Група дваццаці

Краіны G20
Цёмна-сінім колерам пазначаны краіны члены G20. Светла-блакітным пазначаны члены ЕС

Запыт «G20» перанакіроўваецца сюды; гл. таксама іншыя значэнні.

G20; Група дваццаці (афіцыйна: англ.: Group of Twenty Finance Ministers and Central Bank Governors) — фармат міжнародных нарад міністраў фінансаў і кіраўнікоў цэнтральных банкаў, якія прадстаўляюць 20 эканомік: 19 найбуйнейшых нацыянальных эканомік і Еўрапейскі саюз (ЕС), прадстаўлены Дзяржавай-старшынёй Савета Еўрапейскага саюза (акрамя тых выпадкаў калі краіна-старшыня з'яўляецца сябрам Вялікай васьмёркі і такім чынам ужо прадстаўлена ў G20). Акрамя таго, звычайна на сустрэчах G20 прысутнічаюць прадстаўнікі Міжнароднага Валютнага Фонду і Сусветнага Банка.

У сукупнасці, G20 прадстаўляе 90% сусветнага валавога нацыянальнага прадукту, 80% сусветнага гандлю (уключаючы гандаль ўнутры ЕС) і дзве траціны насельніцтва свету.

З'яўляецца форумам для супрацоўніцтва і кансультацый па пытаннях, якія адносяцца да міжнароднай фінансавай сістэмы. Да 2008 года група не праводзіла самітаў на вышэйшым узроўні, яе асноўнай формай дзейнасці былі штогадовыя сустрэчы на ​​ўзроўні міністраў фінансаў і кіраўнікоў цэнтрабанкаў.

Была створана ў адказ на фінансавыя крызісы канца 1990-х і ўсведамленне таго, што краіны з рынкавай эканомікай, якія развіваюцца, не былі адэкватна прадстаўлены ў сусветных эканамічных абмеркаваннях і прыняцці рашэнняў.

Краіны G20

1. Аўстралія
2. Аргенціна
3. Бразілія
4. Вялікабрытанія
5. Германія
6. Еўрапейскі саюз
7. Індыя
8. Інданезія
9. Італія
10. Канада
11. КНР
12. Мексіка
13. Расія
14. Саудаўская Аравія
15. ЗША
16. Турцыя
17. Францыя
18. Паўднёва-Афрыканская Рэспубліка
19. Рэспубліка Карэя
20. Японія

Спасылкі

• Сайт G20 - Página oficial del G-20