Эрык IV Плужны Грош

Эрык IV Плужны Грош (Плоўпенінг)
Erik 4. Plovpenning
кароль Даніі 1241 — 9 жніўня 1250
Папярэднік	Вальдэмар II
Пераемнік	Абель
Нараджэнне	1216 Капенгаген, Данія, Каралеўства Данія
Смерць	10 жніўня 1250 Шлей[d], Шлезвіг-Гольштэйн, Германія
Месца пахавання	царква Святога Бента[d]
Род	Эстрыдсены
Бацька	Вальдэмар II Пераможца
Маці	Берэнгарыя Партугальская[d]
Жонка	Юта Саксонская[d]
Дзеці	Сафія Дацкая, Інгеборга Дацкая, Юта Дацкая[d], Агнэса Дацкая[d], Крыстаф Эрыксан[d] і Кнут Эрыксан
Веравызнанне	Каталіцкая Царква
Медыяфайлы на Вікісховішчы

Эрык IV Плужны Грош (Плоўпенінг) (дацк.: Erik 4. Plovpenning, 1216 — 9 жніўня 1250) — кароль Даніі з 1241 года. Сын Вальдэмара II і прынцэсы Берэнгарыі Партугальскай, брат дацкіх каралёў Абеля і Крыстафера I. З 1232 года суправіцель свайго бацькі.

Біяграфія

Кароткі перыяд яго кіравання адзначаны грамадзянскай вайной паміж братамі. Асабліва люта ён змагаўся супраць Абеля, герцага Шлезвіга, які імкнуўся заняць незалежную пазіцыю і быў падтрыманы графамі Гольштэйна.

Эрык здушыў паўстанне сялян Сканіі. Прычынай паўстання паслужылі цяжкія падаткі, уведзеныя Эрыкам. Падаткі спаганяліся за выкарыстанне плуга — т.зв. «падатак з плуга», з-за якога ён атрымаў сваю мянушку (дацк.: Plovpenning).

Пасля цяжкай перамогі над Абелем у 1250 годзе Эрык вёў перамовы аб заключэнні перамір’я, але ў тым жа годзе падчас праезду праз Шлезвіг быў запалонены братам і змешчаны ў турму, дзе быў забіты, меркавана людзьмі Абеля.

Ад шлюбу з Ютай Саксонскай у Эрыка засталіся некалькі дочак. Самыя вядомыя з іх:

• Сафія — жонка караля Швецыі Вальдэмара;
• Інгеборга (1244 — 26 сакавіка 1287) — жонка караля Нарвегіі Магнуса VI.

Спасылкі

• На Вікісховішчы ёсць медыяфайлы па тэме Эрык IV Плужны Грош