Ваенны факультэт БДУ
| Ваенны факультэт | |
|---|---|
| Беларускі дзяржаўны ўніверсітэт | |
| Англійская назва | Military faculty |
| Заснаваны | 2003 |
| Дэкан | Новікаў Ігар Анатольевіч |
| Месцазнаходжанне |
 Беларусь, Мінск, вул. Кастрычніцкая, 4 |
| bsu.by/vf | |
Ваенны факультэт Беларускага дзяржаўнага ўніверсітэта — структурнае падраздзяленне Беларускага дзяржаўнага ўніверсітэта, якое рыхтуе спецыялістаў у галінах псіхалогіі, хіміі, журналістыкі, правазнаўства, міжнародных адносінаў і геаграфіі па аспектах, звязаных з ваеннай справай.
Начальник факультэта — палкоўнік І. А. Новікаў.
Гісторыя[правіць | правіць зыходнік]
Ваенны факультэт пачынаўся з ваеннай кафедры БДУ, створанай 4 лістапада 1926 г. згодна загаду Рэвалюцыйнага ваеннага савета. Першым кіраўніком ваеннай кафедры БДУ, назначаным для правядзення ваеннага навучання пралетарскага студэнцтва, быў палкоўнік М. М. Пятроў. У 1926—1931 гг. курс "Вышэйшая дапрызыўная ваенная падрыхтоўка студэнтаў" выкладаў будучы чатырохкратны герой Савецкага Саюза маршал Г. К. Жукаў, які на той момант быў камандзірам 39-га кавалерыйскага палка ў 7-ай Самарскай дывізіі.
Пачынаючы з 1936 г. асноўнай формай працы са студэнтамі на ваеннай кафедры былі практычныя заняткі ў спецыялізаваных аўдыторыях, тыры і ў полі. У 1941 г., з пачаткам Вялікай Айчыннай вайны, заняткі па ваеннай падрыхтоўцы былі перапыненыя і аднавіліся ў 1943. У пасляваенныя і наступныя гады ваенная кафедра працягвала рыхтаваць афіцэраў запаса з ліку студэнтаў па неабходных ваенна-ўліковых спецыяльнасцях. За час свайго існавання да 2003 г. ваенная кафедра падрыхтавала тысячы афіцэраў запаса па 13 ваенна-ўліковых спецыяльнасцях.
У 2003 г. ваенная кафедра была рэарганізавана ў ваенны факультэт Беларускага дзяржаўнага ўніверсітэта.
Структура[правіць | правіць зыходнік]
У цяперашні час на ваенным факультэце БДУ дзейнічаюць кафедры:
- баявога карыстання артылерыяй
- супрацьпаветранай абароны
- агульнавайсковую ў складзе двух цыклаў: цыкла агульнаваенных дысцыплін і цыкла ваенна-сецыяльных дысцыплін
- кафедру радыяцыйнай, хімічнай і біялагічнай абароны
- батальён курсантаў
Падрыхтоўка курсантаў вядзецца па 6 спецыяльнасцях:
- псіхалогія (спецыялізацыя — маральна-псіхалагічнае забеспячэнне воінскай дзейнасці)
- хімія (накірунак — радыяцыйная, хімічная і біялагічная абарона)
- журналістыка (накірунак — друкаваныя СМІ, спецыялізацыя — ваенная журналістыка)
- правазнаўства (спецыялізацыя — юрысконсульская праца ў ваеннай сферы)
- міжнародныя адносіны (спецыялізацыя — міжнародныя адносіны ў ваеннай сферы)
- геаграфія (накірунак спецыяльнасці — геаінфармацыйныя сістэмы)
- спецыялізацыя — геаінфармацыйныя сістэмы ваеннага прызначэння)
Ваенная кафедра[правіць | правіць зыходнік]
Для навучэнцаў мужчынскага пола іншых факультэтаў БДУ існуе магчымасць паступіць на ваенную кафедру. Пры навучэнні адзін год, працягласць тэрміновай службы скарачаецца да 6 месяцаў, а выпускнік атрымлівае чын сяржанта. Пры навучэнні два гады, курсант артымлівае чын лейтынанта, а працягласць ваенных збораў скарачаецца да месяца.[1]
Героі СССР, якія праходзілі службу на ваеннай кафедры[правіць | правіць зыходнік]
- Палкоўнік Патрын А.Ф. — начальнік навучальнай часткі з 1952 па 1955 гг.
- Генерал-маёр Кірсанаў А.В. — начальнік спецкафедры з 1955 па 1960 гг., у наступстве з 1960 па 1974 — прарэктар БДУ.[2]
