Тэракт у «Крокус Сіці Холе»

З Вікіпедыі, свабоднай энцыклапедыі
Тэракт у «Крокус Сіці Холе»
Разбурэнні ўнутры канцэртнай залы.
Разбурэнні ўнутры канцэртнай залы.
Месца нападу «‎Крокус Сіці Хол»‎, Краснагорск, Маскоўская вобласць, Расія
Дата 22 сакавіка 2024
19:58 — 20:11[1]
Зброя аўтаматычная зброя, выбухоўка
Загінулыя 145
Параненыя 551
Арганізатары Ісламская дзяржава

Тэракт у «Крокус Сіці Холе» — тэрарыстычны акт, які адбыўся 22 сакавіка 2024 года ў 20 гадзін па маскоўскім часе ў канцэртнай зале «Крокус Сіці Хол» у Краснагорску Маскоўскай вобласці Расіі перад пачаткам канцэрту гурта «Пікнік»[2]. Падзеі сталі другім па колькасці ахвяр тэрактам у Расіі, саступіўшы толькі тэракту ў Беслане 2004 года[3].

Адказнасць за напад узяло на сябе падраздзяленне тэрарыстычнай арганізацыі «Ісламская дзяржава» — «Вілаят Харасан».

Напярэдадні[правіць | правіць зыходнік]

7 сакавіка 2024 года Федэральная служба бяспекі Расіі абвясціла, што нейтралізавала ў Маскве звязаную з «Ісламскай дзяржавай» тэрарыстычную ячэйку, якая мела намер атакаваць сінагогу[4].

У той же дзень пасольства Злучаных Штатаў Амерыкі ў Расіі перасцярагло турыстаў ад наведвання масавых мерапрыемстваў у Маскве і Маскоўскай вобласці ў бліжэйшыя 48 гадзін у сувязі з верагоднасцю тэрарыстычных актаў[5]. Амерыканскія спецслужбы перадалі ў прыватным парадку расійскім чыноўнікам разведданыя, што Вілаят Харасан (філіял групоўкі ІД у Афганістане) рыхтуе напад у сталіцы[6].

19 сакавіка Прэзідэнт Расіі Уладзімір Пуцін назваў папярэджанні аб магчымых тэрарыстычных актах у Расіі «адкрытым шантажом»[7].

Ход падзей[правіць | правіць зыходнік]

22 сакавіка 2024 года ў «Крокус Сіці Холе» быў запланаваны канцэрт гурта «Пікнік» сумесна з сімфанічным аркестрам[8]. Было прададзена больш за 6000 квіткоў. Таксама ў зале праходзілі спаборніцтвы чэмпіянату і першынства Расіі па танцавальным спорце[9].

Каля 20:00[10], незадоўга да пачатку канцэрта,[11] да галоўнага ўваходу канцэртнай залы пад’ехала легкавая машына, з якой выйшлі некалькі чалавек (паводле звестак «Інтэрфакс» — да 5[12]) і адкрылі агонь з аўтаматаў[13]. Расстраляўшы ахову і некалькіх чалавек каля ўваходу[10], тэрарысты атакавалі гледачоў у фае[14]. У 20:03 нападнікі дайшлі да глядзельнай залы[10]. Там яны расстрэльвалі людзей ва ўпор[15] і сталі падпальваць крэслы, выкарыстоўваючы ёмістасці з бензінам[10]. У будынку прагучалі два выбухі[16]. Пачаўся пажар[17].

Людзі пачалі эвакуявацца праз выхады і падземную паркоўку на вуліцу і, па пераходах, — у суседні павільён № 2 і на станцыю метро «Мякініна». З павільёна № 3, у якім знаходзіцца канцэртная зала, былі эвакуіраваны ўдзельнікі і гледачы танцавальных спаборніцтваў, якія праходзілі ў зале № 19,[18] госці і супрацоўнікі гатэля «Акварыум»[19]. Відавочцы адзначалі, што некаторыя эвакуацыйныя выхады былі заблакаваныя[20].

Агенцтва ТАСС у 20:33 паведаміла, што маскоўскія падраздзяленні САХР і АМАП былі паднятыя па трывозе і накіроўваюцца ў «Крокус Сіці Хол»[21]. Акрамя таго, прыбылі 70 брыгад хуткай дапамогі[22]. Усяго да працы пасля тэракту былі прыцягнутыя 719 спецыялістаў і 213 адзінак тэхнікі[23]. Да 20:44 у будынку пачалося абвальванне даху[24], а тэрарысты здолелі пакінуць месца падзей[25] на легкавым аўтамабілі[26]. У 00:56 МНС Расіі паведаміла аб лакалізацыі пажару[27]. Глядзельная зала была цалкам знішчаная пажарам, ратавальнікі прыступілі да распілоўвання і разборкі ацалелых металічных канструкцый[28].

Паводле даных на 3 красавіка не менш за 145 асоб загінулі[29] і 551 паранены[30]. Пацярпелых прынялі 12 бальніц[31].

Наступствы[правіць | правіць зыходнік]

У Маскве і Санкт-Пецярбургу экстранна перапынены ўсе канцэрты[32], наведвальнікі некалькіх гандлёвых цэнтраў былі эвакуяваныя[33]. У гэтых гарадах, а таксама ў іншых рэгіёнах Расіі адменены масавыя, культурныя і спартыўныя мерапрыемствы, запланаваныя на наступныя выхадныя[34][35]. Таксама ў некаторых навучальных установах суботнія заняткі адменены або пераведзены на дыстанцыйную форму[36][37][35]. Расавіяцыя заявіла пра ўзмацненне мер бяспекі[38].

У першыя гадзіны пасля тэракту, яшчэ да высвятлення ўсіх падрабязнасцяў справы, расійскі палітык Канстанцін Малафееў параўнаў трагедыю з Норд-Остам, і паказваючы на Украіну заявіў, што трэба «скончыць гэтую вайну пераможным разгромам праціўніка»[39]. У падобнай рыторыцы выказаўся таксама былы прэзідэнт Расіі Дзмітрый Мядзведзеў[40]. Амерыканскія[41] і ўкраінскія[42] ўлады адмаўлялі гэтую інфармацыю.

Афіцыйны прадстаўнік ЗША паведаміў CBC News, што ёсць разведданыя аб датычнасці «Ісламскай дзяржавы»[43]. Пазней групоўка афіцыйна прызнала сваю адказнасць за тэракт, апублікаваўшы заяву ў афіліраваным інфармацыйным агенцтве Amaq[44][45].

Нападнікі[правіць | правіць зыходнік]

Раніцай наступнага дня чацвёра падазраваных (грамадзяне Таджыкістана[46]) былі затрыманыя ў Бранскай вобласці. Меркаваныя тэрарысты ехалі на белым «Рэно»[47]. Усяго, разам з памагатамі, было затрымана 12 чалавек[48]. Гэтыя асобы названы ўладамі непасрэднімі выканаўцамі тэракту. Імі апынуліся Мухамадсабір Файзаў, Шамсідзін Фарыдуні, Далерджон Мірзоеў і Саідакрамі Рачабалізода. Ужо 24 сакавіка яны паўсталі перад Басманным раённым судом горада Масквы і былі абвінавачаны ў тэрарызме[49]. Да падазраваных былі ўжыты катаванні[50]. Паведамлялася, што нападнікі былі завербаваныя праз Telegram-канал «Голас Харасана»[51].

Рэакцыя[правіць | правіць зыходнік]

Прэзідэнт Расіі Уладзімір Пуцін абвясціў 24 сакавіка агульнанацыянальную жалобу[52].

Спачуванні загінулым і асуджэнне тэракту на розных дыпламатычных узроўнях выказалі[53][54] Еўрасаюз, Аўстрыя, Азербайджан, Аргенціна, Арменія, Бахрэйн, Беларусь, Бельгія, Балівія, Вялікабрытанія[55], Венесуэла, Германія, Грэцыя, Палесціна, Пакістан, Партугалія, Егіпет, Ізраіль, Іарданія, Іран, Італія, Казахстан, Катар, Кыргызстан, Калумбія, Куба, Люксембург, Мальта, Мексіка, Малдова, Нідэрланды, Нікарагуа, Нарвегія, ААЭ, Саудаўская Аравія, Сербія, Сірыя, Славакія, ЗША, Таджыкістан, Турцыя, Узбекістан, Францыя, Чарнагорыя, Чылі, а таксама групоўка ХАМАС[56], Рэспубліка Абхазія, Рэспубліка Сербская, Паўднёвая Асеція[57] і інш.

Заўвагі[правіць | правіць зыходнік]

  1. ↑ Совещание по мерам после теракта в «Крокусе». Что сказали Путин, Бастрыкин и Голикова (руск.). Коммерсантъ (25 сакавіка 2024). Праверана 26 сакавіка 2024.
  2. ↑ В «Крокус Сити Холл» произошла стрельба. РБК. Праверана 22 сакавіка 2024.
  3. ↑ По данным СК, при нападении на «Крокус» погибли 133 человека. Это крупнейший теракт в России по числу погибших после Беслана. Meduza (23 сакавіка 2024). — «Нападение на „Крокус Сити Холл“ стало крупнейшим терактом в России по числу погибших после Беслана. В результате захвата бесланской школы № 1 в сентябре 2004 года погибли 334 человека»  Праверана 23 сакавіка 2024.
  4. ↑ "Russia says it neutralized ISIS cell plotting attack on Moscow synagogue". Reuters.com. Reuters. 7 March 2024. Архівавана з арыгінала 22 March 2024. Праверана 22 March 2024.
  5. ↑ U.S. warns of imminent Moscow attack by 'extremists,' urges citizens to avoid crowds (англ.). NBC News (8 сакавіка 2024). Праверана 22 сакавіка 2024.
  6. ↑ Julian E. Barnes, Eric Schmitt. U.S. Says ISIS Was Responsible for Deadly Moscow Concert Hall Attack (англ.). New York Times (22 сакавіка 2024).
  7. ↑ Ateo Breaking. Telegram. Праверана 22 сакавіка 2024.
  8. ↑ Пикник – В Москве – SOLD OUT! (руск.). Сайт группы «Пикник» (23 сакавіка 2024). Праверана 23 сакавіка 2024.
  9. ↑ Чемпионат и первенство России по танцевальному спорту стартовали в МВЦ «Крокус Экспо». fdsarr.ru (23 сакавіка 2024). Праверана 2024-3-23.
  10. ↑ а б в г Резанова-Яцкевич, Екатерина. Раскрыта точная хронология теракта в «Крокусе». Shot: террористы пробыли в «Крокус Сити Холле» 18 минут. Газета.ru (23 сакавіка 2024). Праверана 23 сакавіка 2024.
  11. ↑ В концертном зале «Крокус Сити Холл» на концерте группы «Пикник» произошла стрельба (руск.). Meduza (22 сакавіка 2024).
  12. ↑ На Crocus City Hall напали до пяти человек с оружием (руск.). Interfax.ru (22 сакавіка 2024).
  13. ↑ Mash. Telegram. Праверана 22 сакавіка 2024.
  14. ↑ На Crocus City Hall напали до пяти человек с оружием (руск.). Interfax.ru (22 сакавіка 2024). Архівавана з першакрыніцы 22 сакавіка 2024.
  15. ↑ Террористы в "Крокус Сити Холле" расстреливали людей в упор (руск.). РИА Новости (22 сакавіка 2024). Праверана 23 сакавіка 2024.
  16. ↑ Минздрав Подмосковья сообщил о гибели троих детей при теракте в «Крокусе» (руск.). РБК (23 сакавіка 2024). Праверана 23 сакавіка 2024.
  17. ↑ Площадь пожара 12900 кв.м. (руск.). Telegram. МЧС России (22 сакавіка 2024). Праверана 2024-3-22.
  18. ↑ Елизавета Самсонова. Спас 50 детей в горящем «Крокус Экспо». Скандал на турнире по спортивным танцам. sovsport.ru (20 сакавіка 2024). Архівавана з першакрыніцы 24 сакавіка 2024. Праверана 2024-3-24.
  19. ↑ Ирина Боброва. Из отеля «Аквариум» рядом с «Крокус Сити» проведена массовая эвакуация - МК. mk.ru (24 сакавіка 2024). Архівавана з першакрыніцы 24 сакавіка 2024. Праверана 2024-3-24.
  20. ↑ «Раздался хлопок, за ним автоматная очередь, охранники сказали нам: уходите отсюда…». Говорят очевидцы теракта в «Крокус Сити Холле»: видео (руск.). Новая газета (23 сакавіка 2024). Архівавана з першакрыніцы 23 сакавіка 2024. Праверана 24 сакавіка 2024.
  21. ↑ Сотрудники московского СОБР и ОМОН подняты по тревоге и направляются в "Крокус сити холл". tass.ru. Праверана 22 сакавіка 2024.
  22. ↑ Теракт в «Крокус Сити Холле» под Москвой. Десятки погибших и более 100 пострадавших. Главное к этому моменту. Новая газета Европа (23 сакавіка 2024). Архівавана з першакрыніцы 23 сакавіка 2024. Праверана 23 сакавіка 2024.
  23. ↑ МЧС начало разбор завалов в «Крокусе» после теракта (руск.). РБК (23 сакавіка 2024). Архівавана з першакрыніцы 23 сакавіка 2024. Праверана 23 сакавіка 2024.
  24. ↑ Обрушение кровли(нявызн.). Осторожно, новости (22 марта 2024 года).
  25. ↑ Четыре террориста могли скрыться после стрельбы в «Крокус Сити Холле».
  26. ↑ РИА Новости: участники нападения на «Крокус Сити Холл», предположительно, скрылись на белом автомобиле «Рено». Meduza.
  27. ↑ МЧС сообщило о локализации пожара в "Крокус сити холле". TACC. Праверана 22 сакавіка 2024.
  28. ↑ Зрительный зал в "Крокусе" полностью уничтожен огнем. TACC. Праверана 23 сакавіка 2024.
  29. ↑ Число погибших детей при теракте в «Крокусе» выросло до шести (руск.). РБК (3 красавіка 2024).
  30. ↑ Число пострадавших при теракте в «Крокусе» превысило 550 человек(нявызн.). Lenta.RU. Праверана 29 сакавіка 2024.
  31. ↑ Число жертв растет: В «Крокус Сити Холле», предварительно, погибло более 80 человек
  32. ↑ Данила Кашен. Telegram. Праверана 22 сакавіка 2024.
  33. ↑ Mash на Мойке. Telegram. Праверана 22 сакавіка 2024.
  34. ↑ ТАСС. Telegram. Праверана 22 сакавіка 2024.
  35. ↑ а б Гюббе, Алина (2024-03-22). "Регионы России один за другим отменяют массовые мероприятия после нападения на «Крокус Сити холл»". Фонтанка. Праверана 2024-03-22.
  36. ↑ КОВАЛЕНКО, Екатерина. Контроль за общественным транспортом в Воронеже усилили после теракта с 40 погибшими (руск.). МОЁ! Online. Все новости Воронежа (23:47, сегодня). Праверана 22 сакавіка 2024.
  37. ↑ КОВАЛЕНКО, Екатерина. Воронежским вузам и колледжам порекомендовали уйти на дистант после теракта в Подмосковье (руск.). МОЁ! Online. Все новости Воронежа (23:19, сегодня). Праверана 22 сакавіка 2024.
  38. ↑ Усиление мер безопасности(нявызн.). Росавиация (22 марта 2024 года).
  39. ↑ Константин Малофеев. Telegram. Праверана 22 сакавіка 2024.
  40. ↑ Дмитрий Медведев. Telegram. Праверана 22 сакавіка 2024.
  41. ↑ ТАСС. Telegram. Праверана 22 сакавіка 2024.
  42. ↑ Заявление советника офиса президента Украины о нападении на «Крокус Сити Холл»
  43. ↑ ISIS claims responsibility for Russia attack that killed at least 40 killed and injured dozens in shooting at Moscow concert hall
  44. ↑ Knight, Mariya; Chernova, Anna; Tarasova, Darya (22 March 2024). "ISIS claims responsibility for attack in busy Moscow-area concert venue that left at least 40 dead". CNN. Архівавана з арыгінала 22 March 2024. Праверана 22 March 2024.
  45. ↑ Wertheimer, Tiffany, ed.. Report: Islamic State claims responsibility(нявызн.). BBC News (22 сакавіка 2024). Архівавана з першакрыніцы 23 March 2024. Праверана 22 March 2024.
  46. ↑ "В МВД опровергли российское гражданство у подозреваемых в теракте". РБК.
  47. ↑ Задержаны участники теракта в "Крокусе"
  48. ↑ СК: Задержан еще один подозреваемый в финансировании террористов из "Крокуса" (руск.). Российская газета (28 сакавіка 2024). Праверана 28 сакавіка 2024.
  49. ↑ "Суд назвал имена фигурантов дела о теракте в «Крокус Сити Холле»" [The court named the defendants in the case of the terrorist attack at Crocus City Hall]. RBC [руская]. 24 March 2024. Архівавана з арыгінала 24 March 2024. Праверана 24 March 2024.
  50. ↑ «Ответом на варварство не должно стать варварство». «Команда против пыток» осудила пытки подозреваемых в теракте в «Крокусе». Meduza (25 сакавіка 2024). Архівавана з першакрыніцы 25 сакавіка 2024. Праверана 25 сакавіка 2024.
  51. ↑ Источник рассказал, как вербовали террористов, напавших на "Крокус". РИА Новости (27 сакавіка 2024). Праверана 30 сакавіка 2024.
  52. ↑ Путин объявил 24 марта днем общенационального траура. TACC. Праверана 23 сакавіка 2024.
  53. ↑ Власти стран мира выражают соболезнования России в связи с терактом в Crocus City Hall (руск.). Interfax.ru (22 сакавіка 2024). Праверана 22 сакавіка 2024.
  54. ↑ Теракт в "Крокус сити холле". Факты. TACC. Праверана 22 сакавіка 2024.
  55. ↑ Великобритания осудила теракт в Подмосковье (руск.). tass.ru. Праверана 22 сакавіка 2024.
  56. ↑ Движение ХАМАС осудило теракт в «Крокус Сити Холле» (руск.). Движение ХАМАС осудило теракт в «Крокус Сити Холле». Праверана 23 сакавіка 2024.
  57. ↑ Алан Гаглоев выразил соболезнования Владимиру Путину в связи с терактом в Подмосковье Официальный сайт Президента Республики Южная Осетия. presidentruo.org. Праверана 22 сакавіка 2024.
Узята з "https://be.wikipedia.org/w/index.php?title=Тэракт_у_«Крокус_Сіці_Холе»&oldid=4714410"