, я быў. Аднойчы, калі ў Шабат я пачуў, што бацькі слухаюць радыё, я зламаў яго…» — гаварыў Перэс.

У 1934 годзе сям'я Шымона пераехала з Вішнева ў Тэль-Авіў у тагачасным Брытанскім Мандаце ў Палесціне.

У 1945 годзе Перэс ажаніўся з Соні Гелман, якая вырашыла для сябе пазбягаць грамадскай увагі. У Шымона Перэса дачка і два сыны.

Шымон вучыўся ў школе Геула ў Тэль-Авіве і сельскагаспадарчай школе ў Бен Шэмен. Пасля правёў некалькі год у Кібуц Алумот.