Філіп (кароль Бельгіі)

	Яго Каралеўская Высокасць Філіп; Philippe Léopold Louis Marie; Filips Leopold Lodewijk Maria
	2013 год
	;
	герцаг Брабанцкі
Адукацыя	Каралеўская ваенная акадэмія[d]; Стэнфардскі ўніверсітэт; Трыніці-каледж[d];
Дзейнасць	палітык, афіцэр
Веравызнанне	каталіцтва
Нараджэнне	15 красавіка 1960 (59 гадоў); Лакен, Брусель, Бельгія;
Дынастыя	Саксен-Кобург-Гоцкая дынастыя
Бацька	Альберт II, кароль Бельгіі
Маці	Паола Руфа дзі Калабрыа[d]
Жонка	Мацільда, каралева Бельгіі
Дзеці	Елізавета, Габрыэль Бельгійскі[d], Эмануэль Бельгійскі[d] і Элеанора Бельгійская[d]
Аўтограф
Манаграма
Яго Каралеўская Высокасць Філіп на ВікіСховішчы

Яго Каралеўская Высокасць Філіп (фр.: Philippe Léopold Louis Marie або нідэрл.: Filips Leopold Lodewijk Maria), герцаг Брабанцкі, нар. 15 красавіка 1960) — кароль бельгійцаў з 21 ліпеня 2013. Старэйшы сын караля Бельгіі Альберта II і каралевы Паолы.

Біяграфія[правіць | правіць зыходнік]

Прынц Філіп стаў першым бельгійскім прынцам, які наведваў звычайную школу замест атрымання больш традыцыйнай хатняй адукацыі. Па заканчэнні школы ён працягнуў адукацыю ў Каралеўскай ваеннай акадэміі, якую скончыў у 1981 годзе. Пасля недоўгачасовай кар’еры ва ўзброеных сілах прынц Філіп вярнуўся да вучобы. Гэтым разам спачатку ў Трыніці-каледжы Оксфардскага ўніверсітэта (Вялікабрытанія), а затым у Стэнфардскім універсітэце (ЗША). У 1988 годзе прынц Філіп атрымаў ступень магістра паліталогіі Стэнфардскага ўніверсітэта.

Прынц цікавіцца тэхнікай і асабліва авіябудаваннем. На рахунку Філіпа 30 адзіночных вылетаў, ён валодае верталётам.

Пачынаючы з 1992 года прынц Філіп мае ўласны дом і атрымлівае штогадовую датацыю. Пасля сканнання караля Бадуэна і ўзходжаннем на прастол Альберта II прынц Філіп атрымаў афіцыйны тытул герцага Брабанцкага.

Сям’я і дзеці[правіць | правіць зыходнік]

4 снежня 1999 года прынц Філіп ажаніўся з Мацільдай д’Удэкем д’Акоз, якой у дзень шлюбу быў прысвоены тытул Прынцэсы Бельгійскай.

Прынц Філіп і прынцэса Мацільда маюць чацвярых дзяцей:

прынцэса Елізавета Тэрэза Марыя Алена (нар. 25 кастрычніка 2001 года)— будучая спадчынніца бельгійскага прастола;
прынц Габрыэль Бадуэн Карл Марыя (нар. 20 жніўня 2003 года);
прынц Эмануэль Леапольд Гіём Франсуа Марыя (нар. 4 кастрычніка 2005 года);
прынцэса Элеанора Фабіёла Вікторыя Ганна Марыя (нар. 16 красавіка 2008 года).

Уключэнне імя Дзевы Марыі ў якасці аднаго з імёнаў прынцаў і прынцэс з’яўляецца традыцыяй каталіцкіх манархаў. Хрысціянскія канатацыі нясе і склад «эль», які паўтараецца ў імёнах прынцаў.

Грамадская дзейнасць[правіць | правіць зыходнік]

Прынц Філіп з’яўляецца ганаровым старшынёй Бельгійскай службы міжнароднага гандлю. У 1998 годзе ён заснаваў фонд прынца Філіпа, які ставіць мэтай збліжэнне розных моўных абшчын Бельгіі.

У 2002 годзе прынц Філіп стаў ганаровым доктарам Лёвенскага каталіцкага ўніверсітэта^[4]. Ён таксама з’яўляецца ганаровым членам Рымскага клуба.