Дыега Арманда Марадона

З пляцоўкі Вікіпедыя
Jump to navigation Jump to search
Футбол
Дыега Марадона
Maradona at 2012 GCC Champions League final.JPG
Агульная інфармацыя
Поўнае імя Дыега Арманда Марадона
Нарадзіўся 30 кастрычніка 1960(1960-10-30)[1] (57 гадоў)
Ланус[d], партыда Ланус[d], правінцыя Буэнас-Айрэс, Аргенціна
Грамадзянства Сцяг Аргенціны Аргенціна
Рост 165 см
Вага 68 кг
Пазіцыя нападнік
Кар’ера
Моладзевыя клубы
1968 — 1969 Сцяг Аргенціны (1812—1985) Эстрэлья Роха
1970 — 1976 Сцяг Аргенціны (1812—1985) Аргенцінас Хуніярс
Клубная кар’ера*
1976 — 1981 Flag of Argentina.svg Аргенцінас Хуніярс[d] 166 (116)
1981 — 1982 Flag of Argentina.svg Бока Хуніярс 40 (28)
1982 — 1984 Flag of Spain.svg Барселона 36 (22)
1984 — 1991 Flag of Italy.svg Напалі 188 (81)
1992 — 1993 Flag of Spain.svg Севілья 26 (5)
1993 — 1994 Flag of Argentina.svg Ньюэлс Олд Бойз 5 (0)
Нацыянальная зборная**
1977 — 1979 Сцяг Аргенціны Аргенціна (да 20) 24 (13)
1977 — 1994 Сцяг Аргенціны Аргенціна 91 (34)
Трэнерская кар’ера
1994 Сцяг Аргенціны Тэкстыль Мандыю
1995 Сцяг Аргенціны Расінг Авельянеда
2008 — 2010 Сцяг Аргенціны Аргенціна
2011 — 2012 Сцяг ААЭ Аль-Васл
2017 — 2018 Сцяг ААЭ Аль-Фуджайра
Міжнародныя медалі
Чэмпіянаты свету
Золата Мексіка 1986
Срэбра Італія 1990
Кубкі Амерыкі
Бронза Бразілія 1989

** Колькасць гульняў і галоў за нацыянальную зборную ў
афіцыйных матчах

Дыега Арманда Марадона (ісп.: Diego Armando Maradona; нар. 30 кастрычніка 1960, Ланус, правінцыя Буэнас-Айрэс, Аргенціна) — аргенцінскі футбаліст, нападнік. Чэмпіён свету 1986 у складзе нацыянальнай зборнай Аргенціны. Прызнаны адным з найлепшых футбалістаў за ўсю гісторыю.

Выступаў за футбольныя клубы «Бока Хуніярс» (Аргенціна), «Барселона» (Іспанія), «Напалі» (Італія), «Севілья» (Іспанія).

На працягу доўгіх гадоў (з 1977-га па 1994-ы) ён быў лідарам нацыянальнай зборнай Аргенціны. У многім дзякуючы яго індывідуальнаму майстэрству аргенцінцы сталі чэмпіёнамі свету ў Мексіцы-1986, а ў 1990 годзе заваявалі серабро ЧС у Італіі. У складзе зборнай роднай краіны Марадона правёў 91 матч, забіўшы 34 мячы. Прафесійную кар’еру ён пачаў у 1976 годзе ў клубе «Аргенцінас Хуніёрс» з Буэнас-Айрэса, затым гуляў у «Бока Хуніёрс» (1981—1982), пасля чаго перабраўся ў Еўропу. У Старым Свеце Дыега ў складзе «Барселоны» стаў уладальнікам Суперкубка і Кубка Іспаніі, з «Напалі» двойчы выйграў чэмпіянат Італіі, нацыянальны Кубак і Суперкубак, а таксама стаў уладальнікам Кубка УЕФА. Пасля італьянскага этапу Марадона правёў адзін сезон у іспанскай «Севільі», а ў 1993 годзе завяршыў гульнявую кар’еру на радзіме ў «Бока Хуніёрс»[2].

У якасці трэнера Дыега Марадона працуе з 1994 года. Спачатку ён узначальваў аргенцінскія клубы «Тэкстыл Мандэю» і «Расінг», а з 2008 па 2010 быў настаўнікам нацыянальнай зборнай Аргенціны. На Чэмпіянаце свету 2010 года ў ПАР падапечныя Дыега Марадоны дайшлі да чвэрцьфіналу, у якім значна прайгралі камандзе Германіі (0:4). Завяршыўшы работу ў зборнай у хуткім часе пасля сусветнага першынства, Марадона доўгі час не трэніраваў, а ў 2011 годзе стаў настаўнікам клуба «Аль-Васл» з ААЭ. Прапрацаваўшы там крыху больш за год, Марадона пакінуў каманду і да мая 2017 года зноў не займаўся футбольнай дзейнасцю. Затым ён зноў прыехаў у ААЭ і стаў галоўным трэнерам клуба «Аль-Фуджайра», але зноў поспехаў не дабіўся і ў канцы красавіка 2018 года пакінуў сваю пасаду. За межамі футбольнага жыцця Дыега Марадона вядомы сваімі экстравагантнымі выказваннямі і ўчынкамі[3].

15 мая 2018 года Дыега Марадона падпісаў кантракт з брэсцкім «Дынама», ён стаў старшынёй праўлення клуба. Кантракт падпісаны тэрмінам на тры гады[4]. Марадона пачынае выконваць свае абавязкі пасля заканчэння чэмпіянату свету ў Расіі[5].

Зноскі

  1. Diego Maradona // Transfermarkt — 2000. Праверана 9 кастрычніка 2017.
  2. blr.belta.by
  3. blr.belta.by
  4. nn.by
  5. blr.belta.by

Спасылкі[правіць | правіць зыходнік]

Wikiquote-logo.svg
У Вікіцытатніку ёсць старонка па тэме Дыега Арманда Марадона

Літаратура[правіць | правіць зыходнік]

  • Дыега Марадона // Беларуская энцыклапедыя. У 18 т. Т. 10. — Мінск: БелЭн, 2000. С. 102
  • Руднік В. Чэмпіёны свету па футболе 1930—2006. — Беласток: «Set-Print», 2006.