Ежы Вінцэнт Сулістроўскі

Ежы Вінцэнт Сулістроўскі
Ежы Вінцэнт Сулістроўскі
	польск.: Jerzy Wincenty Sulistrowski
Род дзейнасці	святар, педагог
Дата нараджэння	5 красавіка 1698
Месца нараджэння	Ашмянскі павет, Віленскае ваяводства, Вялікае Княства Літоўскае, Рэч Паспалітая;
Дата смерці	7 сакавіка 1761 (62 гады)
Месца смерці	Жодзішкі, Жодзішкаўскі сельсавет, Смаргонскі раён, Беларусь;
Грамадзянства	Рэч Паспалітая;
Бацька	Міхал Сулістроўскі[d]
Маці	Ганна са Стахоўскіх[d]
Месца працы	Віленская езуіцкая акадэмія; Жодзішкаўскі езуіцкі калегіум[d]; Полацкі езуіцкі калегіум;

Ежы Вінцэнт Сулістроўскі (польск.: Jerzy Wincenty Sulistrowski; 5 красавіка 1698, Ашмянскі павет — 7 сакавіка 1761, Жодзішкі) — святар, педагог.

Паходзіў са шляхецкага роду Сулістроўскіх. Нарадзіўся ў сям’і ашмянскага войскага Міхала Сулістроўскага і яго жонкі Ганны Стахоўскай^[1].

Уступіў у Таварыства Ісуса 14 жніўня 1718 г. у Вільні. Выкладаў рыторыку ў Віленскай акадэміі (1729—1730). Прапаведнік і прэфект бібліятэкі ў Нясвіжы (1731—1733). Прафесар этыкі і прэфект школ (1735—1738), рэгент бурсы і Семінарыі Шышкоўскага (1738—1742) у Вільні. Віцэ-рэктар калегіума ў Жодзішках (1744—1752)^[2]. Рэктар навіцыяту ў Вільні (1752—1757)^[3] і Полацкага езуіцкага калегіума (1756—1760)^[2]. Фундатар езуіцкай місіі ў Занарачы^[2].

Зноскі

Encyklopedia wiedzy o jezuitach na ziemiach Polski i Litwy 1564—1995 / оprac. L. Grzebień (польск.) (бел.. — Kraków : Wyd-wo WAM, 1996. — 882 s.
Giżycki, J.M. (руск.) (бел. Materyały do dziejów Akademii Połockiej i szkół odniej zależnych / J.M. Giżycki. — Kraków: Druk. W. Anczyca i spółki, 1905. — 288 s.