МАЗ-509

МАЗ-509
Вытворца	МАЗ
Месца вытворчасці	Мінск, БССР
Гады выпуску	1967—1990
Храналогія
◄ МАЗ-501 МАЗ-5434 ►

МАЗ-509 — савецкі буйнатанажны грузавы аўтамабіль-лесавоз, які выпускаўся на Мінскім аўтамабільным заводзе.

Гісторыя

У 1967 годзе на замену МАЗ-501 Мінскі аўтазавод пачаў серыйны выпуск лесавозаў МАЗ-509П (П — руск.: переходный).

З 1969 года пачаўся выпуск удасканаленага МАЗ-509. З 18,4 да 20 тон вырасла грузападымальнасць. Як і ў базавага грузавіка МАЗ-500А, колавая база павялічылася да 3950 мм. Штогадовы тыраж лесавозаў МАЗ-509 складаў каля 2700 штук.

У 1973 годзе лесавозу быў прысвоены дзяржаўны знак якасці.

У 1976 годзе лесавоз быў абноўлены (новы індэкс — МАЗ-509А). Аўтамабіль атрымаў знешнія адрозненні сямейства МАЗ-5335. Яшчэ на тону вырасла грузападымальнасць, з’явілася новая тармазная сістэма (паасобная, свая ў кожнага моста). У такім выглядзе МАЗ-509А выпускаўся да 1990 года. Выпуск складаў 2700-2800 машын у год.

Выкарыстоўваўся з 2-восевымі прычэпамі-роспускамі: ГКБ-9383 або ТМЗ-803М.

Літаратура

• Родине к юбилею. Помощник лесорубов(руск.) // За рулём : часопіс. — 1967. — № 9. — С. 2.

Спасылкі

• Автомодельное бюро: МАЗ-509 (руск.)