Полацкі дзіцячы музей

Дзіцячы музей
Заснаваны	2004
Краіна	Беларусь
Месцазнаходжанне	вул. Ніжне-Пакроўская, 46, 211400, Полацк, Віцебская вобласць, Рэспубліка Беларусь
Адкрыты	з 10.00 да 18.00 (летні час), з 10.00 да 17.00 (зімовы час), выходны — панядзелак
children.polotsk.museum.by
Медыяфайлы на Вікісховішчы

Полацкі дзіцячы музей — адзіны ў сваім родзе ў Беларусі, дзе экспанаты можна чапаць рукамі і нават гуляць з імі. У школах Полацка праходзяць конкурсы за права выставіць у музеі свае калекцыі марак, цацак, значкоў. Музей уваходзіць у склад Нацыянальнага Полацкага гісторыка-культурнага музея-запаведніка. Быў адкрыты 28 мая 2004 года.

Гісторыя

Аўтарам мастацкай канцэпцыі музея з’яўляецца Сяргей Клецаў. Ідэя аб стварэнні Дзіцячага музея належала Т. А. Джумантаевай. Над праектам і стварэннем экспазіцыі працавала творчая група ў складзе Н. А. Андрэевай, Т. Р. Смірновай, Л. В. Ластачкінай, А. А. Ушаковай, А. С. Аўласенка.

Канцэпцыя

Дзіцячы музей. Скульптурная кампазіцыя «Шкаляр з гадзіннікам» (скульптар П. Вайніцкі)

У музеі дзейнічаюць дзве экспазіцыйныя залы. У першай зале прадстаўлены гадзіннік, званы, вагі і меры вагі. У другой зале — гукаперадавальныя апараты, фотаапараты, самавары, філатэлія і філакартыя. У другой зале музея ёсць таксама спецыяльная вітрына для зменных дзіцячых калекцый, тэма якіх — «Свет маіх захапленняў». У кастрычніку 2018 года была адкрыта новая экспазіцыя — «Падарожжа з кніжнай закладкай» з дзіцячымі кнігамі, цацкамі, прадметамі з казак.

У камп’ютарным зале Дзіцячага музея можна пазнаёміцца з усімі выстаўкамі, што праходзілі ў музеі, пагуляць у развіваючыя гульні.

Каля музея знаходзяцца скульптуры Паўла Вайніцкага «Шкаляр» (2004) і «Дзяўчынка з сонечным гадзіннікам» (2005).

Калекцыі

Экспазіцыйная плошча музея — 208 кв.м. У экспазіцыі прадстаўлены калекцыі (больш за 700 прадметаў) з музейнага збору Нацыянальнага Полацкага гісторыка-культурнага музея-запаведніка.

Спасылкі

• Вандроўка ў Дзіцячы музей Полацка (рус) Архівавана 1 мая 2012.
• Афіцыйны сайт Дзіцячага музея Архівавана 14 жніўня 2020.
• Нацыянальны Полацкі гісторыка-культурны музей-запаведнік Архівавана 4 жніўня 2020.