Пліса (прыток Нёмана)

Пліса
Запруда на Плісе ва Уселюбе. Фота 1900 года
Характарыстыка
Даўжыня	25 км
Плошча басейна	121 км²
Басейн	Нёман
Басейн рэк	Балтыйскае мора
Вадацёк
Выток
· Месцазнаходжанне	за 1 км на поўдзень ад вёскі Забалаць
· Вышыня	194 м
· Каардынаты	53°40′22″ пн. ш. 25°50′14″ у. д.
Вусце	рака Нёман
· Месцазнаходжанне	за 0,6 км на захад ад вёскі Мікалаева Іўеўскага раёна
· Вышыня	126,6 м
Ухіл ракі	3,2 м/км
Размяшчэнне
Краіна	Беларусь
Рэгіён	Гродзенская вобласць
Раён	Навагрудскі раён

Пліса́ — рака ў Навагрудскім раёне Гродзенскай вобласці Беларусі, левы прыток ракі Нёман.

Даўжыня ракі 25 км, плошча вадазбору 121 км², сярэдні нахіл воднай паверхні 3,2 м/км.

Пачынаецца за 1 км на поўдзень ад вёскі Забалаць і за 8 км ад Навагрудка. Генеральны кірунак цячэння — поўнач і паўночны ўсход.

Працякае ў межах Навагрудскага ўзвышша. Рэчышча ў верхнім цячэнні на працягу 9 км каналізавана. Упадае ў Нёман за 0,6 км на захад ад вёскі Мікалаева Іўеўскага раёна. Рэчышча ў верхнім цячэнні на працягу 9 км каналізаванае.

Найвялікшы населены пункт на рацэ — аграгарадок Уселюб (593 чалавекі на 2008 год). Акрамя яго, рака працякае каля вёсак Шкелічы, Марцулі, Зенявічы, а таксама Пліса 1 і Пліса 2. Ва Уселюбе на рацэ плаціна і запруда ў былой шляхецкай сядзібы О’Руркаў.

Асноўныя прытокі — Беніца, Ляхаўка (справа) і Лешчанка (злева).

Упадае ў Нёман каля вёскі Мікалаева. Шырыня ракі ў ніжнім цячэнні каля 10 метраў, хуткасць цячэння — 0,2 м/с.

Літаратура

• Энцыклапедыя прыроды Беларусі. У 5-і т. Т.4. Недалька — Стаўраліт / Рэдкал.: І. П. Шамякін (гал. рэд.) і інш. — Мн.: БелСЭ, 1985. — Т. 4. — 10 000 экз.

Спасылкі

• Рака Пліса (басейн ракі Нёман)