Рамірэс

Рамірэс
Агульная інфармацыя
Поўнае імя	Рамірэс Сантус ду Насіменту
Нарадзіўся	24 сакавіка 1987(1987-03-24) (33 гады) Бара-ду-Піраі[d], штат Рыа-дэ-Жанэйра, Бразілія
Грамадзянства	Бразілія
Рост	180 см
Вага	73 кг
Пазіцыя	паўабаронца
Інфармацыя пра клуб
Клуб	Палмейрас
Нумар	18
Кар’ера
Маладзёжныя клубы
2004 — 2005	Роял Спорт Клаб
2005 — 2006	Жайнвілі
Клубная кар’ера*
2006 — 2008	Жайнвілі	14 (3)
2007 — 2008	→  Крузейру	32 (3)
2008 — 2009	Крузейру	29 (7)
2009 — 2010	Бенфіка	26 (4)
2010 — 2016	Чэлсі	160 (17)
2016 — 2019	Цзянсу Сайнці	49 (11)
2019 —	Палмейрас	1 (0)
Нацыянальная зборная**
2008	Бразілія (да 23)	9 (0)
2009 — 2014	Бразілія	52 (4)
Міжнародныя медалі
Алімпійскія гульні
Бронза	Пекін 2008	футбол
Кубкі канфедэрацый
Золата	ПАР 2009
* Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 31 ліпеня 2019. ** Колькасць гульняў і галоў за нацыянальную зборную ў афіцыйных матчах, адкарэктавана станам на 27 студзеня 2016.

Рамі́рэс Са́нтус ду Насіме́нту (парт.: Ramires Santos do Nascimento, МФА: [ʁaˈmiɾes ˈsɐ̃tus du nasiˈmẽtu]; нар. 24 сакавіка 1987, Рыа-дэ-Жанэйра, Бразілія) — бразільскі футбаліст, паўабаронца клуба «Палмейрас» і былы ігрок нацыянальнай зборнай Бразіліі.

Клубная кар’ера

У Бразіліі

Рамірэс з’яўляецца выхаванцам клуба «Жайнвілі», у якім дэбютаваў у 2004 годзе. У чэрвені 2007 года Рамірэс перайшоў у клуб «Крузейру», які заплаціў за трансфер іграка 350 тысяч долараў. Ужо ў першым сезоне Дарывал Жуніяр, галоўны трэнер «Крузейру», даверыў месца дыспетчара Рамірэсу, які апраўдаў надзеі, ускладзеныя на яго, стаўшы лідарам каманды, часцей асістуючы партнёрам, аднак і знярэдку забіваючы галы.

Але найлепшым сезонам Рамірэса ў «Крузейру» стаў 2008 год, калі ігрок стаў найлепшым бамбардзірам сваёй каманды ў Кубку Лібертадорэс, а на ўнутранай арэне «бліскаў» не менш яскрава, атрымаўшы сярэбраны мяч найлепшага іграка, выступаўчы на месцы атакуючага паўабаронцы ў чэмпіянаце Бразіліі.

«Бенфіка»

20 сакавіка 2009 года Рамірэс падпісаў кантракт з партугальскай «Бенфікай», якая заплаціла за трансфер футбаліста 7,5 млн еўра. Футбаліст таксама ўваходзіў у сферу інтарэсаў расійскага ЦСКА, аднак ніякіх рэальных крокаў па яго куплі армейцы не рабілі. Рамірэс дэбютаваў у складзе «Бенфікі» ў матчы супраць клуба «Віторыя» (Гімарайнш) і адразу ж забіў гол.

«Чэлсі»

5 жніўня 2010 года Рамірэс дасягнуў дамоўленасці аб пераходзе ў англійскі клуб «Чэлсі», які заплаціў за трансфер паўабаронцы 22 млн еўра.

«Цзянсу Сайнці»

27 студзеня 2016 «Чэлсі» абвясціў аб пераходзе Рамірэса ў кітайскі клуб «Цзянсу Сайнці». З 2018 года перастаў з’яўляца на полі, у маі 2019 года па заканчэнні кантракта пакінуў клуб.

«Палмейрас»

У чэрвені 2019 года вярнуўся ў Бразілію, падпісаўшы чатырохгадовы кантракт з «Палмейрасам».

Міжнародная кар’ера

У 2008 годзе Рамірэс у складзе зборнай Бразіліі паехаў на Алімпіяду, замяніўшы траўмаванага Рабінью, але там ён гуляў, у асноўным, выходзячы на замену. У 2010 годзе Рамірэс у складзе зборнай гуляў на чэмпіянаце свету, дзе правёў 4 першыя гульні сваёй каманды, але толькі ў матчы супраць зборнай Чылі выйшаў на поле ў стартавым складзе. Апошнюю гульню зборнай ігрок прапусціў за дыскваліфікацыі.

Дасягненні

Клубныя

«Крузейру»:

• Чэмпіён штата Мінас-Жэрайс (2): 2008, 2009

«Бенфіка»:

• Чэмпіён Партугаліі: 2010
• Уладальнік Кубка партугальскай лігі: 2010

«Чэлсі»:

• Чэмпіён Англіі: 2015
• Уладальнік Кубка Англіі: 2012
• Уладальнік Кубка Футбольнай лігі: 2015
• Пераможца Лігі чэмпіёнаў: 2012
• Пераможца Лігі Еўропы: 2013

Міжнародныя

Зборная Бразіліі

• Уладальнік Кубка канфедэрацый: 2009
• Бронзавы прызёр Алімпійскіх гульняў: 2008

Спасылкі

• Профіль на сайце transfermarkt.com (англ.) 
• Статыстыка на сайце National Football Teams (англ.) 
• Профіль на сайце soccerway.com (руск.) 
• Статыстыка на сайце UEFA.com (руск.) 
• Статыстыка на сайце FIFA (англ.) 
• Статыстыка на сайце soccerbase.com (англ.) 

Склады зборнай Бразіліі