Вікіпедыя:Да перайменавання

Навічкам · Супольнасць · Парталы · Узнагароды · Праекты · Запыты · Ацэньванне Да схавальнікаў · Да адміністратараў · Да даглядчыкаў · Да батаводаў · Тэхнічныя · Да стварэння · Да перакладу · Да паляпшэння · Да перайменавання · Да аб’яднання · Да падзелу · Да выдалення · Да аднаўлення

↑	Калі ласка, дадавайце новыя тэмы зверху. Дадаць тэму

На гэтай старонцы ўдзельнікі прапануюць старонкі для перайменавання. Назвы старонак павінны адпавядаць правілам наймення артыкулаў.

Выстаўленне старонкі да перайменавання

1. Дадайце ў пачатку старонкі шаблон {{Перанесці}} з кароткім апісаннем, чаму яна выстаўлена да перайменавання.
2. Стварыце тэму на гэтай старонцы ў фармаце:

== [[Старая назва]] → [[Новая назва]] ==
Апісанне аргументацыі... --~~~~

Значкі для галасавання

Дзеля большай яснасці пры галасаванні выкарыстоўваюцца наступныя значкі:

 Перайменаваць — шаблон {{Перайменаваць}};

 Нейтральны — шаблон {{Нейтральны}};

 Не пераймяноўваць — шаблон {{Не пераймяноўваць}}.

Пры галасаванні, калі ласка, патлумачце ваш выбар.

Бягучыя абмеркаванні

Дадаць тэму

Новыя тэмы, калі ласка, дадавайце зверху спіса абмеркаванняў

Янцзы → Яндзы

Нядаўна выйшаў новы беларуска-кітайскі слоўнік, і істотна так пералапаціў сістэму перадачы кітайскім уласных назваў. Яндзы/Янцзы тут - адзін з мноства прыкладаў. Яндзы, дарэчы, таксама пацвярджаецца граматычнай базай. Так што тут пытанне комплекснае, і, падазраю, ад таго, што вырашым, будзе залежыць лёс мноства тапонімаў і не толькі (Фучжоў/Фуджоў, Цынь/Цінь, Ухань/Вухань) --Ueschar (размовы) 14:31, 15 верасня 2026 (+03)

 Перайменаваць але пажадана нам нейкія правілы тут зафіксаваць, каб можна было звярацца і спасылацца на адну старонку. Plaga med (размовы) 14:34, 21 верасня 2026 (+03)

У слоўніку ёсць табліца транскрыпцыі складоў піньіня. Магу перанесці тут. Назваць "Піньінь-беларускай практычная транскрыпцыя"? Ці ўсё ж "Кітайска-беларуская"? Ueschar (размовы) 22:40, 21 верасня 2026 (+03)

Ага, нічога рабіць не трэба, усё ўжо ёсць.

Беларуская практычная транскрыпцыя кітайскай мовы Ueschar (размовы) 14:02, 22 верасня 2026 (+03)

Віліс Олаўс → Віліс Олаус

Гл. старонку размоў. --Ueschar (размовы) 00:29, 21 жніўня 2026 (+03)

Катэгорыя:Рэзныя інструменты → Катэгорыя:Рэжучыя інструменты

Згодна з беларуска-рускім слоўнікам 2012 года, таксама адна згадка ў корпусе. IshaBarnes (размовы) 00:39, 30 ліпеня 2026 (+03)

 Перайменаваць, Таксама згадкі ў БелЭн. Feeleman (размовы) 09:25, 7 жніўня 2026 (+03)

Аплатная картка → Плацежная картка

Вынік

Перайменавана Plaga med (размовы) 15:07, 21 верасня 2026 (+03)

Іарданія → Іярданія

Калі ўжо раней абмяркоўвалася — не крыўдуйце, не знайшоў. Паводле найноўшай граматычнай базы - Іярданія, формы Іарданія там няма. У публіцыстыцы таксама сустракаецца zviazda, БС, НЧ, НН. Catholic.by. Тэма, як з усімі словамі на Іа- няпростая, таму цікава меркаванне супольнасці. --Ueschar (размовы) 09:33, 27 ліпеня 2026 (+03)

Бачу, што ў БелСЭ і БелЭн Іарданія, таксама ў РБС НАН РБ 10. Іярданія толькі ў грам базе, але гэта не нарматыўная крыніца сама па сабе. Нібыта пакуль можна пакінуць варыянт Іярданія ў артыкуле, але пераймяноўваць нібы пакуль рана. Plaga med (размовы) 21:27, 1 верасня 2026 (+03)

напісанне "Іярданія" пацвердзілася ў новым Кітайска-беларускім слоўніку Ueschar (размовы) 17:27, 17 верасня 2026 (+03)

Мод Вялікабрытанская → Мод Уэльская

Не зусім ясна, адкуль узялося "Мод Вялікабрытанская", калі ў англійскай "Maud of Wales", а ў нарвежскай "Maud av Norge". Беларускамоўных крыніц, на жаль, не знайшоў. Ueschar (размовы) 12:22, 24 ліпеня 2026 (+03)

 Нейтральны. Спачатку яна была Princess Maud of Wales і да замужжа (1896) была вядомая пад гэтым тытулам.

Як я разумею, калі ў 1901 годзе яе бацька стаў каралём Вялікабрытаніі Эдуардам VII, замест тытула прынцэсы Уэльскай на радзіме яна атрымала тытул прынцэсы Злучанага Каралеўства (Princess Maud of the United Kingdom). Вось тут я знайшоў яе геральдычны знак. DenisBorum (размовы) 09:48, 25 ліпеня 2026 (+03)

Амедэо Мадыльяні → Амедэа Мадыльяні

Вынік

Перайменавана Plaga med (размовы) 15:01, 21 верасня 2026 (+03)

Беларускае нацыянальнае адраджэнне → Беларускі нацыянальны рух

У гістарычных крыніцах бачу выключна варыянт «беларускі нацыянальны рух». Нашае «беларускае нацыянальнае адраджэнне» вядома на якіх прыкладах узнікла, але ёсць адчуванне, што нацыянальнае адраджэнне гэта канкрэтны перыяд, які мае пачатак і канец, аднак са зместу вынікае, што дагэтуль не «адрадзілі». Так што больш карэктным выглядае слова «рух». --Чаховіч Уладзіслаў (размовы) 23:58, 6 ліпеня 2026 (+03)

Падтрымліваю. Хвалі адраджэння гэта хутчэй перыяды. -- M.L.Bot (размовы) 10:37, 7 ліпеня 2026 (+03)

Ліянель Жаспен → Ліянэль Жаспэн

Тут, тут і тут выкарыстоўваецца форма Ліянэль Жаспэн. Бягучую форму ў крыніцах мне знайсці не ўдалося. Ueschar (размовы) 16:47, 6 ліпеня 2026 (+03)

 Перайменаваць Plaga med (размовы) 21:28, 1 верасня 2026 (+03)

Аляксандр Карнаўх → Аляксандр Карнавух

У яго такая хрэнь можа і ў пашпарце, але націск у прозвішчу тут і на «у», бо гэта славянскае прозвішча, дзе другая частка ад «вуха», а не нейкае нямецкае з націскам на апошняе «а». Так што не можа быць пад націскам у нескладовага: або Карнаву́х, або Карнау́х. У Бірылы ёсць гэтае прозвішча. --Чаховіч Уладзіслаў (размовы) 00:34, 4 ліпеня 2026 (+03)

 Не пераймяноўвацьМы ўжо будзем самі прозьвішча людзей перапісваць на свой лад? :) Тады можа лепш адразу Карнавуха? Бо пайшло ад вуха. Паўсюль напісана Карнаўх, на кнігах напісана Карнаўх ня ведаю, як можна мяняць у такім разе і ці знойдзе чытач, які шукае аўтара кнігі па зьмененаму прозьвішчу. Dzejka (размовы) 14:12, 4 ліпеня 2026 (+03)

Ну калі Домрачава запісвае сябе як ДомрачЭва, а яшчэ адна адораная патрабуе пісаць сябе выключна як Марія - то так, будзем выпраўляць, бо гэта не адпавядае беларускай мове. Прозвішча гэтага чалавека Карнавух і не належыць прыватна яму, гэта ён сам перапісвае беларускае прозвішча на свой лад. Чаховіч Уладзіслаў (размовы) 15:18, 5 ліпеня 2026 (+03)

 Не пераймяноўваць, усё ж сапраўды, ён усюды сябе пазначае "Карнаўх", напісанне "Карнавух" сустрэў толькі тут. Само ў сабе цяперашняе напісанне не парушае фундаментальных правіл беларускай мовы (хаця, безумоўна, і з’явілася пад уплывам усім нам вядомай мовы). Ueschar (размовы) 14:06, 18 ліпеня 2026 (+03)

Ёсць бел прозвішчы без прыстаўнога «в». Я падазраю, што тут мусіць быць Карнаух. Plaga med (размовы) 14:59, 21 верасня 2026 (+03)

Генрых Птушнік → Генрых І Птушкалоў

Адзіная крыніца з падобным імем (Гэнрык І Птушнік), якую я знайшоў — Сусьветная гісторыя ў перакладзе Луцкевіча.

Птушкалоў жа сустракаецца прынамсі ў БелЭн, Гісторыя сярэдніх вякоў, Гісторыя сярэднявечнай Еўропы (V-XV стагоддзі) Таму, думаю, трэба перанесці пад больш сучасную і распаўсюджаную назву. Ueschar (размовы) 16:11, 2 ліпеня 2026 (+03)

 Перайменаваць, шмат крыніц указвае на іншае прозвішча Feeleman (размовы) 15:36, 3 ліпеня 2026 (+03)

 Нейтральны. ням.: Heinrich der Vogeler – як я зразумеў па анлайн-перакладчыку, der Vogeler азначае птушка/птушыны, а птушкалоў будзе Vogelfänger. Магчыма пан Луцкевіч пераклаў больш правільна. Лепш няхай выкажуць сваё меркаванне знаўцы нямецкай мовы. DenisBorum (размовы) 18:29, 3 ліпеня 2026 (+03)

Эрнэст Рэзерфорд → Эрнест Рэзерфард

Згодна з БелЭн тут. Ueschar (размовы) 14:18, 23 мая 2026 (+03)

Хаця, улічваючы змену правапісу 2008, магчыма правільней было б Эрнэст Рэзерфард. Ueschar (размовы) 11:05, 25 мая 2026 (+03)

 Нейтральны. Прозвішча Rutherford (name) мае два кораня і два націскі адпаведна. «О» тут знаходзіцца пад націскам – Рэ́зерфо́рд. Незразумела навошта мяняць «О» на «А». DenisBorum (размовы) 22:03, 5 ліпеня 2026 (+03)

 Перайменаваць згодна БелЭн, толькі Эрнэст Feeleman (размовы) 18:42, 11 чэрвеня 2026 (+03)

Уладзімір Пятровіч Кёпен → Уладзімір Пятровіч Кёпэн

Усе мы ведаем, як гэтыя «е» ў рускай мове адпавядаюць на самай справе гуку [э]. Тут нямецкай прозвішча Köppen, мусім на яго абапірацца ў любым выпадку. Нібыта нямецкае э ў беларускай не пераходзіць у е, нават без націску. Шкада, што пакуль няма ў нас практычнай транскрыпцыі з нямецкай... Пакуль што выглядае як выразны ўплыў рускай мовы. Plaga med (размовы) 08:12, 14 мая 2026 (+03)

 Не пераймяноўваць нямецкія e мы нідзе асабліва праз э не перадаем, не бачу неабходнасці рабіць тое ж з прозвішчам, якое вядомае пры пасродніцтве рускай мовы. Чаховіч Уладзіслаў (размовы) 20:30, 16 чэрвеня 2026 (+03)

Акадэмія WSB у Варшаве → Акадэмія ВСБ у Варшаве, Акадэмія WSB → Акадэмія ВСБ

ВП:Кірлат у назвах. WSB нібыта цяпер больш не расшыфроўваецца, то трэба было б транслітэрыраваць. IshaBarnes (размовы) 19:31, 13 мая 2026 (+03)

І катэгорыя Катэгорыя:Akademія WSB таксама IshaBarnes (размовы) 19:37, 13 мая 2026 (+03)

А чаму мы мусім гэта транслітараваць? Калі гэта ўласная назва, гандлёвая марка, і г.д., то звычайна пакідаем у арыгінальным напісанні. Пакуль што не перакананы. Plaga med (размовы) 21:54, 16 чэрвеня 2026 (+03)

У першую чаргу трэба выправіць кірлат Akademія.

Далей можна размаўляць пра назву навучальнай установы. На цяперашні момант WSB нібыта ніяк не расшыфроўваецца, проста застаецца як частка назвы гістарычна, таму мне падаецца лагічным транслітараваць. IshaBarnes (размовы) 22:37, 17 чэрвеня 2026 (+03)

Кірлат выпраўлены. --MocnyDuham (размовы) 20:23, 18 чэрвеня 2026 (+03)

Хагіс → Хэгіс

Крыніц няма, акрамя Англійска-беларускага слоўніка (Т. Суша, 2013), таму прапаную перайменаваць паводле яго. --Feeleman (размовы) 11:09, 2 мая 2026 (+03)

Тут усё крыху цяжэй, бо выпадкаў ужывання "Хэгіс", апарача гэтага слоўніку, я не знайшоў, але Хагіс згадваецца тут, тут, тут, тут, тут Ueschar (размовы) 09:45, 29 мая 2026 (+03)

Уільям С’юард Бероуз → Уільям С’юард Бараўз

У такім напісанні прозвішча супярэчыць правілам беларускага правапісу. Крыніц, якія пацвярджалі б нейкую традыцыю ў напісанні прозвішча пісьменніка я не знайшоў. Таму прапаную перайменаваць адпаведна Вікіпедыя:Праект:Правапіс/Англійска-беларуская практычная транскрыпцыя.--Ueschar (размовы) 00:32, 12 красавіка 2026 (+03)

 Нейтральны. Звярніце ўвагу, што прозвішча Burroughs (surname) не англійскае, а французскае. DenisBorum (размовы) 21:28, 5 ліпеня 2026 (+03)

 Перайменаваць, Згодна з інструкцыяй БелЭн па перадачы англамоўных імёнаў і прозвішч, а таксама з апошнімі змяненнямі ў акадэмічным правапісе (2008). Feeleman (размовы) 11:20, 12 красавіка 2026 (+03)

ВАЛЛ-І → УАЛЛ-І

Прапаную перайменаваць артыкул згодна з існуючым перакладам дадзенага мульціка. Feeleman (размовы) 10:54, 20 красавіка 2026 (+03)

 Перайменаваць, але трэба дадаць інфармацыю пра пераклад і ўвогуле крыху палепшыць старонку. Plaga med (размовы) 13:35, 26 красавіка 2026 (+03)

Не знайшоў АК за "УАЛЛ-І" акрамя Кінакіпы. Тым часам за "ВАЛЛ-І" можна сустрэць Euroradio, Nashaniva, 1387. MocnyDuham (размовы) 14:41, 26 красавіка 2026 (+03)

Калі б не было перакладу самой стужкі, то пададзеныя крыніцы мелі б прыярытэт. З улікам таго, што ёсць ужо пераклад (які атрымаў сваю агучку), то не зусім разумею, чаму старонка мае называцца паводле тых крыніц, якія былі зроблены да перакладу самога мульціка. Feeleman (размовы) 18:54, 26 красавіка 2026 (+03)

пераклад не афіцыйны, дый бывае, што перакладаў некалькі, таму мусім таксама глядзець на словаўжыванне ў розных крыніцах. Думаю, варта перайменаваць, але ў лідзе падаць дзве формы Plaga med (размовы) 19:00, 26 красавіка 2026 (+03)

Хто адказны за пераклад? Якая акадэмічнасць гэтага перакладу? Пераклад - гэта добрая справа, але ён яшчэ не гарантуе, што менавіта гэтая назва будзе абраная для артыкула. Мы не ведаем, хто і ў якіх умовах яго перакладаў. Калі гэта быў хтосьці з НАН РБ - адна справа, калі гэта аматарскі пераклад - іншая. Калі пераклад з’яўляецца аматарскім, то чаму мы павінны ставіць яго вышэй за некалькі беларускамоўных крыніц? MocnyDuham (размовы) 19:01, 26 красавіка 2026 (+03)

 Перайменаваць Мультфільм з назвай УАЛЛ-І існуе, яго можна фізічна паглядзець (хоць пераклад, безумоўна, неафіцыйны). Будзьма шчырымі, афіцыйны мы наўрад ці пабачым. WALL-I(англійскі) і ВАЛЛ-И(расейскі), ВОЛЛ-І(украінскі) гэтаксама ёсць, але не ВАЛЛ-І. Увогуле не разумею заганнай практыкі нашых СМІ аднаасабова перакладаць назвы твораў, варта было б даваць арыгінальную назву і МАГЧЫМЫ пераклад у дужках. Ueschar (размовы) 20:07, 26 красавіка 2026 (+03)

 Нейтральны. WALL-E – гэта абрэвіятура ад Waste Allocation Load Lifter Earth-Class. Засталося разабрацца як правільна транслітэруюцца гэтыя словы на беларускую мову – W праз «В» ці «У», А праз «А» ці «О» і г.д. DenisBorum (размовы) 21:17, 5 ліпеня 2026 (+03)

Калі браць транслітавараць кожнае слова, то нібы і атрымліваецца УАЛЛ + І, як літара ўсё ж, бо пазнака класу, ну і ў іншых выпадках будзе зусім супярэчыць прывычнаму выгляду. У любым выпадку, такія рэчы лепш перакладчыкам пакінуць, а мы ўжо мусім прыняць тое, што замацавалася. Plaga med (размовы) 14:55, 21 верасня 2026 (+03)

Цалкам падтрымліваю Feeleman (размовы) 12:24, 22 верасня 2026 (+03)

Неверагодны лёс Амэлі Пулен → Неверагодны лёс Амелі Пулен

Збіраюся бліжэйшым часам папрацаваць над гэтым артыкулам, значна палепшыць яго пад юбілей фільма. І першае ж пытанне наконт назвы. Я разумею, што фільм выходзіў у беларускім перакладзе пад загалоўкам «Неверагодны лёс Амэлі Пулен», аднак, відаць, той пераклад арыентаваўся на тарашкевіцу. А імя Amélie ў іншых артыкулах БеВікі перадаецца праз е. Прапаную назву пакінуць як ёсць, але імя змяніць дзеля ўніфікацыі. Якія будуць меркаванні? --StachLysy (размовы) 15:54, 6 красавіка 2026 (+03)

 Перайменаваць для ўніфікацыі згодна з БелВікі. Дакладнай інструкцыі не маю для французскамоўных імёнаў, таму пакуль так. Feeleman (размовы) 18:43, 6 красавіка 2026 (+03)

 Не пераймяноўваць У нас ёсць канкрэтная крыніца - беларускі пераклад (не буду ўдавацца ў пытанні ягонай афіцыйнасці і легальнасці) і мы робім згодна з ёю. Калі фільм выйдзе пад іншай назвай - будзе сэнс задумацца над перайменаваннем. Само напісанне праз "е" досыць спрэчнае, у французскай там змякчэння няма, а пра доўгую традыцыю адаптацыі імя Amélie у беларускай мове гаварыць не выпадае (папраўце, калі не маю рацыі). Ueschar (размовы) 00:21, 7 красавіка 2026 (+03)

Удакладню думку. Мне здаецца, што, змяніўшы літару, мы ўсё адно робім згодна з крыніцай, проста адаптуем да правапісу. Умоўна, было б у назве слова "сьнег" праз "ь" — думаю, назву б узялі, а "ь" прыбралі. А наконт традыцыі: я не меў на ўвазе, што існуе нейкая сталая традыцыя адаптацыі гэтага імя на беларускую. Я больш пісаў пра ўніфікацыю. Мы маем шэраг артыкулаў на БеВікі з гэтым і падобнымі імёнамі праз "е": Амелі Натомб, Амелі Марэсмо, Амелія Арлеанская і г.д. — і ніводнага праз "э". Думка была менавіта аб захаванні паслядоўнасці. Раз тут так павялося, то, мабыць, варта так і працягваць, ну ці пераймяноўваць адразу ўсе. --StachLysy (размовы) 01:49, 7 красавіка 2026 (+03)

Ва ўсіх пададзеныя артыкулах няма аніводнай беларускамоўнай крыніцы, таму асмелюся сцвярджаць, што гэта пераклады, магчыма машынныя. Таму іхная аўтарытэтнасць - пад пытаннем. Амелія Арлеанская - адаптавана, бадай, з партугальскай, бо Amélia, а не Amélie, таму разглядаць яе трэба асобна.

Падсумоўваючы, я б галасаваў за тое, каб каб  Перайменаваць да формы Амэлі артыкулы Амелі Натомб і Амелі Марэсмо, бо

1) Маем хоць якую беларускамоўную крыніцу

2) Гэта не супярэчыць сучаснаму правапісу

3) Гэта бліжэй да арыгінальнага вымаўлення Ueschar (размовы) 10:01, 7 красавіка 2026 (+03)

Наконт арыгінальнага вымаўлення пракансультаваўся з універсітэцкай выкладчыцай французскай мовы. Атрымаў такі адказ: «Э» ў гэтым слове максімальна ненатуральны для французскай мовы. Амаль паўсюль дзейнічае правіла «адкрыты склад — закрыты гук, закрыты склад — адкрыты гук». Спрэчка тут упіраецца ў захаванне зычнага. Калі хочацца захаваць цвёрды «м», то лагічна браць літару «э», але сам галосны ў імені бліжэйшы да таго, які мы звычайна перадаем праз «е». Так, напрыклад, імя Léa не перадаецца як Лэа, а літара тая ж.

Наконт беларускіх крыніц: знайшоў згадку гэтага фільма ў БелЭн, у артыкуле «Францыя» (том 16, старонка 478). Там падаецца скарочаная назва «Амелі», праз «е». --StachLysy (размовы) 15:45, 18 красавіка 2026 (+03)

У такой сітуацыі лепей тады  Не пераймяноўваць Амэлі на Амелі Feeleman (размовы) 15:27, 7 красавіка 2026 (+03)

Кейт Бекінсейл → Кейт Бэкінсэйл

Прапаную перайменаваць артыкул у адпаведнасці з нормамі перадачы іншамоўных уласных імёнаў у беларускай мове.

Перадача галосных «э» і «е»

Паводле правіл беларускай арфаграфіі пры перадачы іншамоўных імёнаў: літара «э» ўжываецца ў пачатку слова і пасля цвёрдых зычных; літара «е» пішацца толькі пасля к, г, л.

У прозвішчы Beckinsale галосны [e] пасля зычных B і S павінен перадавацца праз «э», бо яны не ўваходзяць у групу выключэнняў (к, г, л). Feeleman (размовы) 18:56, 26 сакавіка 2026 (+03)

 Перайменаваць, але ўвага тая ж, што і ніжэй: Хацелася б ведаць крыніцу і канкрэтнага аўтара гэтай нормы. Ueschar (размовы) 14:50, 6 красавіка 2026 (+03)

 Перайменаваць. Наконт норм, якімі кіруемся, падтрымліваю. Пане @Feeleman, указвайце калі ласка атрыбуцыю да крыніц больш выразна «Згодна з такой вось крыніцай, трэба пісаць вось так», а не проста «трэба пісаць вось так». + гэтыя крыніцы трэба будзе апрацаваць і зрабіць асобную старонку па прыкладзе Польска-беларуская практычная транскрыпцыя і іншых падобных, каб ужо метадычна працаваць. Plaga med (размовы) 13:39, 26 красавіка 2026 (+03)

Хутка зробім старонку для інструкцыі, добра) Дадзеная інструкцыя - даведка да БелЭн па перадачы англамоўных імёнаў + змяненні ў беларускам правапісе 2008 года. Feeleman (размовы) 19:00, 26 красавіка 2026 (+03)

Хезер Мойс → Хэдэр Мойс

Вынік

Дзе знайшоў, згодна з абмеркаваннем, перайменаваў на Хэдэр. Plaga med (размовы) 14:48, 21 верасня 2026 (+03)

Паляўнічыя за прывідамі (фільм, 1984) → Лаўцы прывідаў (фільм, 1984)

На дадзены момант існуе пераклад гэтай кінастужкі, таму прапаную перайменаваць згодна з існуючым перакладам. Feeleman (размовы) 12:20, 25 сакавіка 2026 (+03)

падпішыцеся, дадаўшы ў канцы паведамлення ~~~~. Plaga med (размовы) 12:18, 25 сакавіка 2026 (+03)

Зроблена! Feeleman (размовы) 12:42, 25 сакавіка 2026 (+03)

 Перайменаваць згодна з беларускім перакладам. Plaga med (размовы) 13:57, 25 сакавіка 2026 (+03)

Згоды з аргуменіацыяй,  Перайменаваць Ueschar (размовы) 13:53, 6 красавіка 2026 (+03)

 Не пераймяноўваць. Назва «Паляўнічыя за прывідамі» сустракаецца ў такіх выданнях, як Белсат, Новы Час, Звязда. Нельга сказаць, што альтэрнатыўны варыянт памылковы, аднак мы мусім абапірацца на тое, наколькі надзейныя і аўтарытэтныя беларускамоўныя крыніцы спасылаюцца на тэму артыкула. Кінакіпа як стрымінгавая платформа можа займацца ўласнымі перакладамі, і яны нават могуць быць вельмі якаснымі, але прыведзеныя вышэй рэсурсы пакуль маюць большую сукупную аўтарытэтнасць. MocnyDuham (размовы) 23:41, 25 красавіка 2026 (+03)

За пераклад адказны Arciom, пераклады якога таксама можна сустрэць у такіх сэрвісах як CINEVOKA. Акадэмічнасць перакладу адпавядае цяперашняму правапісу. Хто вызначае акадэмічнасць артыкулаў ад Звязды, НН, Белсат, ад якіх можна сустрэць машынны пераклад назваў з рускай мовы або англійскай? Якая вартасць такіх перакладаў? Калі б мы мелі некалькі перакладаў, то можна было б думаць над тым, што папулярней, а так мы маем пакуль адзін пераклад, а не некалькі ў артыкулаў СМІ, якія невядома якім чынам правяраюць. Feeleman (размовы) 19:16, 26 красавіка 2026 (+03)

Ну, у нас з аднаго боку аматарскі пераклад, а з іншага тры інфармацыйныя беларускамоўныя рэсурсы. Канешне, усе тры могуць лупіць недакладныя пераклады ці калькі. Толькі вось гэта, па-першае, неабавязкова з’яўляецца праўдай у гэтым выпадку, а па-другое - незразумела, чаму пераклад аматара павінен быць вышэй за іх.

У нас існуе простае правіла датычна наймення артыкулаў: назвы грунтуюцца на тым, як на тэму артыкула спасылаюцца надзейныя і аўтарытэтныя беларускамоўныя крыніцы. Для мяне надзейнасць і аўтарытэтнасць Звязды і Белсата з’яўляюцца больш відавочнымі ў гэтым пытанні. MocnyDuham (размовы) 19:39, 26 красавіка 2026 (+03)

 Перайменаваць. У англійскім артыкуле выкарыстоўваецца «a ghost-catching business» і «to capture and contain ghosts», слова «hunters» я не знайшоў. Я больш згодны на перайменаванне. DenisBorum (размовы) 20:58, 5 ліпеня 2026 (+03)

Сьюзен, С’юзан, Сьюзан → Сюзан

Маем шэраг артыкулаў з розным напісаннем імені Susan, патрэбная нейкая уніфікацыя:

• Сьюзен Хэйвард
• С’юзан Сарандан
• Сьюзен Пэвэнсі
• Сьюзан Вулдрыдж
• Сьюзан Полгар
• Сьюзан Дэнфард
• С’юзан Франсія

Варыянт Сюзан прапанаваны ў Добрапісе Саўкі. Іншых варыянтаў, акрамя Сюзанны, не знайшоў, але Сюзан і Сюзанна ўсё ж розныя формы імені. --IshaBarnes (размовы) 23:43, 18 лютага 2026 (+03)

Звяртаю ўвагу, што сярод прыведзеных імён не ўсе з англійскай мовы. Далей пішу толькі пра англійскі адпаведнік. У арыгінале — Susan ([ˈsuː.zən]), тут маем дзве праблемныя галосныя. Сістэма Саўкі не ідзе ў згодзе з моўнай практыкай і навязвае ўсё ж больш пазіцыю аўтара (згодна з ім мусіць быць таксама Барак Оўбама, Джордж Ўошынгтан). Тут дрэнна прапісана пра [uː], нельга нічога сказаць, вырашылі бы крыніцы. З [ə] таксама неадназначна, у такой пазіцыі часцей перадаецца як «а», але можа быць і як «е» (але малаімаверна «э»). Трэба глядзець на словаўжыванне. Праз гугл кнігі знаходжу 2 разы С’юзэн (варыянт з «э» адкідваем), 4 разы С’юзан (2 з якіх пра Сьюзен Зонтаг), 4 Сьюзан, 6 Сьюзен (прычым знайшоў у БелЭН Хелмс Сьюзен і «Лэдзі Сьюзен» ад Джэйн Осцін), 5-6 Сюзан (ізноў Зонтаг спрабуюць перадаць, не лічыў ужыванне Сюзан у БелЭН, але для плошчы Сюзан Дэлаль у Тэль-Авіве), 1 Сюзэн, 2 Сюзен.

Мне агульны агляд хутчэй падказвае, што Сьюзен будзе найбольш паслядоўным варыянтам паводле крыніц. Найбольш вагу тут дадае БелЭН. Plaga med (размовы) 03:40, 19 лютага 2026 (+03)

Якраз паводле інструкцыі БелЭн правільна будзе Сьюзен)Таму прапаную  ўніфікаваць да першага варыянта Feeleman (размовы) 19:07, 26 сакавіка 2026 (+03)

 Нейтральны. Я б тут пакуль не рабіў усеагульнага перайменавання, бо варыянтаў надта шмат. Пастараюся ў бліжэйшы час прайсціся па артыкулах, і, дзе можна, засведчыць канкрэтна беларускую перадачу імён кожнай. Быць можа тады карціна крыху праясніцца. І я б не адкідваў словаўжыванняў, таму што яны "малаімаверныя". Ueschar (размовы) 11:05, 21 жніўня 2026 (+03)

Цёрнер → Тэрнер

Удзельнік Vańcioś у шмат якіх артыкулах паправіў, калі слушна, гэта вымагае шэрагу перейменаванняў. Ён аргументуе такім чынам: "Паводле правілаў беларускага правапісу 2008. §12 Зычныя д, т і дз, ц 6 Зычныя дз, ц пішуцца ў некаторых словах, правапіс якіх вызначаецца па слоўніку: мундзір, гетэрадзін, дзюна, дзюшэс, бардзюр, арцель, цір, цітр, эцюд, цюль, нацюрморт, уверцюра, накцюрн, цюркскі, цюльпан, каранцін. Гук [ɜ] у спалучэннях з R перадаецца ер/эр/ёр". --M.L.Bot (размовы) 21:38, 23 студзеня 2026 (+03)

перапрашаю, вось да ўсіх Тэрнераў важны аргумент з Правілаў арфаграфіі

§12 Зычныя д, т і дз,

4. У запазычаных словах (а таксама ў вытворных ад іх) цвёрдыя д, т, як правіла, пішуцца нязменна: рэйсфедар, дэлегат, дэманстрацыя, медыцына, апладысменты, індык, літаратура, майстар, матэрыял, універсітэт, кватэра, тэхніка, тыраж, скептык, ерэтык, пластык, тэарэтык, авантура, дыктатура. Vańcioś (размовы) 21:42, 23 студзеня 2026 (+03)

Таксама БелЭН фіксуе Тэрнер (Turner) Джозеф Мэлрард Уільям Vańcioś (размовы) 21:45, 23 студзеня 2026 (+03)

як разумею, там будзе [ɜː] у RP пасля T, праблемнае месца. Розныя маем прыклады, як Кёрціс, Бёрніт, але гэта іншы род зычных, што істотна тут. Мне здаецца, што прыведзеныя правілы можна трактаваць па рознаму. Тое, што для нас гучыць мякка фактычна не заўсёды з’яўляецца мяккім зычным у арыгінальнай мове. Ну вось чым адрозніваецца t у французскіх nature mort і tirage? То бок, усё, што тычыцца запазычанняў тут можна трактаваць шырока. У той жа час, добра, што знайшлі ўжыванне ў БелЭН, гэта дадае ўпэўненасці ў такой форме. Калі ў крыніцах няма Цёрнер, то  Перайменаваць. Plaga med (размовы) 00:46, 3 лютага 2026 (+03)

Я таксама звяртаўся да прафэсійнага перакладчыка з пытаннем пра Тэрнэра, Іыны Тыма. Віталь Станішэўскі:

„Уласныя імёны могуць замацоўвацца ў узусе і ў аўтарытэтных крыніцах і згодна з іх стыхійным асваеннем. Калі канкрэтна ў аўтарытэтных крыніцах няма спадарыні Тыны, то сам Бог наказаў асвойваць па правілах.

Калі сістэмна, то Тэрнэр - цалкам нармальна. "Т" захоўваецца, а тое, што не так блізка да [з:], невялікая страта, бо ўсё адно забяспечваецца "адваротная сумяшчальнасць", вымаўляецца ўсё тое ж у арыгінале“. Vańcioś (размовы) 14:30, 3 лютага 2026 (+03)

Агулам, я тут са спадаром Віталём пагаджуся, але хочацца дадаткова падкрэсліць, што гэтыя правілы, як і многія іншыя, досыць размытыя і іх можна па-рознаму трактаваць, калі ўжо прыдраліся да літары закона. Plaga med (размовы) 14:45, 3 лютага 2026 (+03)

Перадача спалучэнняў -er і -ur

У беларускай перадачы іншамоўных імёнаў спалучэнні -er і -ur перадаюцца як «-эр»:

• у пачатку слова,
• пасля галосных,
• пасля беларускіх цвёрдых зычных.

Форма «-ер» ужываецца толькі пасля зычных к, г, л.

У прозвішчы Turner галосны [ɜː] у абедзвюх пазіцыях (Tur- і -ner) адпавядае беларускай перадачы «эр», таму правільна: Тэрнэр. Тым болей што тут мы карыстаемся апошнімі змяненнямі ў правапісе, § 4. Перадача акання на пісьме для -er. Feeleman (размовы) 11:05, 26 сакавіка 2026 (+03)

Бельск Падляскі → Бельск-Падляшскі

Замацаваная ў беларускай мове традыцыйная назва.--Lš-k. (размовы) 19:01, 16 студзеня 2026 (+03)

Ёсць крыніцы? MocnyDuham (размовы) 12:56, 25 мая 2026 (+03)

У БелЭн замацавана форма "Бельск-Падляскі", таму, лічу, што трэба ўніфікаваць да дадзенага варыянту. Ueschar (размовы) 12:59, 16 чэрвеня 2026 (+03)

БелЭн крыніца аўтарытэтная, але не адзіная. Уніфікацыя ў БелВікі здзяйсняецца паводле іншых прынцыпаў. --JerzyKundrat (размовы) 15:14, 16 чэрвеня 2026 (+03)

Слушна. З тых крыніц, што я знайшоў сітуацыя выглядае наступнай:

Бельск-Падляскі — БелЭн, Польска-беларускі слоўнік, Беларусіка = Albaruthenika, Беларускія рэлігійныя дзеячы (XX ст.). Даведнік, часткова РС, БС

Бельск-Падляшскі — Беларускія пісьменнікі (1917-1990). Даведнік, РР, часткова ПР, Ніва.Беласток

Бельск Падляшскі — Драўляныя цэрквы Беласточчыны,

Бельск Падляскі — часткова РС, часткова ПР

Калі нешта забыў ці паблытаў — перапрашаю. Ueschar (размовы) 15:23, 19 чэрвеня 2026 (+03)

Ну пакуль за варыянт "Бельск-Падляскі" крыніцы самыя аўтарытэтныя. MocnyDuham (размовы) 19:47, 21 чэрвеня 2026 (+03)

Хрэптоўцы → Храптоўцы

Вынік

Прайшло шмат часу, пірэчанняў шмат няма, перайменаваў Plaga med (размовы) 14:50, 21 верасня 2026 (+03)

Іван Дыамідавіч Антошкін → Іван Дыямідавіч Антошкін

Гл. старонку размоў. IP781584110 (размовы) 13:23, 1 снежня 2025 (+03)

варта разгледзець варыянт «Дыямедавіч», як у паданай крыніцы Plaga med (размовы) 00:53, 2 снежня 2025 (+03)

Архіў

Не даводзьце да перапаўнення!

Радкі закрытых тэм перамяшчаюцца ў архіў.