Тадэвуш Мазавецкі

Тадэвуш Мазавецкі
Tadeusz Mazowiecki
40-ы Старшыня Савета Міністраў Польшчы 24 жніўня 1989 — 4 студзеня 1991
Прэзідэнт	Войцех Ярузельскі Лех Валенса
Папярэднік	Чэслаў Кішчак
Пераемнік	Ян Кшыштаф Бялецкі
Нараджэнне	18 красавіка 1927(1927-04-18)[…] Плоцк, Варшаўскае ваяводства, Польская Рэспубліка
Смерць	28 кастрычніка 2013(2013-10-28)[…] (86 гадоў) Варшава, Мазавецкае ваяводства, Польшча
Месца пахавання	Forest Cemetery in Laski[d]
Дзеці	Міхал Мазавецкі[d] і Войцех Мазавецкі[d]
Веравызнанне	каталік
Партыя	«Салідарнасць», Дэмакратычная ўнія (з 1990), Унія Свабоды (з 1994)
Член у	Рух "Знак"[d] (1972) Таварыства РАХ[d] (1955) Клуб каталіцкай інтэлігенцыі[d]
Адукацыя	Варшаўскі ўніверсітэт Агульнаадукацыйны ліцэй імя маршалка Станіслава Малахоўскага ў Плоцку[d]
Аўтограф
Узнагароды	Ордэн Белага арла Залаты медаль «За заслугі ў культуры Gloria Artis» Вялікі крыж ордэна За заслугі перад Італьянскай Рэспублікай Вялікі крыж ордэна Заслуг, Венгрыя Вялікі крыж ордэна Святога Рыгора Вялікага Вялікі афіцэр ордэна Ганаровага легіёна
Медыяфайлы на Вікісховішчы

Тадэвуш Мазавецкі (польск.: Tadeusz Mazowiecki; 18 красавіка 1927, Плоцк — 28 кастрычніка 2013, Варшава) — польскі палітычны дзеяч, публіцыст.

Біяграфія

Скончыў юрыдычны факультэт Варшаўскага ўніверсітэта, аднак юрыстам не працаваў, а адразу заняўся публіцыстыкай. У 1950 пачаў працаваць у каталіцкім штотыднёвіку у Вроцлаве, займаўся пытаннямі моладзі. Уваходзіў у каталіцкую арганізацыю «Знак», якая ў 1968 была арганізатарам студэнцкіх дэманстрацый. У 1970-х падтрымліваў кантакты з нелегальным Камітэтам абароны рабочых. Быў паплечнікам Леха Валенсы ў «Салідарнасці». У жніўні 1980 стаў ініцыятарам ліста групы інтэлектуалаў і падтрымку бастуючых рабочых узбярэжжа. Быў дарадцам прафсаюза «Салідарнасць», а ў 1981 заняў пасаду галоўнага рэдактара выдання «Tygodnik Solidarność». Пасля ўвядзення ваеннага становішча ў снежні 1981 быў інтэрнаваны.

У чэрвені 1989 абраны ў Сейм. У жніўні таго ж года быў вылучаны ў якасці аднаго з кандыдатаў на пасаду кіраўніка польскага ўрада, як пасярэдніка паміж Л. Валенсам і прыхільнікамі В. Ярузельскага. 19 жніўня 1989 прэзідэнт Ярузельскі прыняў адстаўку генерала Кішчака, кандыдатуру якога не патрымаў Сейм, і прызначыў Старшынёй Савета Міністраў Польскай Народнай Рэспублікі Тадэвуша Мазавецкага. 7 верасня Тадэвуш Мазавецкі сфармаваў першы некамуністычны ўрад Польшчы. У ім 11 пасад занялі прадстаўнікі «Салідарнасці», 4 пасады — ПАРП, 4 пасады — Аб’яднаная сялянская партыя, 3 — Дэмакратычная партыя, і 1 — Салідарнасць сялян-аднаасобнікаў. У сваёй першай прамове перад Соймам Мазавецкі заявіў, што доўгатэрміновай стратэгічнай мэтай кабінета стане «вяртанне да рынкавай эканомікі і змяненне ролі дзяржавы ў гаспадарчай сферы». Першай замежнай паездкай Тадэвуша Мазавецкага стаў візіт у Італію, дзе 20 кастрычніка 1989 года ён наведаў Ватыкан і быў прыняты папам Янам Паўлам II.

На прэзідэнцкіх выбарах 1990 заняў 3-е месца, а затым, 4 студзеня 1991, падаў у адстаўку з пасады прэм’ера. У 1990 адышоў ад «Салідарнасці» і заснаваў Дэмакратычны саюз. У 1997 годзе Тадэвуш Мазавецкі напісаў прэамбулу Польскай Канстытуцыі. Быў дарадцам прэзідэнта Б. Камароўскага

Памёр 28 кастрычніка 2013 ва ўзросце 86 гадоў у Варшаве.

Спасылкі

• На Вікісховішчы ёсць медыяфайлы па тэме Тадэвуш Мазавецкі