Гарадскі пасёлак Копысь

Гарадскі пасёлак Гарадскі пасёлак Копысь бел.: Копысь Сцяг Герб Каардынаты 54.324444, 30.29166754°19′28″ пн. ш. 30°17′30″ у. д.54.324444° пн. ш. 30.291667° у. д.    Краіна Беларусь Вобласць Віцебская Раён Аршанскі Першае згадванне 1059 Насельніцтва 0,9 тыс. чалавек (2010) Часавы пояс UTC+3 Тэлефонны код +375 216 Паштовы індэкс 211038 Гарадскі пасёлак Копысь Гарадскі пасёлак Копысь

Копысь — гарадскі пасёлак у Аршанскім раёне Віцебскай вобласці Беларусі, прыстань на левым беразе Дняпра. У 35 км ад Оршы, 2 км ад чыгуначнай станцыі Копысь на лініі Орша—Магілёў, аўтадарогамі злучаны з Оршай, і з аўтадарогай Орша—Магілёў. Насельніцтва 0,8 тыс. чал. (2006).

Гісторыя

Упершыню згадваецца пад 1059 у Ніканаўскім летапісе, калі на шляху ў Ноўгарад там памёр еп. Лука Жыдзята. З 2-ой пал. 14 ст. у Віцебскім ваяводстве ВКЛ. У 14—18 ст. існаваў Копыскі замак. Належаў князям Астрожскім, Радзівілам. Меў магдэбургскае права. З 1772 у складзе Расіі, горад, цэнтр павета, з 1861 — пазаштатны горад Горацкага павета. Падчас вайны 1812 году заняты французскімі войскамі. 12.11.1812 тут праз Дняпро перапраўлялася расійская армія пад кам. М. І. Кутузава. У 17—19 ст. вядомы вытворчасцю кафлі. На мяжы 18-19 ст. быў цэнтрам хасідызму. У 1924—1930 цэнтр раёна. З 1930 у Аршанскім р-не, з 1938 гарадскі пасёлак.

Эканоміка

Прадпрыемствы машынабудаўнічай і будаўнічых матэрыялаў прамысловасці. Цэнтр па вытворчасці мастацкай керамікі.

Выдатныя мясціны

• Замчышча Пятроўскі Вал — помнік археалогіі
• Селішча Пасадскае — помнік археалогіі

Вядомыя асобы

• Ігнацій (Ігнат) Максімаў (17 ст.), вядомы майстар мастацкай керамікі
• Фёдар Врончанка (1779—1852), міністр фінансаў Расіі пры Мікалаі I
• С. Ю. Друкер (1907—1984), беларуская спявачка, Народная артыстка БССР
• Аляксандр Лукашэнка (нар. 1954), прэзідэнт Рэспублікі Беларусь

Літаратура

• Копысь // Туристская энциклопедия Беларуси / редкол. Г. П. Пашков [и др.]; под общ. ред. И. И. Пирожника. — Мн.: Беларуская Энцыклапедыя, 2007. — 648 с. ISBN 978-985-11-0384-9