Факультэт радыёфізікі і камп’ютарных тэхналогій БДУ

Факультэт радыёфізікі і камп'ютарных тэхналогій БДУ
Беларускі дзяржаўны ўніверсітэт
Заснаваны	1976
Дэкан	Малы Сяргей Уладзіміравіч
Месцазнаходжанне	Мінск, Курчатава, 5
rfe.by

Факультэт радыёфізікі і камп'ютарных тэхналогій (РФіКТ) (да 2010 года — факультэт радыёфізікі і электронікі) — адзін з буйнейшых факультэтаў Беларускага дзяржаўнага ўніверсітэта. Створаны ў 1976 годзе.

Сферы дзейнасці выпускнікоў факультэта: інфармацыйныя тэхналогіі, тэлекамунікацыі, радыёэлектроннае і аптычнае прыборабудаванне, камп'ютарныя сеткі, праграмаваная электроніка, мікраэлектроніка, нанаэлектроніка, лазерныя аптычныя тэхналогіі і іншыя.

Факультэт мае цесныя навукова-тэхнічныя сувязі з шэрагам замежных навуковых цэнтраў: Рурскім універсітэтам (Нямеччына); Ліёнскай тэхнічнай школай (Францыя); Орхускім універсітэтам (Данія); Расійскім інстытутам касмічных даследаванняў, а таксама з шэрагам універсітэтаў Расіі, Украіны, Польшчы.

Пра факультэт

На факультэце працуюць больш за 100 выкладнікаў, многія з якіх маюць вучоныя ступені. Факультэт вядзе падрыхтоўку па спецыяльнасцях:

• Радыёфізіка (кваліфікацыя: «Радыёфізік»)
• Фізічная электроніка (кваліфікацыя: «Фізік. Інжынер»)
• Камп’ютарная бяспека (радыёфізічныя метады і праграмна-тэхнічныя сродкі) (кваліфікацыя: «Спецыяліст па абароне інфармацыі. Радыёфізік»)
• Практычная інфарматыка (інфармацыйныя тэхналогіі тэлекамунікацыйных сістэм) (кваліфікацыя: «Інфарматык. Спецыяліст па інфармацыйных тэхналогіях тэлекамунікацыйных сістэм»)
• Аэракасмічныя радыёэлектронныя і інфармацыйныя сістэмы і тэхналогіі (кваліфікацыя: «Спецыяліст па аэракасмічных радыёэлектронных і інфармацыйных сістэмах і тэхналогіях. Радыёфізік»)

На ўсіх спецыяльнасцях вывучаюцца наступныя дысцыпліны: вышэйшая матэматыка, агульная і тэарэтычная фізіка, інфарматыка, радыёфізіка, электроніка.

Структура факультэта

Кафедры

• Кафедра радыёфізікі і лічбавых медыятэхналогій
• Кафедра квантавай радыёфізікі і оптаэлектронікі
• Кафедра фізічнай электронікі і нанатэхналогій
• Кафедра інфарматыкі і камп'ютарных сістэм
• Кафедра інтэлектуальных сістэм
• Кафедра тэлекамунікацый і інфармацыйных тэхналогій
• Кафедра сістэмнага аналізу і камп'ютарнага мадэлявання
• Кафедра фізікі і аэракасмічных тэхналогій

Навукова-даследчыя лабараторыі

• лазерных сістэм
• матэрыялаў і прыборных структур мікра- і нанаэлектронікі
• інфармацыйна-вымяральных сістэм
• прыкладных касмічных тэхналогій
• метадаў апрацоўкі інфармацыі

Студэнцкія навукова-даследчыя лабараторыі:

• паўправадніковых лазераў
• матэрыялаў і тэхналогій мікраэлектронікі
• мадэлявання і аналізу стахастычных працэсаў і сістэм

Размяшчэнне

Факультэт РФіКТ знаходзіцца па-за Мінскай кальцавой аўтамабільнай дарогай, недалека ад станцыі метро «Малінаўка», каля прыпыначнага пункта «Гай». Недалёка знаходзяцца Гуманітарны факультэт БДУ, Біялагічны факультэт БДУ, Навукова-даследчы інстытут прыкладных фізічных праблем.

Галерэя

• 
• 
• 
• 
• 

Спасылкі

• Сайт факультэта радыёфізікі і камп’ютарных тэхналогій
• Факультэт радыёфізікі і камп’ютарных тэхналогій // сайт БДУ