Аляксандр Віктаравіч Чарвякоў

Аляксандр Віктаравіч Чарвякоў
Міністр эканомікі Рэспублікі Беларусь з 4 студзеня 2020
Прэзідэнт	Аляксандр Лукашэнка
Кіраўнік урада	Сяргей Румас
Папярэднік	Дзмітрый Крутой
Намеснік Міністра эканомікі Рэспублікі Беларусь студзень 2017 — лістапад 2018
Прэзідэнт	Аляксандр Лукашэнка
Першы намеснік Міністра эканомікі Рэспублікі Беларусь лістапад 2018 — 4 студзеня 2020
Прэзідэнт	Аляксандр Лукашэнка
Нараджэнне	15 верасня 1966(1966-09-15) (57 гадоў) Бабінічы, Панізоўскі сельсавет, Аршанскі раён, Віцебская вобласць, БССР, СССР
Адукацыя	Беларуская дзяржаўная сельскагаспадарчая акадэмія (1988)
Навуковая ступень	кандыдат тэхнічных навук (1996)
Навуковае званне	дацэнт
Месца працы	Беларуская дзяржаўная сельскагаспадарчая акадэмія НДЭІ Міністэрства эканомікі Рэспублікі Беларусь
Узнагароды	Ганаровая грамата Савета Міністраў Рэспублікі Беларусь
Медыяфайлы на Вікісховішчы

Аляксандр Віктаравіч Чарвякоў (нар. 1966, в. Бабінічы, Аршанскі раён, Віцебская вобласць) — беларускі дзяржаўны дзеяч. Кандыдат тэхнічных навук (2002), дацэнт.

Біяграфія

Нарадзіўся ў 1966 годзе ў в. Бабінічы Аршанскага раёна Віцебскай вобласці. Бацька Віктар працаваў кінамеханікам, маці Раіса Нікіфараўна (пам. 2018) працавала бухгалтарам на мясцовай сельгасхіміі. Мае сястру Ларысу.

У 1988 годзе скончыў Беларускую дзяржаўную сельскагаспадарчую акадэмію ў г. Горкі. У 1988—1991 гадах — інжынер, вядучы інжынер-механік саўгаскамбіната «Юбілейны» Аршанскага раёна. У 1991—1994 гадах вучыўся ў аспірантуры БДСГА.

У 1994—2010 гадах — асістэнт, выкладчык, старэйшы выкладчык, дацэнт, дактарант кафедры механізацыі жывёлагадоўлі і электрыфікацыі сельскагаспадарчай вытворчасці БДСГА.

У 2010—2017 гадах дырэктар НДЭІ Мінэканомікі Рэспублікі Беларусь.

Са студзеня 2017 года — намеснік Міністра эканомікі Рэспублікі Беларусь. З лістапада 2018 года — Першы намеснік Міністра эканомікі Рэспублікі Беларусь.

4 студзеня 2020 года прызначаны Міністрам эканомікі Рэспублікі Беларусь.

Навуковая дзейнасць

Аўтар і суаўтар 7 манаграфій, навучальных і даведачных дапаможнікаў, звыш 90 навуковых прац і 4 вынаходак.

Сям’я

У шлюбе. Жонка Святлана працуе намеснікам галоўнага інжынера па навуцы ў праектным інстытуце Белдзіпразем. У шлюбе маюць дзвюх дочак Яўгенію і Лізавету. Яўгенія з’яўляецца суіскальніцай аддзела планавання і рэгулявання развіцця сельскай і лясной гаспадарак НДЭІ Міністэрства эканомікі. Лізавета скончыла Інстытут кіравання і сацыяльных тэхналогій пры БДУ.

Спасылкі

• Чарвякоў Аляксандр Віктаравіч