Віктар Міхайлавіч Каранкевіч

Віктар Міхайлавіч Каранкевіч
Міністр энергетыкі Рэспублікі Беларусь з 31 жніўня 2018 года
Прэзідэнт	Аляксандр Лукашэнка
Кіраўнік урада	Сяргей Румас
Папярэднік	Уладзімір Патупчык
Нараджэнне	1 жніўня 1976(1976-08-01) (46 гадоў) Кіраўск, Кіраўскі раён, Магілёўская вобласць, БССР, СССР
Адукацыя	Інстытут сучасных ведаў імя А. М. Шырокава (1997) БНТУ (2005) Акадэмія кіравання пры Прэзідэнце Рэспублікі Беларусь (2010)

Ві́ктар Міха́йлавіч Каранке́віч (нар. 1 жніўня 1976, г. п. Кіраўск, Магілёўская вобласць) — беларускі дзяржаўны дзеяч, міністр энергетыкі Рэспублікі Беларусь (3 2018 года).

Біяграфія

Нарадзіўся 1 жніўня 1976 года ў г.п. Кіраўск Кіраўскага раёна Магілёўскай вобласці Беларускай ССР.

У 1997 годзе скончыў недзяржаўны Інстытут сучасных ведаў па спецыяльнасці «Эканамічная інфарматыка», у 2005 годзе Беларускі нацыянальны тэхнічны ўніверсітэт па спецыяльнасці «Цеплаэнергетыка», у 2010 годзе — Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне нацыянальнай эканомікай».

1997—2004 — спецыяліст 2 катэгорыі аддзела прыватызацыі і кіравання дзяржмаёмасцю, спецыяліст 1 катэгорыі ўпраўлення эканомікі, вядучы спецыяліст Цэнтра разлікаў за ператокі Беларускага дзяржаўнага энергетычнага канцэрна.

2004—2006 — начальнік фінансавага аддзела - намеснік начальніка ўпраўлення фінансаў, уліку і справаздачнасці Беларускага дзяржаўнага энергетычнага канцэрна.

2006—2012 — начальнік галоўнага эканамічнага ўпраўлення Міністэрства энергетыкі Рэспублікі Беларусь.

2012—2017 — намеснік Міністра энергетыкі Рэспублікі Беларусь.

З 27 студзеня 2017 года — першы намеснік Міністра энергетыкі Рэспублікі Беларусь.

З 31 жніўня 2018 года — Міністр энергетыкі Рэспублікі Беларусь.

Узнагароды

• Узнагароджаны Ганаровай граматай Савета Міністраў Рэспублікі Беларусь (2012).