Уладзімір Уладзіміравіч Пуцін
З пляцоўкі Вікіпедыя.
Уладзімір Уладзіміравіч ПУЦІН (руск.: Владимир Владимирович Путин; нар. 7 кастрычніка 1952, Ленінград), прэзідэнт Расійскай Федэрацыі (2000-2008), прэм'ер-міністр Расійскай Федэрацыі (з 2008).
Скончыў юрыдычны факультэт ЛГУ ім. Жданава (1975). Член КПСС. У 1975-1990 працаваў у КДБ (у 1985-1990 — у Дрэздэне, ГДР, фармальна займаючы пост дырэктара Дома сяброўства СССР-ГДР). З 1991 — старшыня Камітэта па знешніх сувязях мэрыі Санкт-Пецярбурга, з 1994 — першы намеснік старшыні ўрада Санкт-Пецярбурга. З 1996 — намеснік кіраўніка справамі прэзідэнта Расіі. У 1997 годзе прызначаны намеснікам (у 1998 — першым намеснікам) старшыні Адміністрацыі прэзідэнта РФ.
25 ліпеня 1998 стаў старшынёй Федэральнай службы бяспекі, адначасова з 24 сакавіка 1999 — старшынёй Савета бяспекі. 9 жніўня 1999 прызначаны выковнаючым абявязкі старшыні ўрада Расійскай Федэрацыя (16 жніўня зацверджаны на гэтай пасадзе Дзярждумай).
31 снежня 1999 года ў сувязі з добраахвотным сыходам Ельцына ў адстаўку Пуцін становіцца выконваючым абавязкаў прэзідэнта Расійскай Федэрацыі. З 26 сакавіка 2000 года абраны прэзідэнт Расіі. Уступіў на пасаду 7 мая 2000 года. У 2004 пераабраны на другі тэрмін. 8 мая 2008 пасля заканчэння прэзідэнцкіх паўнамоцтваў зноў стаў прэм'ер-міністрам Расіі.
