Беата Шыдла

Беата Шыдла
55-ы Старшыня Савета міністраў Польшчы
16 лістапада 2015 — 8 снежня 2017
Прэзідэнт:	Анджэй Дуда
Папярэднік:	Эва Копач
Пераемнік:	Матэвуш Маравецкі
Партыя:	Права і справядлівасць[d]
Адукацыя:	Ягелонскі ўніверсітэт Варшаўская школа эканомікі Кракаўскі ўніверсітэт эканомікі[d]
Дзейнасць:	палітык, этнолаг
Веравызнанне:	каталіцтва
Нараджэнне:	15 красавіка 1963(1963-04-15) (56 гадоў) Асвенцім, Асвянцімскі павет[d], Малапольскае ваяводства
Сайт:	beataszydlo.pl

Беата Марыя Шыдла (польск.: Beata Maria Szydło; нар. 15 красавіка 1963, Асвенцім, Польшча) — польскі палітык.

Біяграфія

Нарадзілася 15 красавіка 1963 года ў Асвенціме. У 1989 годзе скончыла факультэт этнаграфіі Ягелонскага ўніверсітэта ў Кракаве. У 1989—1995 гадах была аспірантам на факультэце філасофіі і гісторыі Ягелонскага ўніверсітэта. У 1997 годзе скончыла аспірантуру для менеджараў культуры ў Варшаўскай школе эканомікі, а ў 2001 годзе — аспірантуру Кракаўскага эканамічнага ўніверсітэта, дзе вывучала тэрытарыяльнае кіраванне.

З 1987 па 1995 працавала ў якасці асістэнта Гістарычнага музея горада Кракава, пазней перайшла ў Культурны цэнтр у Лібёнжы. У 1997—1998 была дырэктарам культурнага цэнтра Бжэшчаў. У 1998 годзе была выбрана на пасаду мэра Бжэшчаў, дзе прапрацавала да 2005. Яна таксама ўваходзіла ў савет Асвянцімскага павета ад Выбарчай акцыі «Салідарнасць» у 1998—2002 гадах. У 2004 годзе стала віцэ-прэзідэнтам Дэпартамента добраахвотнай пажарнай аховы горада Бжэшчы.

У 2005 годзе ўступіла ў «Права і справядлівасць», была выбрана членам Сейма (пераабрана ў 2007 і 2011 гадах). З 2010 — намеснік лідара партыі «Права і справядлівасці». Вылучана кандыдатам на пасаду прэм’ер-міністра Польшчы. На парламенцкіх выбарах у 2015 годзе «Права і справядлівасць» атрымала большасць галасоў, а Беата Шыдла сфарміравала урад. У снежні 2017 падала ў адстаўку.

Замужам, двое сыноў.

Спасылкі

• Афіцыйны сайт