Перайсці да зместу

Дукорскі сельсавет

З Вікіпедыі, свабоднай энцыклапедыі
Дукорскі сельсавет
Будынак Дукорскага сельсавета
Будынак Дукорскага сельсавета
Краіна  Беларусь
Статус сельсавет
Уваходзіць у Пухавіцкі раён
Уключае 37 населеных пунктаў
Адміністрацыйны цэнтр Дукора
Дата ўтварэння 20 жніўня 1924
Насельніцтва (2019) 3 193
Часавы пояс UTC+03:00
Код аўтам. нумароў 5
Афіцыйны сайт

Дуко́рскі сельсавет — адміністрацыйна-тэрытарыяльная адзінка ў складзе Пухавіцкага раёна Мінскай вобласці. Адміністрацыйны цэнтр — аграгарадок (да 2008 г. вёска) Дукора.

Гісторыя

[правіць | правіць зыходнік]

Утвораны 20 жніўня 1924 года ў складзе Смілавіцкага раёна Менскай акругі Беларускай ССР. Пасля скасавання акруговай сістэмы 26 ліпеня 1930 года ў Смілавіцкім раёне БССР. З 8 ліпеня 1931 года ў складзе Пухавіцкага раёна, з 12 лютага 1935 года — Рудзенскага раёна, з 6 ліпеня 1935 года — Смілавіцкага раёна, з 11 лютага 1938 года — Рудзенскага раёна. З 20 лютага 1938 года ў складзе Менскай вобласці. Падчас Другой сусветнай вайны з чэрвеня 1941 года да ліпеня 1944 года тэрыторыя сельсавета была акупіравана нямецкімі войскамі. З 20 студзеня 1960 года сельсавет у складзе Пухавіцкага раёна. У 1986 годзе ў адміністрацыйнае падпарадкаванне Свіслацкага пассавета перададзены пасёлак Дружны[1]. 28 мая 2013 года да сельсавета далучана тэрыторыя скасаванага Дрычынскага сельсавета (23 населеныя пункты: аграгарадок Дрычын, вёскі Белае, Вішнёўка, Вясёлае, Горкі, Граддзё, Груд, Калінаўка, Капейнае, Каробавічы, Красны Яр, Малінаўка, Маргі, Нізоўка, Ніўкі, Новы Кут, Паддуб’е, Пенякі, Салаўі, Сетча, Станіславова, Шыманаў Кут і Янкава)[2]. 28 лютага 2014 года вёска Вясёлае, якая раней уваходзіла ў склад скасаванага Дрычынскага сельсавета, перайменавана ў Вясёлае 2[3].

Насельніцтва

[правіць | правіць зыходнік]

Насельніцтва сельсавета паводле перапісу 2009 года (14 населеных пунктаў) — 1900 чалавек[4], з іх 89,6 % — беларусы, 6,8 % — рускія, 1,9 % — украінцы[5]; паводле перапісу 2019 года (37 населеных пунктаў) — 3193 чалавекі[6].

Гл. таксама

[правіць | правіць зыходнік]

Зноскі

  1. ↑ Рашэнні выканкома Мінскага абласнога Савета народных дэпутатаў ад 17 лютага, 28 ліпеня і 22 верасня 1986 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1986, № 30 (1872).
  2. ↑ Решение Минского областного Совета депутатов от 28 мая 2013 г. № 234 Об изменении административно-территориального устройства районов Минской области
  3. ↑ Решение Пуховичского районного Совета депутатов от 28 февраля 2014 г. № 203 О переименовании деревни Весёлое Дукорского сельсовета
  4. ↑ Колькасць насельніцтва населеных пунктаў Мінскай вобласці Беларусі паводле перапісу 2009 года
  5. ↑ Этнічны склад насельніцтва сельсаветаў Беларусі паводле перапісу 2009 года
  6. ↑ Колькасць насельніцтва населеных пунктаў Мінскай вобласці Беларусі паводле перапісу 2019 года

Літаратура

[правіць | правіць зыходнік]
  • Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
  • Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.
  • Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 9, 126, 367. — 10 000 экз. — ISBN 985-11-0214-8.
  • Памяць: Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А.Прановіч; рэдкалегія: А. М. Карлюкевіч і інш.]. - Мінск : Беларусь, 2003. - 748 с. - 3000 экз. ISBN 985-01-0251-9
Узята з "https://be.wikipedia.org/w/index.php?title=Дукорскі_сельсавет&oldid=4850827"