Помнік купцу (Полацк)

Помнік
Помнік купцу
55°29′17″ пн. ш. 28°46′46″ у. д.
Краіна	Беларусь
Горад	Полацк
Скульптар	Аляксандр Віктаравіч Прохараў
Дата пабудовы	2008 год

Помнік купцу — помнік у Полацку. Знаходзіцца на плошчы, перад Домам гандлю, на скрыжаванні вуліц Францыска Скарыны і Гогаля, дзе размяшчаюцца адразу тры рынкі і іншыя буйныя гандлёвыя кропкі. Скульптар помніка Аляксандр Прохараў.

Гісторыя

Скульптура купца з'явілася ў Полацку ў 2008 годзе, напярэдадні прафесійнага свята работнікаў гандлю. Ініцыятарамі і спонсарамі яе ўстаноўкі былі полацкія прадпрымальнікі.

Сярод іх ужо існуюць легенды. Паводле адной з іх лічыцца, што калі пацерці залатую манетку, якую трымае ў руцэ купец, то можна чакаць фінансавага даходу. І гэта далёка не адзінае павер'е.

Апісанне помніка

Купец вельмі каларытны – адзеты ў каптан, упрыгожаную беларускім арнаментам вопратку, боты. У яго туга набіта грашыма торба. Купец трымае ў руцэ манету.

Літаратура

• Власова, И. В Полоцке появилась новая достопримечательность / И. Власова // Полочанка. – 2008. – 31 июля. – С. 2.
• Каленик, Е. Здравствуй, купец! / Е. Каленик // Полацкі веснік. – 2008. – 29 ліп. – С. 1.
• Малашеня, Л. Купец принесет удачу / Л. Малашеня // Народнае слова. – 2008. – 29 ліп. – С. 6.