Хвоя звычайная

З пляцоўкі Вікіпедыя.

ХВОЯ ЗВЫЧАЙНАЯ, сасна звычайная (лац.: Pinus sylvestris), вечназялёнае дрэва роду хвоя сямейства хваёвых.

Вышыня дрэў да 20-40 м. Кара чырвона-карычневая, у ніжняй частцы з шэра-карычневым адценнем. Крона пірамідальная або круглаватая. Галінкаванне кальчаковае. Ігліца доўгая, вузкая, хваінкі размяшчаюцца парамі на ўкарочаных парастках. Шышкі з дзеравяністымі насеннымі лусачкамі, выспявабць на другі год пасля цвіцення.

Светлалюбнае, хуткарослае дрэва, непатрабавальнае да глебы і вільгаці.

Хвоя звычайная распаўсюджаная ў Еўразіі ад Шатландыі да ціхаакіянскіх берагоў і ад Паўночнай Нарвегіі да Іспаніі, Партугаліі, Італіі, Балканскага паўвострава і Малой Азіі. На захадзе Кольскага паўвострава хвоя ўтварае мяжу лесу з тундрай.

На Беларусі хвоя звычайная – самая распаўсюджаная дрэўная парода. Утварае хваёвыя лясы, на якія прыходзіцца большая частка лясной плошчы краіны. Умовы росту – ад сухіх пясчаных выдмаў (дзюн) да верхавых балот. Найбольшыя масівы на Нарачана-Вілейскай, Верхнянёманскай, Полацкай, Палескай нізінах і Цэнтральнабярэзінскай раўніне.