Падгацце

Вёска Падгацце Краіна Беларусь Вобласць Мінская Раён Пухавіцкі Сельсавет Навапольскі Каардынаты 53°36′16″ пн. ш. 27°35′18″ у. д. Водныя аб’екты Пціч Насельніцтва ▲13 чал. (2019) Часавы пояс UTC+3 Тэлефонны код +375 1713 Паштовыя індэксы 222839 Аўтамабільны код 5 Падгацце на карце Беларусі ±

Падгацце на Вікісховішчы

Падга́цце (трансліт.: Padhaccie, руск.: Подгатье) — вёска ў Пухавіцкім раёне Мінскай вобласці. Уваходзіць у склад Навапольскага сельсавета. Месціцца за 41,5 км на паўночны захад ад Мар’інай Горкі, 26,5 км ад Мінска, 18,5 км ад чыгуначнай станцыі Рудзенск на лініі Мінск — Асіповічы, каля ракі Пціч (прыток Прыпяці).

Назва

Назва абазначае месцазнаходжанне, гэта значыць пад гаццю. Гаць — насціл з бярвёнаў або галля праз топкае месца.

Гісторыя

У другой палове XIX ст. вёска ў Дудзіцкай воласці Ігуменскага павета Мінскай губерні (яна ж Маркаўшчына). Належала да дамена Самуэлева, уласнасць Радзівілаў, потым Вітгенштэйнаў, з 1879 года ўласнасць Эмерыка Чапскага.

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай воласць абвешчана часткай Беларускай Народнай Рэспублікі. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР.

У Другую сусветную вайну з канца чэрвеня 1941 года да пачатку ліпеня 1944 года пад акупацыяй Германіі.

Насельніцтва

• 1870 год — 11 жыхароў мужчынскага полу
• 1897 год — 13 двароў, 88 жыхароў
• 1917 год — 9 двароў, 59 жыхароў
• 1960 год — 61 жыхар
• 1999 год — 17 жыхароў
• 2002 год — 5 двароў, 8 жыхароў
• 2010 год — 6 жыхароў
• 2012 год — 4 гаспадаркі, 6 жыхароў
• 2019 год — 13 жыхароў

Спіс вуліц

• Дальняя вуліца
• Дачная вуліца
• Лугавая вуліца
• Палявая вуліца
• Цэнтральная вуліца

Літаратура

• Падгацце // Гарады і вёскі Беларусі. Т. 8 : Мінская вобласць, кн. 4 / Т.У. Бялова (галоўны рэдактар) і інш. — Мінск: Беларуская энцыклапедыя імя Петруся Броўкі, 2013. — С. 166. — 528 с. — 2 000 экз. — ISBN 978-985-11-0735-9.
• Памяць : Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А. Прановіч; рэдкалегія: А. М. Карлюкевіч і інш.]. — Мінск : Беларусь, 2003. — 748 с. — 3000 экз. ISBN 985-01-0251-9
• Жучкевич В. А. Краткий топонимический словарь Белоруссии. — Мн.: Изд-во БГУ, 1974.
• Jelski A. Podhacie // Słownik geograficzny Królestwa Polskiego i innych krajów słowiańskich. — Tom VIII: Perepiatycha — Pożajście. — 1887. — С. 383. — 960 с.
• Jelski A. Samuelów // Słownik geograficzny Królestwa Polskiego i innych krajów słowiańskich. — Tom X: Rukszenice — Sochaczew. — 1889. — С. 259. — 960 с.

Спасылкі

• На Вікісховішчы ёсць медыяфайлы па тэме Падгацце