Міхал Геранім Радзівіл

Міхал Геранім Радзівіл
Міхал Геранім Радзівіл
Герб «Трубы»
Дзейнасць:
Нараджэнне:	10 кастрычніка 1744(1744-10-10) Кракаў, Рэч Паспалітая
Смерць:	28 сакавіка 1831(1831-03-28) (86 гадоў) Варшава, Царства Польскае, Расійская імперыя
Род:	Радзівілы
Бацька:	Марцін Мікалай Радзівіл
Маці:	Марта з Трамбіцкіх
Жонка:	Алена з Пшаздзецкіх
Дзеці:	Антоній Генрых і Міхаіл Гедыон
Узнагароды:

Міхал Геранім Радзівіл (1744—1831) — кашталян віленскі (1775—1790), пасля апошні віленскі ваявода (з 1790), паходзіў з роду Радзівілаў.

Біяграфія

Сын Марціна Мікалая Радзівіла і Марты Трэмбіцкай. Брат Юзафа Мікалая Радзівіла. Выхоўваўся ў доме апекуна — Міхала Казіміра Радзівіла «Рыбанькі», дзе атрымаў грунтоўную хатнюю адукацыю, у тым ліку музычную. Навучаўся ў Львове, Нясвіжы.

Абіраўся паслом на сойм 1773, член Пастаяннай Рады ў 1780—1783 і 1793—1794, член Адукацыйнай камісіі з 1783 (старшыня ў 1793).

У 1792 далучыўся да Таргавіцкай канфедэрацыі. Падчас паўстання Т. Касцюшкі знаходзіўся ў Пецярбургу, не супрацьдзейнічаў наданню сваімі ўраднікамі дапамогі паўстанцаў, выстаўленню рэкрутаў. Потым адыйшоў ад палітычнай дзейнасці.

Уступіў у шлюб з Аленай Пшаздзецкай, вядомай па рамане з каралём Рэчы Паспалітай Станіславам Аўгустам Панятоўскім. Аселі ў Небарове, што ў Польшчы. Уладальнік велізарнага стану, уславіўся як добры гаспадар. У Небарове сабраў калекцыю твораў мастацтва.

Меў пяць сыноў, у тым ліку, Антонія Генрыха Радзівіла і Міхаіла Гедыона Радзівіла, а таксама тры дочкі.

Памёр у Варшаве ў веку 87 гадоў. Пахаваны ў Небарове.

Гл. таксама

• Радзівілы
• Ваяводы віленскія

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. Т. 2: Кадэцкі корпус — Яцкевіч. — Мінск: Беларуская Энцыклапедыя, 2005. — 788 с.: іл. ISBN 985-11-0378-0.

Спасылкі

• На Вікісховішчы ёсць медыяфайлы па тэме Міхал Геранім Радзівіл

Папярэднікі	Міхал Геранім Радзівіл	Наступнікі
Міхал Казімір Агінскі	Ваявода віленскі 1790—1795	——