Брачыслаў Ізяслаўскі

З пляцоўкі Вікіпедыя
Jump to navigation Jump to search
Брачыслаў Давыдавіч
Князь ізяслаўскі
1127 — 1128
Папярэднік: Давыд Усяславіч
 
Нараджэнне: не пазней за 1114
Смерць: не раней за 1160 і не пазней за 1180
Дынастыя: Рурыкавічы
Бацька: Давыд Усяславіч
Жонка: Ксенія Мсціслаўна

Брачыслаў Давыдавіч (пачатак XII ст. — паміж 1160 і 1180) — князь ізяслаўскі (1127—1128, з 1150-х).

З роду Ізяславічаў Полацкіх. Упершыню згаданы Іпацьеўскім летапісам пад 1128 годам, калі вял.кн. кіеўскі Мсціслаў Уладзіміравіч пайшоў супраць полацкіх князёў за іх адмову браць удзел у паходзе на полаўцаў. Паводле летапісу, тым часам кн. Брачыслаў ішоў з дружынай да бацькі і знянацку быў заспеты нападам паўднёварускіх князёў каля Лагойска, ён разгубіўся і здаўся у палон свайму швагру Ізяславу Мсціславічу[1]. Імя бацькі летапіс не называе, з кантэксту большасць даследчыкаў прыйшла да думкі, што ім быў кн. Давыд Усяславіч.

А. Рапаў сцвярджае, што Брачыслаў быў «лагожскім і ізяслаўскім» князем і спасылаецца на Іпацьеўскі летапіс[2], там аднак Брачыслаў ніяк не тытулаваны, але паведамляецца, што княскі двор і жонка знаходзіліся ў Ізяслаўлі.

У 1128 годзе кн. Брачыславу было не меней за 15 гадоў, такім быў мужчынскі шлюбны ўзрост таго часу. Напэўна, ён старэйшы з сыноў кн. Давыда Усяславіча, бо пакінуты на ўдзеле, калі бацька "з сынмі" знаходзіўся ў Полацку. Такім чынам, з летапісу ў кн. Брачыслава было прынамсі два браты, разам з адным з іх -- Валодшам, ён згаданы пазней. У 1129 годзе разам з бацькам быў сасланы ў Візантыю, дзе кн. Давыд памёр, памерла там і брачыславава жонка кн. Ксенія, сам жа кн. Брачыслаў з братамі пазней вярнуўся ў Полацкую зямлю.

Радавод Ізяславічаў[правіць | правіць зыходнік]

Зноскі

  1. Брячислав Давидович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 84. — 737 с.
  2. Рапов, 1977, с. 59.

Літаратура[правіць | правіць зыходнік]

  • Рапов О. Княжеские владения на Руси в X — первой половине XIII в.. — М.: Изд-во МГУ, 1977. — 268 с.