І́зва — рака ў Навагрудскім раёнеГродзенскай вобласці, левы прыток Нёману. Даўжыня 26 км. Плошча вадазбору 141 км². Сярэдні нахіл воднай паверхні 2,7 ‰. Пачынаецца на заходніх схілах Навагрудскага ўзвышша (каля вёскі Ладзенікі), упадае ў Нёман на 1 км на паўночны захад ад вёскі Руда. У верхнім і сярэднім цячэнні называецца Iзаўка. Цячэ пераважна па лесе, у сярэднім цячэнні — па глыбока ўрэзанай даліне. Асноўныя прытокі — Нягрымаўка (злева) і Няжатка (справа).
