Ігар Пятровіч Сергеенка
| Ігар Сергеенка | ||
| ||
|---|---|---|
| з 5 снежня 2019 | ||
| Прэм’ер-міністр | Сяргей Румас | |
| Прэзідэнт | Аляксандр Лукашэнка | |
| Папярэднік | Наталля Качанава | |
| ||
| Адукацыя | ||
| Дзейнасць | палітык | |
| Нараджэнне | 14 студзеня 1963 (57 гадоў) | |
| Дзеці | двое | |
Ігар Пятровіч Сергеенка[1] (14 студзеня 1963, вёска Сталіца, Шаркаўшчынскі раён, Віцебская вобласць) — беларускі ваенны і дзяржаўны дзеяч. Са снежня 2019 года — кіраўнік Адміністрацыі Прэзідэнта Рэспублікі Беларусь[2].
Біяграфія[правіць | правіць зыходнік]
Нарадзіўся ў 1963 годзе ў в. Сталіца Шаркаўшчынскага раёна Віцебскай вобласці.
У 1984 годзе скончыў гістарычны факультэт БДУ. У 1984—1986 гадах праходзіў службу ва Узброеных Сілах. З 1986 па 1988 год — загадчык вучэбна-метадычнага кабінета кафедры гісторыі КПСС і палітэканоміі Віцебскага дзяржаўнага медыцынскага інстытута. У 1988—1989 гадах — курсант Вышэйшых курсаў Камітэта дзяржаўнай бяспекі СССР.
У 1989—2010 гадах праходзіў службу на розных пасадах у органах Камітэта дзяржаўнай бяспекі Беларусі. У 2006 скончыў Акадэмію кіравання пры Прэзідэнце Рэспублікі Беларусь. 23 лютага 2007 года ўказам Прэзідэнта Беларусі яму было прысвоена званне генерал-маёра.
Паводле «Нашай Нівы», у 2008 годзе «пад яго кантролем», праходзіў працэс прызнання экстрэмісцкімі кніг «Лісты з лесу» Паўла Севярынца, «Выпадковы прэзідэнт» Святланы Калінкінай і Паўла Шарамета, а таксама газеты польскай меншасці «Głos znad Niemna»[3].
Ад студзеня 2010 года ўзначальваў упраўленне КДБ па Магілёўскай вобласці, ад красавіка 2013-га — першы намеснік старшыні КДБ. Уваходзіў у санкцыйны спіс Еўрасаюза як «адказны за рэпрэсіўную працу КДБ супраць грамадзянскай супольнасці і дэмакратычнай апазіцыі на Магілёўшчыне». Пазней працаваў у Гродне, адкуль пайшоў на павышэнне. У 2013 годзе прызначаны першым намеснікам старшыні КДБ па контравыведнай дзейнасці.
У канцы жніўня 2013 года менавіта ён расказаў журналістам пра завяршэнне расследавання справы аб так званым «плюшавым дэсанце». Аднак адмовіўся раскрываць падрабязнасці. Пазней стала вядома, што з фігурантаў Антона Сурапіна і Сяргея Башарымава знятыя абмежаванні волі.
У лютым 2017 года, як намеснік кіраўніка КДБ Валерыя Вакульчыка, браў удзел у круглым стале «Курапаты — мемарыял памяці і смутку», які праводзіла газета «Беларусь сегодня»[4]. Там ён выказваўся наконт «адкрытасці» архіваў КДБ.
5 снежня 2019 года Аляксандр Лукашэнка прызначыў Ігара Сергеенку кіраўніком Адміністрацыі Прэзідэнта Рэспублікі Беларусь.
Асабістае жыццё[правіць | правіць зыходнік]
Жанаты, мае двух дзяцей.
Зноскі
- ↑ zviazda.by
- ↑ president.gov.by
- ↑ Першым намеснікам старшыні КДБ стаў чалавек, які шукаў экстрэмізм у кнігах Севярынца і газеце «Глос з-над Немна», Наша Ніва, 5-12-2019
- ↑ История должна нас объединять, Беларусь сегодня
Літаратура[правіць | правіць зыходнік]
- Чытаў Севярынца, расследаваў «плюшавы дэсант», вывучаў Курапаты. Што вядома пра новага кіраўніка Адміністрацыі Лукашэнкі, Радыё Свабода, 5-12-2019
| ||||||||
| |||||||||||
- Выпускнікі гістарычнага факультэта БДУ
- Выпускнікі Акадэміі кіравання пры Прэзідэнце Рэспублікі Беларусь
- Нарадзіліся 14 студзеня
- Нарадзіліся ў 1963 годзе
- Нарадзіліся ў Шаркаўшчынскім раёне
- Асобы
- Члены Савета Міністраў Рэспублікі Беларусь
- Кіраўнікі Адміністрацыі Прэзідэнта Беларусі
- Генералы Беларусі
- Генерал-маёры (Беларусь)
