Мілаш Форман

Мілаш Форман
Miloš Forman
Імя пры нараджэнні	Jan Tomáš Forman
Дата нараджэння	18 лютага 1932(1932-02-18)[…]
Месца нараджэння	Часлаў, раён Кутна-Гора[d], Чэхія[…]
Дата смерці	13 красавіка 2018(2018-04-13)[…] (86 гадоў)
Месца смерці	Данберы, Western Connecticut Planning Region[d], Канектыкут, ЗША
Месца пахавання	New Warren Cemetery[d]
Грамадзянства	Чэхаславакія ЗША
Бацька	Otto Kohn[d]
Жонка	Jana Brejchová[d], Věra Křesadlová[d] і Martina Formanová[d]
Дзеці	Petr Forman[d] і Matěj Forman[d]
Адукацыя	Акадэмія музычнага мастацтва Film and TV School of the Academy of Performing Arts in Prague[d]
Месца працы	Калумбійскі ўніверсітэт
Прафесія	кінарэжысёр, кінапрадзюсар, акцёр, драматург, сцэнарыст, кінаакцёр, рэжысёр
Кар’ера	1963—2018
Узнагароды	прэмія Гільдыі рэжысёраў Амерыкі[d] (2012) Прэмія BAFTA за найлепшы фільм[d] (1977) David di Donatello for Best Foreign Director[d] (1976) Прэмія Асацыяцыі кінакрытыкаў Лос-Анджэлеса найлепшаму рэжысёру (1984) Прэмія «Сезар» за найлепшы замежны фільм ганаровы грамадзянін Прагі[d] (16 мая 2017) Еўрапейская кінапрэмія за еўрапейскія дасягненні ў сусветным кінематографе (1997) Прэмія BAFTA за найлепшую рэжысуру[d]
IMDb	0001232
milosforman.com
Медыяфайлы на Вікісховішчы

Мілаш Форман (чэшск.: Miloš Forman; сапраўднае імя: Ян Томаш Форман, чэшск.: Jan Tomáš Forman; 18 лютага 1932, Часлаў, Чэхаславакія — 13 красавіка 2018, Уорэн, Канектыкут, ЗША) — чэшскі і амерыканскі кінарэжысёр, драматург, прадзюсар, акцёр і сцэнарыст.

Біяграфія

Нарадзіўся ў мястэчку Часлаў. Калі пачалася Другая Сусветная вайна, яго бацьку арыштавалі за распаўсюд забароненай літаратуры, ён загінуў у канцэнтрацыйным лагеры Бухенвальд. Маці загінула ў Асвенціме.

Форман вучыўся ў інтэрнаце ў Падэбрадскім замку разам з будучым першым прэзідэнтам Чэхіі Вацлавам Гавелам. У 1963 годзе зняў кароткаметражку «Калі б не было музыкі». Яго наступны фільм «Конкурс» распавядаў пра рок-н-рол, джаз і класічныя творы чэшскіх кампазітараў. Праз год Форман зняў карціну «Чорны Пётр», завяршыўшы яе напярэдадні «Пражскай вясны» — галоўны прыз на кінафестывалі ў Лакарна (Швейцарыя). Наступныя працы Формана, «Любоўныя прыгоды бландзінкі» (1965) і «Баль пажарнікаў», былі намінаваны на прэміі «Оскар», «Залаты леў» і «Залаты глобус».

У 1968 годзе рэжысёр адправіўся ў Францыю. У гэты момант у Прагу былі ўведзеныя савецкія танкі і Мілаш прыняў рашэнне эміграваць. Ён з’ехаў у ЗША, але на працягу трох гадоў прынцыпова не зняў ніводнага фільма. У 1971 зняў «Адрыў».

У 1975 годзе зняў фільм «Палёт над гняздом зязюлі» (1975) — 5 статуэтак «Оскар», 6 «Залатых глобусаў» і іншыя прэміі.

Рок-мюзікл «Валасы» выйшаў у 1979 годзе, драма «Рэгтайм» (1981). Фільм-біяграфія «Амадэй» распавядаў пра жыццё вялікага кампазітара і яго суперніцтва з Сальеры. У 1996 годзе выйшаў «Народ супраць Лары Флінта», які заваяваў на Берлінскім кінафестывалі «Залатога мядзведзя». Для многіх сваіх фільмаў («Прывіды Гоі», «Баль пажарнікаў») Форман сам пісаў сцэнарыі.