Матэвуш Маравецкі

Матэвуш Маравецкі польск.: Mateusz Jakub Morawiecki
Партыя:	Права і справядлівасць[d]
Адукацыя:	Уроцлаўскі ўніверсітэт Базельскі ўніверсітэт Гамбургскі ўніверсітэт Урацлаўская палітэхніка[d]
Дзейнасць:	палітык, кіраўнік, гісторык, эканаміст
Нараджэнне:	20 чэрвеня 1968(1968-06-20)[…] (51 год) Уроцлаў, Ніжнесілезскае ваяводства, Польшча
Бацька:	Карнель Маравецкі[d]
Жонка:	Івона Маравецкая[d]
Сайт:	mmorawiecki.pl
Аўтограф:
Узнагароды:

Матэвуш Якуб Маравецкі (польск.: Mateusz Jakub Morawiecki; нар. 20 чэрвеня 1968, Уроцлаў) — польскі дзяржаўны дзеяч, віцэ-прэм’ер урада, міністр развіцця і фінансаў. Прэм’ер-міністр Польшчы з 8 снежня 2017 года.

Біяграфія

Сын лідара «Салідарнасці» Карнеля Маравецкага.

Скончыў гістарычны факультэт Уроцлаўскага ўніверсітэта (1992). Вывучаў бізнес-адміністравання ва Уроцлаўскім політэхнічным інстытуце (1993) і адначасова ва Універсітэце Цэнтральнага Канектыкута. Атрымаў дыплом MBA ў Эканамічнай акадэміі ва Уроцлаве (1995). У 1995—1997 гадах вывучаў права і пытанні эканамічнай інтэграцыі ў Гамбургскім універсітэце. Прайшоў курс у школе менеджменту імя Келага ў Паўночна-заходнім універсітэце ў ЗША.

У 1996—2004 гадах выкладаў ва Уроцлаўскай эканамічнай акадэміі, у 1996—1998 гадах ва Уроцлаўскім політэхнічным інстытуце.

З 1998 года займаў пасады ў кіраўніцтве банка BZ WBK, у 2007—2015 гадах быў яго прэзідэнтам.

Палітыка

У 1998—2002 гадах — дэпутат рэгіянальнага савета Ніжнесілезскага ваяводства ад Выбарчай акцыі Салідарнасці.

У 2015 годзе прызначаны віцэ-прэм’ерам і міністрам развіцця ва ўрадзе Беаты Шыдла. У сакавіка 2016 года ўступіў у партыю «Права і справядлівасць», да гэтага быў беспартыйным членам урада. З верасня 2016 года — міністр развіцця і фінансаў.

Пасля адстаўкі Шыдла з пасады прэм’ер-міністра 7 снежня 2017 года, вылучаны партыяй «Права і справядлівасць» на пасаду кіраўніка ўрада Польшчы.