Лян Вэньбо

З Вікіпедыі, свабоднай энцыклапедыі
Лян Вэньбо
Снукер
Снукер

кіт.: 梁文博
Фота
 
Дата нараджэння: 5 сакавіка 1987(1987-03-05)[1][2] (37 гадоў)
Месца нараджэння:
Грамадзянства:  Кітай
Вядучая рука: левая
Прафесійная кар'ера: 2004—...
Найвышэйшы рэйтынг: 11 (31.10.201620.11.2016
05.12.201605.02.2017
02.05.201725.06.2017)
Цяперашні рэйтынг: 14 (25 верасня 2017)
Прызавыя грошы: > £830,000
Найвышэйшая серыя: 147 (Чэмпіянат Бахрэйна 2008)
Колькасць соценных серый: 190 [5]
Перамогі на турнірах
Рэйтынгавыя турніры: 1
Нізкарэйтынгавыя турніры: 1
Іншыя прафесійныя турніры: 1
Чэмпіянат свету: чвэрцьфінал (2008)

Лян Вэньбо (кіт. спр. 梁文博, піньінь Liáng Wénbó, нар. 5 сакавіка 1987, Суйхуа, Хэйлунцзян, Кітай) — кітайскі прафесійны гулец у снукер. Пераможца адкрытага чэмпіянату Англіі 2016 года і фіналіст Шанхай Мастэрс 2009 года і чэмпіянату Вялікабрытаніі 2015 года. Чвэрцьфіналіст чэмпіянату свету 2008 года. Адзін з двух кітайскіх снукерыстаў (разам з Дзінам Цзюньхуэем), які перамагаў на рэйтынгавых турнірах. З кастрычніка 2013 года ўваходзіць у топ-32, а з кастрычніка 2016 — у топ-16 сусветнага рэйтынгу. Пажыццёва дыскваліфікаваны ў 2023 годзе па абвінавачанні ў датычнасці да арганізацыі дагаварных матчаў у 2022 годзе[6].

Кар'ера[правіць | правіць зыходнік]

У 2005 годзе выйграў чэмпіянат свету сярод гульцоў да 21 года і, такім чынам, атрымаў запрашэнне ў мэйн-тур. У свой першы прафесійны сезон Лян Вэньбо кваліфікаваўся на чэмпіянат Брытаніі, дзе зрабіў вышэйшы для яго на той момант брэйк — 134 ачкі. Дзякуючы гэтаму ён падняўся на 77-ы радок у рэйтынгу снукерыстаў. А на чэмпіянаце свету кітаец здзейсніў сенсацыю, перамогшы экс-чэмпіёна Кена Доэрці 10:5 і Джо Свэйла. І хоць у чвэрцьфінале Лян саступіў Роні О'Салівану, ён усталяваў нацыянальны рэкорд — дагэтуль яшчэ ніхто з прадстаўнікоў Кітая не дасягнуў стадыі 1/4 на чэмпіянаце свету. На сезон 2010/11 Лян Вэньбо заняў 16-ы радок у афіцыйным рэйтынгу.

У кваліфікацыі на рэйтынгавы чэмпіянат Бахрэйна Лян Вэньбо зрабіў максімальны брэйк.

Лян лічыцца другім гульцом у снукер ў КНР пасля Дзін Дзюньхуэя. На Азіяцкіх гульнях 2006 у катарскай Досе ён выйграў залаты медаль у камандным турніры і срэбны ў індывідуальным.

У 2005 годзе ва ўзросце 18 гадоў атрымаў уайлдкард на адкрытым чэмпіянаце Кітая і такім чынам дэбютаваў у асноўнай стадыі рэйтынгавага турніру, пасля чаго атрымаў спецыяльнае запрашэнне ў мэйн-тур і з сезона 2005/2006 далучыўся да прафесіяналаў. У 2008 годзе дэбютаваў на чэмпіянаце свету і дайшоў да чвэрцьфінальнай стадыі, якая да сённяшняга дня застаецца яго найлепшым вынікам на найбуйнейшым снукерным турніры, а ў 2009 годзе дайшоў да першага рэйтынгавага фіналу на Шанхай Мастэрс, дзе саступіў Роні О’Салівану (5:10), і дэбютаваў на чэмпіянаце Вялікабрытаніі, дайшоўшы да чвэрцьфіналу, упершыню ўвайшоўшы ў топ-16 сусветнага рэйтынгу ў наступным сезоне. Пасля гэтага надоўга страціў форму, вылецеўшы з топ-32, і толькі ў 2015 годзе дайшоў да другога рэйтынгавага паўфіналу на German Masters, а ў сезоне 2015/2016 выйшаў у свой адзіны фінал турніру Трайной кароны на чэмпіянаце Вялікабрытаніі, дзе прайграў Нілу Робертсану (5:10), і на кароткі тэрмін вярнуўся ў топ-16, што дазволіла яму дэбютаваць на найбуйнейшым запрашальным турніры, Мастэрс, у 2016 годзе. У сезоне 2016/2017 здабыў свой першы рэйтынгавы тытул на адкрытым чэмпіянаце Англіі і ўпершыню падняўся на найвышэйшае для сябе 11-е месца ў рэйтынгу, а пазней дайшоў да пятага рэйтынгавага паўфіналу на Сусветным Гран-пры 2017 года.

У агульнай колькасці займаў адзінаццатае месца ў сусветным рэйтынгу больш за чатыры месяцы. Апроч рэйтынгавай перамогі выйграў нізкарэйтынгавы адкрыты чэмпіянат Чжэнчжоу у 2013 годзе і запрашальны Міжнародны чэлендж Пекіна ў 2009 годзе, а таксама быў у фінале чэмпіянату свету па снукеры з шасцю чырвонымі шарамі ў 2015 годзе. Тры разы прадстаўляў зборную Кітая на кубках свету разам з Дзінам Цзюньхуэем, прывёўшы каманду да перамог у 2011 і 2017 гадах. Таксама за нацыянальную зборную кітайскі спартовец выйграў срэбны медаль Сусветных гульняў 2013 года ў Калі, два залатыя медалі Азіяцкіх гульняў у камандным разрадзе разам з Дзінам Цзюньхуэем і Цянем Пэнфэем (2006, 2010) і срэбны медаль Азіяцкіх гульняў у адзіночным разрадзе (2006). За прафесійную кар'еру аформіў больш за 180 сэнчуры-брэйкаў і ўваходзіць у топ-35 гульцоў з найбольшай колькасцю соценных серый у гісторыі снукера, а таксама зарабіў больш за 800 тысяч фунтаў, уваходзячы ў топ-50 снукерыстаў у гісторыі па гэтым паказчыку. У 2008 годзе выканаў свой адзіны максімальны брэйк.

На запрашальным турніры Beijing International Snooker Challenge 2009 Лян атрымаў сваю першую перамогу, перайграўшы ў фінале Стывена Магуайра, 7:6. У папярэднім розыгрышы ён заняў першае месца ў сваёй групе, абыграўшы Стывена Хендры і Алістэра Картэра з аднолькавым лікам — 3:0. У паўфінале сустрэўся з Маркам Аленам і перамог яго з лікам 5:1. Перамога на гэтым турніры больш чым падвоіла ўсе яго прызавыя. Таксама на яго рахунку вышэйшы брэйк турніру (138 ачкоў). Усяго Лян Вэньбо зарабіў на турніры 52500 фунтаў стэрлінгаў.

На першым рэйтынгавым турніры сезону, Шанхай Мастэрс, Лян Вэньбо зрабіў сенсацыю — быўшы цёмным конікам, ён па чарзе перайграў Пітэра Эбдана, 5:1, Алістэра Картэра, 5:0, Рыкі Уолдэна, 5:3, Шона Мёрфі, 6:5, і выйшаў у фінал, дзе сустрэўся з Роні О'Саліванам. Лян ўсё ж саступіў яму, 05:10[7], але атрымаў 5600 рэйтынгавых ачкоў, што дазволіла яму перамясціцца з 27-га на 13 радок папярэдняга рэйтынгу. Тым самым ён стаў часова лепшым кітайскім гульцом, адабраўшы гэты «тытул» у Дзін Цзюньхуэя, які валодаў ім бесперапынна на працягу 4-х гадоў.

На чэмпіянаце Вялікабрытаніі 2009 Лян таксама паказаў добрую гульню: выйграў 9:3 у 1/16 фіналу ў Раяна Дэя, 9:2 у Марка Кінга ў 1/8 фіналу і выйшаў у чвэрцьфінал на дзеючага чэмпіёна свету, Джона Хігінса, але прайграў яму з лікам 2:9.

Не прайшоўшы кваліфікацыю на два турніры (Welsh Open і хатні China Open), Лян Вэньбо ў трэці раз запар выйшаў у фінальную частку чэмпіянату свету, у апошнім раўндзе кваліфікацыі ўпэўнена перайграўшы Рода Лоулера, 10:2. У 1/16 турніру Лян саступіў Роні О'Салівану з лікам 7:10, і ў афіцыйным рэйтынгу на сезон 2010/11 ён заняў 16-е, найвышэйшае для сябе месца.

Асабістае жыццё[правіць | правіць зыходнік]

Лян Вэньбо любіць класічную музыку, у прыватнасці, Бетховена. Таксама з музычных прыхільнасцей можна адзначыць яго захапленне гуртом «Beyond» з Ганконга. Любіць фільмы з Джэкі Чанам. Захапляецца футболам, заўзятар клуба Манчэстэр Сіці, Англія. Таксама гуляе ў настольны тэніс сумесна ўсё з тым жа Дзінам Дзюньхуэем.

Фіналы турніраў[правіць | правіць зыходнік]

Рэйтынгавыя турніры: 3 (1 перамога, 2 паразы)[правіць | правіць зыходнік]

Легенда
Чэмпіянат свету (0:0)
Чэмпіянат Вялікабрытаніі (0:1)
Іншыя (1:1)


Вынік Год Турнір Апанент у фінале Лік
1 Параза 2009 Шанхай Мастэрс ОСалйван РонйСцяг Англіі Роні О’Саліван 5:10
2 Параза 2015 Чэмпіянат Вялікабрытаніі Робертсан НйлСцяг Аўстраліі Ніл Робертсан 5:10
3 Перамога 2016 Адкрыты чэмпіянат Англіі Трамп ДжадСцяг Англіі Джад Трамп 9:6

Нізкарэйтынгавыя турніры: 3 (1 перамога, 2 паразы)[правіць | правіць зыходнік]

Вынік Год Турнір Апанент у фінале Лік
1 Параза 2010 Кубак Русельсгайма Кэмбэл МаркусСцяг Шатландыі Маркус Кэмбэл 0:4
2 Перамога 2013 Адкрыты чэмпіянат Чжэнчжоу Лю ХаацяньСцяг Кітая Лю Хаацянь 4:0
3 Параза 2014 Адкрыты чэмпіянат Дунгуаня Бйнэм СцюартСцяг Англіі Сцюарт Бінэм 1:4

Прафесійныя снукерныя турніры: 7 (3 перамогі, 4 паразы)[правіць | правіць зыходнік]

Легенда
Рэйтынгавыя турніры (1:2)
Нізкарэйтынгавыя турніры (1:2)
Нярэйтынгавыя турніры (1:0)
Турніры з альтэрнатыўным фарматам (0:0)


Вынік ПДВ Дата Турнір Апанент у фінале Лік
Перамога 1 12 ліпеня 2009 Міжнародны Чэлендж Пекіна, Пекін, Кітая Магуайр СтывенСцяг Шатландыі Стывен Магуайр 7:6
Параза 1 13 верасня 2009 Шанхай Мастэрс, Шанхай, Кітай ОСалйван РонйСцяг Англіі Роні О’Саліван 5:10
Параза 2 24 кастрычніка 2010 Кубак Русельсгайма, Русельсгайм, Германія Кэмбэл МаркусСцяг Шатландыі Маркус Кэмбэл 0:4
Перамога 2 24 кастрычніка 2013 Адкрыты чэмпіянат Чжэнчжоу, Чжэнчжоу, Кітай Лю ХаацяньСцяг Кітая Лю Хаацянь 4:0
Параза 3 8 сакавіка 2014 Адкрыты чэмпіянат Дунгуаня, Дунгуань, Кітай Бйнэм СцюартСцяг Англіі Сцюарт Бінэм 1:4
Параза 4 6 снежня 2015 Чэмпіянат Вялікабрытаніі, Ёрк, Англія Робертсан НйлСцяг Аўстраліі Ніл Робертсан 5:10
Перамога 3 16 кастрычніка 2016 Адкрыты чэмпіянат Англіі, Манчэстэр, Англія Трамп ДжадСцяг Англіі Джад Трамп 9:6

Запрашальныя турніры: 1 (1 параза)[правіць | правіць зыходнік]

Вынік ПДВ Дата Турнір Апанент у фінале Лік
Параза 1 17 ліпеня 2009 General Cup International, Ганконг Уолдэн РыкйСцяг Англіі Рыкі Уолдэн 2:6

Турніры па снукеры з шасцю чырвонымі шарамі: 1 (1 параза)[правіць | правіць зыходнік]

Вынік ПДВ Дата Турнір Апанент у фінале Лік
Параза 1 12 верасня 2015 Чэмпіянат свету па снукеры з шасцю чырвонымі шарамі, Бангкок, Тайланд УнНу ЦепчаяСцяг Тайланда Цепчая Ун-Ну 2:8

Зноскі

Спасылкі[правіць | правіць зыходнік]