Матс Хумельс

З пляцоўкі Вікіпедыя
Jump to navigation Jump to search
Футбол
Матс Хумельс
Mats Hummels.jpg
Агульная інфармацыя
Поўнае імя Матс Юліян Хумельс
Нарадзіўся 16 снежня 1988(1988-12-16)[1] (32 гады)
Грамадзянства Flag of Germany.svg Германія
Рост 191 см
Вага 90 кг
Пазіцыя абаронца
Інфармацыя пра клуб
Клуб Германія Барусія (Дортмунд)
Нумар 15
Маладзёжныя клубы
1995—2005 Германія Баварыя (Мюнхен)
Клубная кар’ера[* 1]
2005—2007 Германія Баварыя II (Мюнхен) 42 (5)
2007—2009 Германія Баварыя (Мюнхен) 1 (0)
2008—2009   Германія Барусія (Дортмунд) 25 (1)
2009—2016 Германія Барусія (Дортмунд) 199 (18)
2016—2019 Германія Баварыя (Мюнхен) 74 (3)
2019— Германія Барусія (Дортмунд)
Нацыянальная зборная[* 2]
2007—2011 Германія Германія (да 21) 21 (5)
2010— Германія Германія 70 (5)
Узнагароды і медалі
Чэмпіянаты свету
Золата Бразілія 2014
Чэмпіянаты Еўропы
Бронза Польшча/Украіна 2012
Бронза Францыя 2016
  1. Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 7 ліпеня 2019.
  2. Колькасць гульняў і галоў за нацыянальную зборную ў афіцыйных матчах, адкарэктавана станам на 7 ліпеня 2019
Commons-logo.svg Матс Хумельс на Вікісховішчы

Матс Юліян Хумельс (ням.: Mats Julian Hummels; нар. 16 снежня 1988, Бергіш-Гладбах, Германія) — нямецкі футбаліст, абаронца дортмундскай «Барусіі» і нацыянальнай зборнай Германіі, разам з якой стаў чэмпіёнам свету 2014.

Клубная кар’ера[правіць | правіць зыходнік]

Выхаванец футбольнай школы мюнхенскай «Баварыі», дзе яго бацька, Герман Хумельс, з’яўляўся трэнерам. Пачынаў кар’еру на пазіцыі апорнага паўабаронцы, але затым быў пераведзены ў цэнтр абароны.

З 2005 года выступаў у рэгіянальнай лізе за другую каманду «Баварыі», дзе за два сезоны згуляў 42 матчы і забіў 5 мячоў. З сезона 2006/07 пачаў трэніравацца з асноўным складам «Баварыі», а ў 2007 годзе падпісаў кантракт з клубам на 2 гады. У Бундэслізе дэбютаваў 19 мая 2007 года ў матчы супраць «Майнца», які завяршыўся перамогай мюнхенцаў з лікам 5:3[3]. У 2008 годзе Хумельс быў аддадзены ў арэнду «Барусіі» з Дортмунда, бо маладому абаронцу не знаходзілася месца ў асноўным складзе «Баварыі». У «Барусіі» Матс хутка стаў іграком асновы, шмат у чым дзякуючы галоўнаму трэнеру Юргену Клопу. У пачатку студзеня 2009 года, Хумельс, у адным з матчаў чэмпіянату надарваў звязкі правай лодыжкі і выбыў на шэсць тыдняў. Менш чым праз месяц стала вядома, што Матс мае намер застацца ў «Барусіі» і не вяртацца ў «Баварыю».

26 лютага 2011 года забіў гол галавой у браму сваёй былой каманды ў матчы 24 тура Бундэслігі. Лік матча пасля яго гола стаў 3:1 на карысць дортмундцаў.

У маі 2016 года стала вядома, што Хумельс улетку вернецца ў «Баварыю». 23 мая мюнхенскі клуб афіцыйна абвясціў аб падпісанні кантракта, які пачаў дзейнічаць з 1 ліпеня[4].

У чэрвені 2019 года была дасягнута дамоўленасць аб вяртанні Хумельса ў «Барусію» за 38 млн еўра[5].

Міжнародная кар’ера[правіць | правіць зыходнік]

Дэбютаваў за зборную Германіі ў таварыскім матчы супраць зборнай Мальты 13 мая 2010 года ў Ахене. Матч скончыўся перамогай немцаў з лікам 3:0.

Дасягненні[правіць | правіць зыходнік]

«Барусія» Дортмунд

«Баварыя»:

Германія

Зноскі

Спасылкі[правіць | правіць зыходнік]