Казімір Бельскі

Казімір Бельскі
польск.: Kazimierz Bielski
Дата нараджэння	2 сакавіка 1652(1652-03-02)
Месца нараджэння	Фасціў, Кіеўскае ваяводства, Малапольская правінцыя, Карона Каралеўства Польскага, Рэч Паспалітая ці Беларусь
Дата смерці	9 сакавіка 1709(1709-03-09) (57 гадоў)
Месца смерці	Лукішкі[d], Віленскі павет, Віленскае ваяводства, Вялікае Княства Літоўскае, Рэч Паспалітая ці Полацк, Полацкае ваяводства, Вялікае Княства Літоўскае, Рэч Паспалітая
Род дзейнасці	святар, пісьменнік

Казімір Бельскі (польск.: Kazimierz Bielski; 2 сакавіка 1652, Фастаў – 9 сакавіка 1709, Лукішкі каля Вільні) – святар, пісьменнік, педагог.

Нарадзіўся 2 сакавіка 1652 г. у Фаставе Сквірскага павету (Украіна). (Паводле дадзеных Юзафа Браўна і Караля Эстэрайхера К. Бельскі нарадзіўся на Беларусі, а памёр не пад Вільняй, а ў Полацку.)

Уступіў у Таварыства Ісуса 30 жніўня 1668 г. у Вільні. У 1686–1689 гг. – прафесар філасофіі, а з 1691 па 1697 гг. і з 1703 па 1706 гг. – рэктар Полацкага езуіцкага калегіума. У час Вялікай Паўночнай вайны, у 1705 г., прымаў у калегіуме Пятра І. Сакратар правінцыяла (1697–1699), прэпозіт (кіраўнік) Дому прафесаў у Вільні (1699–1702). Браў удзел у генеральнай кангрэгацыі ў Рыме (1706).

Аўтар прац аб заснаванні Стэфанам Баторыям Полацкага езуіцкага калегіума (Informatio de erectione, fundatione, ac liberalitate Stephani, Regis Poloniae, in Collegium Polocense S.J., Вільня, 1698) і аб жыцці Святога Лазара (Officio de S. Lazaro, Вільня, 1705; Vita P. Lazari a Christo resuscitati, adjectis de eoe elegantibus hymnis et Litaniis).

Літаратура

• Brown, J. Biblioteka pisarzów assystencyi polskiej Towarzystwa Jezusowego / J. Brown ; przeł. W. Kiejnowskiego. – Poznań : w komisie i czcionkami L. Merzbacha, 1862. – 501 s.
• Encyklopedia wiedzy o jezuitach na ziemiach Polski i Litwy 1564–1995 / оprac. L. Grzebień(польск.) бел.. – Kraków : Wyd-wo WAM, 1996. – 882 s.
• Estreicher, K. Bibliografia polska /Wyd. K. Estreicher. Kraków: Czionkami drukarni Uniwersytetu Jagiellonskiego, 1894. – Ogólnego zbioru t. XIII. – 502 s.
• Giżycki, J.M.(руск.) бел. Materyały do dziejów Akademii Połockiej i szkół odniej zależnych / J.M. Giżycki. – Kraków: Druk. W. Anczyca i spółki, 1905. – 288 s.