Войраўка

Вёска Войраўка Краіна Беларусь Вобласць Мінская Раён Пухавіцкі Сельсавет Навапольскі Каардынаты 53°37′47″ пн. ш. 27°33′36″ у. д. Насельніцтва 13 чалавек (2010) Часавы пояс UTC+3 Тэлефонны код +375 1713 Паштовыя індэксы 222839 Аўтамабільны код 5 СААТА 6244840016 Войраўка на карце Беларусі ±

Войраўка на Вікісховішчы

Во́йраўка (трансліт.: Vojraŭka, руск.: Войровка) — вёска ў Пухавіцкім раёне Мінскай вобласці. Уваходзіць у склад Навапольскага сельсавета. Месціцца за 45 км на паўночны захад ад Мар’інай Горкі, 23 км ад Мінска, 22 км ад чыгуначнай станцыі Рудзенск на лініі Мінск — Асіповічы, на рацэ Пяскоўка (прыток Пцічы).

Назва

Аналаг з тым жа коранем у літоўскай тапаніміі — Вайрышкей (літ.: Vairiškiai). У сучаснай літоўскай антрапаніміі вядомыя прозвішчы Vaira, Vairis, Vairys.

Адносна недалёка ад Войраўкі таксама яшчэ на даваенных картах (1933, 1846 г.) фіксаваліся адыменныя тапонімы (на сёння не існуюць) Буйвідаўка (пазней Буйдаўшчына, на Пн ад Чарналесак), Скіндараўка (на ПдЗ ад Куркавічаў) , Клоўсава (на ПдЗ ад Юнцаўшчыны, захаваліся могілкі), ад імёнаў Buivydas, Skindaras, Klausys.

Гісторыя

У канцы XVIII ст. вёска ў Ігуменскім павеце Мінскай губерні. У 1800 годзе былі млын, карчма, уласнасць Дамініка Гераніма Радзівіла, належала да дамена Самуэлева. У канцы XIX ст. у Дудзіцкай воласці Ігуменскага павета Мінскай губерні.

Пад канец лютага 1918 года тэрыторыя акупіравана войскамі Германіі. 25 сакавіка 1918 года згодна з Трэцяй Устаўной граматай абвяшчалася часткай Беларускай Народнай Рэспублікі. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час Польска-савецкай вайны ў жніўні 1919 — ліпені 1920 года пад акупацыяй Польшчы.

З 31 ліпеня 1920 года ў складзе Беларускай ССР.

У Другую сусветную вайну з канца чэрвеня 1941 года да пачатку ліпеня 1944 года акупаваная нацысцкай Германіяй.

Указальнік і прыдарожны крыж, 2019 г.

У 1960 годзе пасёлак.

Насельніцтва

• 1800 — 3 двары, 36 жыхароў
• 1897 — 13 двароў, 58 жыхароў
• 1917 — 15 двароў, 81 жыхар
• 1960 — 69 жыхароў
• 1999 — 8 жыхароў
• 2002 — 7 двароў, 9 жыхароў
• 2010 — 13 жыхароў
• 2012 — 11 гаспадарак, 15 жыхароў

Спіс вуліц

• Зарэчная вуліца
• Зялёная вуліца
• Лугавая вуліца
• Мінская вуліца
• Набярэжная вуліца
• Пагранічная вуліца
• Палявая вуліца
• Садовая вуліца
• Сонечная вуліца
• Цэнтральная вуліца
• Цяністая вуліца
• Шабунёўская вуліца

Літаратура

• Войраўка // Гарады і вёскі Беларусі. Т. 8 : Мінская вобласць, кн. 4 / Т.У. Бялова (галоўны рэдактар) і інш. — Мінск: Беларуская энцыклапедыя імя Петруся Броўкі, 2013. — С. 126. — 528 с. — 2 000 экз. — ISBN 978-985-11-0735-9.
• Населеныя пункты, якія не існуюць // Памяць: Гіст-дакум. хроніка Мінскага р-на / Гал. рэд. Беларус. Энцыкл.: Г. П. Пашкоў (гал. рэд.) і інш.. — Мінск: БелЭн, 1998. — 640 с.
• Памяць: Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А. Прановіч; рэдкалегія: А. М. Карлюкевіч і інш.]. — Мінск: Беларусь, 2003. — 749 с. — 3 000 экз. — ISBN 985-01-0251-9.
• Jelski A. Wojrówka // Słownik geograficzny Królestwa Polskiego i innych krajów słowiańskich. Tom XIII: Warmbrun — Worowo. — 1893. — С. 759. — 960 с.
• Ярмоловичъ В. С. Списокъ населенныхъ мѣстъ Минской губерніи. — Минскъ: Изданіе Минскаго Губернскаго Статистическаго Комитета, 1909. — 231 с.

Спасылкі

• На Вікісховішчы ёсць медыяфайлы па тэме Войраўка